Cer i Grafu

Galar colli ffrindiau annwyl a thriw

2009-05-29T16:04:00.025+01:00

Wi heb flogo ers sbelan nawr ond rwyf inna wedi bod â’r felan arno i, wddost ti. Collas dri ffrind – un ar ôl y nall yn weddol ddiweddar, pob un o’ nhw o fewn wthnos a gwed y gwir - a diflannws yr awydd, yr awen a phob un rheswm arall ifi fodoli yn y byd bach hwn.

Dechreuws y cyfnod anodd, galarus ac arteithiol ‘ma gida Flavia, ffrind fi o’r Eidal, bthdi tri mish yn ôl nawr – dyma’r hanas número uno y tu ôl i bobith:

Mawrth, 3ydd o Fawrth , 2009
Odd Flavia Labia wedi pyrnu’r ticeds ‘ma inni fynd i weld y Vagina Monologues yn y theatr ‘ma yn Catford, De Llundain. Big mistake - ‘taswn i’n gwpod am beth odd e ambwyti, fyswn i ddim wedi mynd yn y lle cynta; own i’n meddwl taw Regina Monologues wetws hi, a rhyw waith o law Alan Bennett odd e’n mynd i fod - ac fi’n itha lico fe. Wi’n cofio gweld rhai o’i ymsonau ar y teli; odd un gida Thora Hird yn ymson am ryw creamcracker odd o dan y soffa os cofia i’n iawn, ac un arall gida Julie Walters - ond wi’m cofio am beth oedd hi’n ymson ambwyti fe.

Ta p’un i, odd hi’n itha difyr – rhaid gweud – er bysa rhywun fel Wnwcl Emmanuel wedi cal hartan yn gryndo ernyn nhw’n clodfori ffwrchz – sdim dowt. Dechreuws y broblam off pan nethoi shibrwd amall i one liner yng nghlust Flavia Labia yn ystod y peth - ma ddi wedi cymryd offens at be’ wetas i ac ma’r ast wedi tynnu fi off ei rhestr ffrindia ar facebook nawr. Dim ond jocan own i – silly cow!

Wetas i wrth Robert bythdi hyn ac ma fe’n cytuno bo hi’n stiwpid i feddwl y byswn i’n bihafo m’unan mwn peth fel na. Mae hefyd yn gwed bod fersiwn Gymrag ar gal ac ma’n nhw’n ei galw hi’n Shinani’n Siarad. Byrstas i mas i wythrin pan wetws e ‘ny a meddwl taw jocan odd e – ond ifi wedi gwglo’r teitl nawr ac ma fe’n gwed y gwir, sydd wedi neud ifi wyrthin hyd yn oed yn fwy – wn i’m pam; plentynnaidd odw i, shord. Geson ni bach o laff pan wetws Rob bod y shinani'n gallu rhechin ond iddo fe ariod glwad un yn siarad. Dyna pam fi'n dwlu ar Rob; er gwaetha pob sarhad fi'n towlu ato fe a phwy bynnag arall, ma'n gallu mynd un yn well. Ma fa'n dal yn ffrind ifi er gwaetha pawb a phopith, er wn i’m pam fi’n ffrind iddo fe – ma’n insulto fi trw’r ffycin amsar ac ma’ i jôcs e’n anwleidyddol gywir witha.
--------------------------------------

Yr ail ffrind ifi golli odd Xosé ond ei fai e odd hwnna a gwed y gwir – dyma’r hanas número dos:

Iau, 5ed o Fawrth, 2009
Fi gyrhaeddas nôl yn y fflat un noswith ac own i’m yn meddwl bod neb arall yno. Odd hot date gida fi nes mlan ac own i’n wilmentan yn drâr fi am gondoms ond odd dim un i gal - a’r peth yw, odd ‘da fi stash mawr o ‘nhw yn fy nrâr y tro diwethaf ifi ddishgwl. Dyma fi’n mynd i stafall Xosé wedyn i weld os odd e wedi twgyd nhw, ond pan agoras i’r drws, beth welas i, ond hwncw’n shelffo rhyw fenyw fflat out. Odd hi’n embarrasing a gwed y gwir – nid cymaint ifi ond iddo fe yn sicr, gwath odd y fenyw ‘ma ddim yn oil painting o bell ffordd. Wetas i wrth Xosé bo well iddo fe fod ar y gwaelod o’erwydd ar y top, odd ei gefan e’n etrych fel cefan babwn o Gwm Twrch – a cheras i mas yn slow ar ôl codi un o’r paceidia o gondoms odd ginto fe ar y llawr a winco arno fe cyn cau'r drws. Ath e’n grac iawn gida fi ‘ed ac wn i’m pam – dim ond bach o banter odd hwnna i fod, ond odd e ddim moyn wara’r gêm ac atab fi nôl.

---------------------------------------

Y trydydd ffrind ifi golli odd Pablo a bai fi yw hwn heb os... – dyma’r hanas número tres:

Gwener 6ed o Fawrth, 2009
Nos Wenar odd hi a Pablo’n moyn mynd mas am gwpwl o beints. Cwrddson ni lan, cal peint ac wedyn mynd o Sloane Square tshag at genol y West End – Charing Cross Road. Dyma ni wedyn yn mynd at y cashpoint ‘ma. Wi’n gwpod bod cashpoints yn slow ond fi’n casáu pobol sy’n slowach byth yn trio tynnu arian mas ac odd y boi tew ‘ma o’n blan ni yn cymeryd o leiaf pum munud yn wara rownd da’r mashin. Yn anffodus, dyma fi’n gwed wrth Pablo yn Sbaeneg bod y boi ‘ma yn rial hen ffycar yn cymeryd shwt gymid o amsar a rhaid bo fe’n ffycin stiwpid. Os felly, dyma’r boi yn troi rownd, edrych ym myw fy llecid a gofyn ai taw fi wetws hwnna. Fi wetas nag own i’n deall Sbaeneg a phwynto at Pablo; ma Pablo ond yn fach ac own i’m yn meddwl bysa fe’n ‘i fwrw fe ond dyna be’ nath y cont. Buo i yn A&E wedyn yn Ysbyty Chelsea a Westminster sbo’r bora wedyn am i’r cont ‘na dorri gên Pablo. Odd Pablo druan dal yno am bythewnos. Wi mor falch bo’r boi ‘na heb fwrw fi cofia, ond ifi yn timlo’n flin drost Pablo ac ifi’n diall pam nag odd e’n folon siarad â fi am ddou fis a rhagor, ond wi’n siŵr daw e drosto fe a dychra gweld yr ochor ddoniol i'r digwyddiad ryw ddydd.

----------------------------------------

Gwener 29eg o Fai 2009
Digwiddws yr hanesion ‘ma bthdi tri mish yn ôl a dim ond nawr ma’r tri yn dychra siarad â fi ‘to, ond wi’n cretu bydd rhaid ifi ffindo ffrindia newydd os nag ŷn nhw’n folon derbyn bach o dynnu coes yn y dyfodol. Wi’n cretu bo calon fawr gen i – wedi’r cwbwl, ifi’n folon siarad â nhw eto, er bo nhw wedi anwybyddu fi am shwt sbel.

Troeon gwaith, Geoff a 'rehab'.

2009-02-28T15:58:00.025Z

Own i’n gwitho shifft nos nithwr – nos Wenar odd hi ‘ed – ond wi ddim yn mynd i gonan. A gwed y gwir, buo i’n conan shwt gymid bo fi’n gwitho shiffts cynnar, fel nag oes troed gen i sefyll arno. At hynny, ma’n well gen i witho shifft hwyr, er bod hi'n ffwcan dy nos Wenar lan wetyn – sydd wastod wedi bod yn noson barti yn fy niwylliant i.

Hannar o hyn a ‘annar o’r nall yw shiffts bora a noswith. Os bydda i’n gwitho shifft gynnar, sdim bowyd gen i yn ystod yr wthnos am bo fi’n cwnnu’n gynnar biti 3 y bora a bennu biti 5 yr hwyr. Bydda i’n gorffod mynd i’r gwely ar ôl cyrradd yn dre er mwyn cwnnu am 3 y bora - y bora wedyn. Ti gei di shiffts noswith wetyn a bydda inna’n cal cysgu digon cyn gorffod ail-ddechrau yn yr hwyr - ac witha, fi gaf i noson mas – ond y drwg yw bo fi’n colli sesiwn ifad nos Wenar pan fo pawb arall wrthi.

Buo i’n gwitho gida Geoff nithwr. Artist yw e sy’n creu darlunia fel Picasso ne wn i’m pwy – fi heb weld ei stwff, ond ma stiwdio ginto fe yn ei fflat, felly ma’n rhaid bo fe’n dda yn ei waith am bo fe’n ennill arian wrth wyrthu’r darlunia hyn, twel. Gwitho gida ni yw e am bo fe’n moyn cwrdda phobol, cymdeithasu fel, ac wrth gwrs, ma’n helpu talu’r morgais ryw dipyn.

Boi posh yw Geoff o gefndir cyfoethog – fe wetws hwnnw wrtho i pan ethon ni am beint wedi’r gwaith, ond own i’n rhyw ama hynny pan wetws e bo fe wedi bod mwn rehab am flwyddyn. Wedi’r cwbwl pwy all ffwrdo hwnna ond pobol o linach ne’ arian.

Fi geso gyfla i ofyn iddo fe pam rehab, ac ma’n depyg taw alcohol yn fwy na drygs fu ei broblam - ac a gwed y gwir, own i’n meddwl hynny am bod drygs adloniadol yn dshepach nag alcohol, ac nid tir y cyfoethog ŷn nhw o bell ffordd erbyn hyn- y drygs - ond fel y gwetws e wrtho i, ma’ cymysgu’r ddou yn rysait reit beryg a pho fwya o arian sy ‘da ti, mwya o gyfla i gal lot o’ nhw a chymysgu’r ddou.

Ma' Geoff off i Baris y penwthnos hyn ac ma’n dod nôl ddydd Sul – ‘co ti posh; wi’n gorffod safo lan i fynd i Brighton ym mish Gorffenaf am benwthnos - 'co ti mor glawd odw i. Dyw bywyd ddim yn deg ond o leiaf, fuas i ariod yn rehab am flwyddyn – amall i ddwyrnod, ond nid blwyddyn!

Fi, Fabien y Ffrancwr a'r Bwytawyr Angau

2009-01-30T17:09:00.019Z

Own i wedi cyffroi drwyddoi ddydd Merchar dwetha; fe ath fy ffrind Fabien a finna i gofrestru gidag un o’r casting agencies ‘ma. Man nhw’n dychra ffilmo rhanna o 'Harry Potter and the Deathly Hallows' i lawr ‘ma yn Llundain ac oen nhw’n moyn casto cwpwl o Death Eaters ar gyfar y ffilm. Yn goron ar y cwbwl, gwetws y fenyw asiant ‘ma bod lleoliad yr ysgol Hogwarts i lan yn yr Alban a bysa cyfla inni ela cwpwl o ddyddia yno mewn gwesty pum seren. Own i ar ben fy nigon a’m calon yn curo. Cymerws y fenyw asiant ffroenuchal ‘ma ein mesuriadau ni a thynnu cwpwl o luniau ohonon ni o bob un ochor, ac wetyn bu rhaid ifi a Fabien aros ryw ychydig pan odd hi’n cal sgwrs gida un o big knobs y ffilm.

Yn anffodus, trows y cyffro yn siom pan nath hi gynnig rhan i Fabien a’m gwrthod i am bod fy nhrwyn i’n rhy fawr i wara un o’r Death Eaters. Own i’n tampan ac yn rhyw ama bysa hi’n dewish Fabien ond odd mwy nag un rhan Death Eater i gal a dyw fy nhrwyn i ddim mor fawr â ‘ny. Y peth yw - odd hi'n ffansio Fabien ac yn fflyrtan gidag e byth a hefyd. Odd hi’n gwed bod tŷ haf gida ddi yn Languedoc Roussillon a rhows hi gynnig ar siarad Ffrangeg ag e hefyd wrth weud – tu es parfait pour un Death Eater. Er fy ngwaetha, fi dorras i ar ei thraws hi a gwed bod nhw’n cal eu galw’n mangeurs de mort yn Ffrangeg, ond ath hwnna dddim i lawr yn rhy dda - ac ath petha’n wath ar ôl hynny.

Own i’m yn lico’r fenyw o’r funud gynta welas i ddi, a bod yn onasd, ond fi drias i fod yn neis wrthi. Own i’n dadla’n rhesymol am gwartar awr bod gin yr actor sy’n wara Severus Snape drwyn lot fwy na m’un i, ac odd e’n un o’r prif Death Eaters yn y ffilm, a phan na withws hwnna, wetas i bod y Death Eaters bron i gyd yn gwishgo ffycin masgia a bod cwcwll drost eu penna nhw ta p’un i. Ei hatab hi i hwnna odd na fysa’r masg yn ffito drost fy nhrwyn i ac heb y masg bysa ‘nhrwyn i’n towlu cysgodion dros y lle i gyd. ‘Sneb ariod wedi siarad â fi fel ‘ny o’r blan ac ath petha o ddrwg i wath pan nath hi sefyll lan y tu ôl i’r ddesg a gweud:

Look, don’t beg! Have you seen Lord Voldemort’s nose? It looks as if someone’s slammed the door on it, but your nose looks like you’re related to a probiscus monkey. He just wouldn’t want you in his gang. If anything suitable comes up, I’ll let you know – perhaps they’ll remake Cyrano de Bergerac one day and I’ll give you a ring.

Am hen ast o ffycin fenyw anghwrtais a digywilydd. Rown i wir wedi cal hen hen ddigon o’ eni ddi erbyn ‘ny - a dyma fi’n cwnnu lan a mynd tshag ati ddi y tu ôl y ddesg a gweud bod fy nhrwyn i’n lot rhy fach i wara Cyrano de Bergerac sy’n fwy na alliff neb weud am seis ei chont hi ac iddi roi ei Death Eaters i lan ei thin. Fi droias i rownd wetyn a cherad mas o ‘na a slamo’r drws yn glatsh y tu ôl ifi.

Af i ddim i weld y ffilm ‘na nawr pan ddaw e mas neu bydda i jwst yn meddwl am y cyfla coll. Buas i’n extra un tro ar ‘C’mon Midffild’ ond dyw hwnna ddim yr un peth. Geso i’r job ‘na am bod Llion odd yn wara George yn un o’m ffrindia gora i- ond dim ond esgus watsho ffwtbol ar ryw ga pêl-droed own i’n gorffod neud ac odd y rhan fwya o drigolion Sgubor Goch â rhan extra yndo hefyd a byddi di’n lwcus i ‘ngweld i am bod y ffycars ‘na yn benderfynol o gal eu gweld ar y teli ar draul pawb arall. Dim ond £10 dalson nhw ifi ‘ed a ti’n cal £250 am Harry Potter. Ma’n wir yn y byd ffilmia ‘ma taw matar o bwy ti’n napod yw hi ombai bod y person sy’n casto yn moyn copan off ‘da ti.

Wi’n timlo’n drist ‘bo fi heb gal wara un o’r Death Eaters cofia – galsa hwnnw fod wedi bod yn gam cyntaf at fod yn un o sêr Hollywood. Mae’r siom yn dod â geiria Marlon Brando i’r cof pan oedd e’n acto miwn ryw ffilm ne’i gilydd – I could've been a contender. I could have been somebody …

Bu raid ifi aros biti awr y tu fas i’r swyddfa wedyn ‘sbo Fabien yn dod mas. Ma' fe’n gwed bo fe’n mynd at y tîm cynhyrchu ddydd Merchar nesa er mwyn cal ei wishgo ar gyfar y rhan. Ma’r ast wedi cynnig rhan iddo fe fel labrwr o wlad Pwyl ar ryw gyfres Ashes to Ashes hefyd ac ma’n cal ffilmo hwnna ddydd Llun. Wi ariod wedi clwad am y gyfres ‘na ond fi alswn i fod wedi wara labrwr Pwylaidd – walla na ddylswn i fod wedi colli fy nhymer i mor gloi gida’r hen fitsh. Er hynny, wi’n falch bod Fabien wedi cal gwaith mas o’nhw; sdim lot o Saeson yn lico’r Ffrancod, felly mae’n neis - iddo fe - bod un o’nhw’n ei ffansïo fe. Gwetas i wrtho fe ar y ffordd sha thre y dylsa fe dreial cal i miwn idd’i nicars hi a walla gela fe ran yn y ffilm Batman nesa - ac own i’n gallu gweld wrth y wên ar ei wynab ‘bo fe’n ystyried y peth. Hei lwc iddo fe – weta i.

Gwaith, fy ffrind newydd a'r goleuni

2009-01-23T20:44:00.004Z

Dyma fi’n dychra nôl i witho heddi ar ôl hirlwm gwila’r ‘Dolig. Bach o shit yw gwitho ‘to ond ma’ rhaid i ddyn ennill ei ginog. Odd biti 70 o bobol newydd yn dychra nôl ar y gwaith wi’n ei ‘neud ar fysus Llundain ac own i’n gorffod hyfforddi’r fenyw ma o Sri Lanka. Moni yw ei henw hi, ond yn anffodus, fe briotws hi â’r Almaenwr ‘ma - a’i sdeil e oedd Fucher, felly ei henw hi nawr yw Moni Fucher. Wir bois, wi ddim yn neud hyn lan – bysa fe’n jôc rhy rwydd i neud hwnna lan ac ifi wastod wedi ffindo bod mwy o hiwmor mewn bywyd go-iawn nag y galliff unrhyw ddigrifiwr ei greu yn ei ben.

Erbyn amsar cino, odd ei henw hi wedi mynd rownd y depo ac odd pobol yn dychra snigran pan ela hi hibo. Bai fi odd hwnna ac own i’n timlo’n reit flin bo fi wedi gweud wrth bawb, felly fi benderfynas i dreial achub y sefyllfa a chal gair yn ei chlust.

Dyma fi wrthi:

Look here now Moni – I’m Welsh and the Welsh don’t take the piss out of anybody, be they friend or foe, so i’m going to help ‘ew out on this one - change you’re fuckin’ surname fenyw!!

Odd hi ddim yn gwpod am be ffwc own i’n mynd mlan ambwyti fe ar y dechrau, felly bu rhaid ifi egluro wrthi hi wedyn bod Moni yn enw neis iawn, ond bysa rhai pobol yn ei glwad e fel moaney sy’n golygu bod rhywun wrthi’n cintach trw’r amsar. Fi wetas i bod yr enw yn iawn ar ei ben ei hunan a bysa neb yn ei gysylltu fe â rhyw hen gonan – OND - y sdeil odd y broblam a phroblam fawr i’m ffordd i o feddwl. Dyw Moni ddim yn mynd gyda Fucher – wetas i heb flewyn ar dafod. Gofnas i wrthi ddi wedyn beth odd enw’r teulu. Own i’n rhyw hannar gobitho bysa hi’n gwed Lisa a bysa Moni Lisa gida ni wedyn a dyna iti jôc gwael a thwp ond trwy lwc Siffi oedd cyfenw ei theulu.

Odd hi ddim yn lico’r cyfenw Siffi ac yn meddwl bod Fucher yn lot gwell, ond ar ôl fy nghyngor i a chyfyng gyngor ar ran y ddou o’ ni, dyma hi’n penderfynu y bysa hi’n lico cymeryd fy sdeil i - ac felly Mona Jones ma’n moyn cal ei galw yn y gwaith o hyn ymlaen. Wi’n timlo’n eitha emosynol biti hwnna a gwed y gwir. Fi dexstas i bawb yn y gwaith yn gweud taw ‘mond jocan own i biti Moni Fucher a Moni Jones yw ei henw iawn hi ac wi’n credu ‘bod ni wedi cal get away gida’r newid stori mor bellad.

Ma’ Moni ond yma ers mis yn Llundain ac ifi’n timlo bo fi wedi achub ei chroen hi rhag pob sen a sarhad. A gwed y gwir, winna’n timlo witha ‘bo fi'n foi mor ffein yn ei helpu ddi mas fel bo goleuni’r Arglwydd yn shino mas o ‘mhen ôl i.

Paxo, Nigella a Betsan

2009-01-18T18:34:00.018Z

Un o’m hoff raglenni teledu yw University Challenge. Wi ddim yn ei gwylio hi ar y teledu, cofia, ne’ bysa rhaid ifi dalu am y liswns. A gwed y gwir, wi’n watsho pob ffycin dim sy’n dod off y teli ar y we erbyn hyn. Mae pethach i gal fel youtube, ac fe gei di U4D, BBCiPlayer ac S4/Clit lle ti’n pwsho’r botwm iawn ac yn cal gweld pob un dim rhaglen y dwyrnod wedyn. Fi alla i aros dwyrnod heb becso os fi’n safo dros ganpunt y flwyddyn – dim probs.

Nage blog gwleidyddol yw hwn, ond pan ti’n gallu cal cant a mil o sianeli teledu o’r byd pen penbaladr - pam ddiawl bo rhaid i ddyn dalu am ddwy sianal y BBC a thitha’n gallu gweld bron popith sydd arnyn nhw y dwyrnod wedyn. Pe bai angan, ma' ddi’n bosib ifi a phawb arall watsho rhaglenni’n fyw ar y BBC gida Zatoo ar y we. Rwyf inna’n folon aros ‘sbo’r dwyrnod wedyn, ombai bod gin Nigella ryw raglen biti cwcan mlan - dim ond wedyn byswn i’n folon risgo bod y ffycars yn galw hibo.

At hynny, ‘sdim signal yn dod off gliniadur oes e, felly ŵ i ddim yn gwpod shwt y gallan nhw ddala neb ‘tasan nhw’n digwdd watsho pob un dim yn fyw. Wi’n cal llythyron off y bobol liswns o Fryste bron pob pythewnos yn gwed bod dim liswns yn y fflat a’u bod nhw yn y cyffiniau yn tsheco lan ar bobol. Dyw’r ffycars ddim yn rhoi 'stamp adressed envelope' gida’r rhybudd, felly wi’m yn mynd i dalu ffortiwn ar stamp er mwyn gweud wrthon nhw bod dim teli ‘da fi. Wi’n eu gweld nhw’n bobol ddi-gywilydd y jawl – os ti’n lico gwishgo siwmper binc, dyw hwnna ddim yn golygu bo ti’n gay ac os nag oes teledu yn dy dŷ, fflat ne’ ble bynnag, dyw hwnna ddim yn gweud bo ti’n clatsho bant wrth watsho Nigella ar y BBC yn fyw! Innocent before proved guilty – dyna’r gyfrith yn Lloegar ontefe – ac ma ‘nghydwybod i’n glir!

Ifi’n parchu’r gyfrith i ryw radda ac yr unig dro ifi dorri’r gyfraith a chal fy nal odd pan own i’n gweithredu gida bois yr iaith yn ystod ymgyrch y Sianel pan ath criw o’ ni rownd pentrefi Cwm Tawe a Chwm Gwendraeth yn rhybuddio pawb bod fan liswns y teledu y tu ôl inni ac i bawb wrthod talu y drwydded ne’ ddylsan nhw droi’u televisions nhw off gloi. Fi benderfynas i taw fy rhan i o‘r ymgyrch ddyla fod i annog plant Cefn Parc Eithin i shoto brics at y fan teledu pan ela fe hibo. Cheso i ddim cyfla i annog plant Gwaun Cae Gurwen i neud yr un peth am i’r heddlu fy nghadw i o dan glo hyd nes bo nhw’n mynd â fi o flan ynadon Abertawe. Mas law, fi bennas i lan miwn carchar cadw ar gyfar troseddwyr ifainc ym Mrynbuga yng Ngwent o bob man. Y peth sy’n agor crachan gen i cofia, yw’r ffaith na cheso i ddim un llythyr o gefnogath off y Gymdeithas pan own i yno; dim ond llythyr swyddogol ar bapur A4 yn fy niarddel i o Gymdeithas yr iaith am byth – y ffycin rebels dosbarth canol ishda ag ŷn nhw!

Ta p’un i, wi’n crwydro nawr ac yn ranto o bosib. Wi’n lico University Challenge am fod y boi ‘na sy’n ei wneud e yn treial acto fel ‘bo fe mor wybodus. Paxman yw ei enw e, ac ma’n ela fi i wyrthin. Alliff unrhyw ffycar fod yn wybodus os yw e’n cal yr atebion mlan llaw. Fi’n siŵr bo fe’n neud bach o ymchwil extra ar wicepedia cyn bod y rhaglen ar yr awyr ac yn nodi rhai ffeithiau yn y gobaith y bydd rhai cystadleuwyr yn gwed rwpath twp fel ‘bo fe gallu dod drosto yn ddeallus y jawl a bod yn sarci wrthyn nhw. Fi’n lico neud ‘ny ar fforyma trafod wrth ymatab i rywun ond ‘swn i byth yn ei 'neud e miwn pub quiz ne rwpath ffurfiol fel University Challenge, ac mae Betsan Powys yn boleit iawn yr un fath a fi - hyd yn oed wrth yr idiots mwya twp ar y Mastermind Cymru ‘na.

Dyma Paxo wrthi pwy noswith:

Jeremy Paxman (cwisfeistr): Starter for ten -who gained the title of Empress of India in 1877 by declaration of the House of Commons?
Coleg yr Iesu, Rhydychen: Elton John
Jeremy Paxman (cwisfeistr): ELTON JOHN!! – for godness sake, she was born in the 1950’s. I despair Jesus College. The correct answer is Victoria, Queen of England, who was a rampant hetrosexual filly who liked dressing in black, - nothing like Elton John!!

Ma’ angan gras witha – on’d o’s e?

'Loads of money', ei golli a 'shadenfreude'

2009-01-03T22:04:00.027Z

Loes calon yw’r wasgfa ariannol, ontefe. Ots ‘da fi am y ‘city types’ bondigrybwyll sydd wrthi’n colli popith. Ma’ rhyw deimlad o schadenfreude yn dod drosto i biti nhw. 'Ha ha' - ac eto 'ha ha' chwetyn. Ots gen i eu gweld nhw'n canu'n iach idd'u harian nhw, ac ma' rhyw ffycar yndo i yn eitha joio'r peth. Dyma odd eu cytgan nhw - loads of money a da gen i ganu nol iddyn nhw - but not any more you fuckers!

Er hynny, pan fo rwpath fel ‘ny yn cyrradd lawr gwlad, winna’n itha pissed off – rhaid gweud. Digwdd ifi byrnu dou stêc tshop yn Somerfield ddo’, ac er mor anodd ei chredu, fe ddath y bil i £5.75. Own i’n arfadd eu cal nhw ar y slei am £1.50 gin Avril yn yr Asparagus yn Battersea Park Road, ond oddi ar i Somerfied ddoti’r petha metal ar y pacad sy’n achosi i’r drysa sgrechin biiiiiip wrth fynd mas, ma’ Avril erbyn hyn ond yn gwyrthu tymatos, bylbs garlleg a winwns yn y dafarn. A gwed y gwir, rŷn ni’n lwcus i gal tun o ‘Princes Tuna in Light Mayonaisse’ off hi nawr ac ifi’n gwrthod yn lân a chymryd y pethach disgownt daw hi i miwn â nhw o bryd i’w gilydd. Man nhw’n tshep a sdim ffrils biti nhw, ac er bod pobol dlawd yn dueddol o fyta unrhyw shit - nace fi yn, weta i 'ny 'thot ti nawr; ma gen i bach mwy o class na ‘ny.

Wi’n cefnogi busnesau lleol i’r eithaf, cofia - ond ombai bod Avril yn dychra twgyd a gwyrthu pethach gwell nag amall i dun o ‘Spagetti Meat balls’ o Lidls – ma’n flin ‘da fi, ond nag w i'n mynd idd’i chefnogi ddi ragor. Ma’ unrhyw bygar yn gallu twgyd o Lidls – ma’r gwt 'co le ti'n talu yn rhy hir ac man nhw’n talu cynlleiad i’r staff fel nag os ffyc all o ots ‘da nhw pwy sy’n cerad mas gida eu Girabaldi biscuits ne’ beth bynnag.

Ma’ Fu Manchu yn dilyn yr un llwybr. Yn lle cal fideos teidi – ma’n fe’n gwyrthu’r ‘sgreeners’ ‘ma lle ti’n clwad pob un ffycar swnllyd yn ystod y ffilm ac ma’ hannar y ffilms yn Mandarin Chinese ta p’un i. Bysat ti’n meddwl ‘sa fe’n ddigon call i ishta ar ei ben ei hunan yn bell o’r slobs ‘na i gal ail-ffilmo’r peth yn iawn - ond ma’r credit crunch yn effeithio ar bawb ac dyw e ddim yn gallu ffwrdo’r seddi gora nawr.

Wn i ddim be ‘na i gida'r wasgfa ariannol 'ma. Walla af i nol i glau’r toilets yn Peking pan fo’r twristiaid yn frith dros y lle – dyna’r unig job sefydlog geso i ariod – gewn ni weld.

Pinna bach a netwyddi mawr a'r anaf atchwipio

2009-01-01T05:18:00.023Z

Bach yn broblematig odd ‘Dolig a’r Flwyddyn Newydd eleni, ac er bo fi’n dueddol o mysdyn coes amall i stori, dim ond y gwir a’r gwir yn unig yw’r hanas ‘ma. Dyma fi’n bennu lan ryw dridiau cyn y ‘Dolig yn yr Accident & Emergency yn 'Ysbyty Westminster and Chelsea' ar ôl cal pin bach yn fy mys bawd. Digwddws ifi dreial wpo drawing pin miwn i’r pren ‘ma a nath y cylch uwch ei ben e sleido lawr ac ath y pin i mewn i’r bys bawd a reit lan at yr ewin. Nath e ddychra neud dolur ar ôl biti wthnos pan drows y briw yn felyn, felly etho i at yr A&E a ‘nath y ffycars fy nghadw i miwn dros y Nadolig a thynnu hannar fy ewin i off.

Fi’n siwr ifi gal mwy o netwyddi mawr yn ‘y nghorff i na’r un ffycin jynci dros yr ŵyl, ac o bob un 'effin hunllef, dyma fi wedyn i ar ward gida wech o bobl henach na hen, a rhai lot henach na Methusalah. Odd un o’nhw’n 97 o’d ac odd e’n gofyn i’r nyrs bob un cynnig gela fe a odd e’n mynd i farw ne’ bido. Byswn i wedi gwed y gwir wrtho fe, ond odd y nyrs yn reit wlanan ac yn gwed wrtho fe i bido â bod mor dwp a bod pawb yno i wella o ran ysbryd a chorff. Er ei geiria o gysur, fe ddath yr Arglwydd ar ei ol ar yr ail ddiwrnod ifi fod yno, ac fi enillas bum punt off yr hen foi yn y gwely wrth ym ochor i a odd wedi beto fi na fysa fe’n mynd at ei ddiwadd tan fora Nadolig fan leia.

Wi’m yn gwpod pam nag yw pobl yn fy nghredu i; ma’ gen i drwyn am y pethach hyn. Odd e’n amlwg bo fe ar ei ffordd mas. Y tro cynta ifi ei weld e, odd e’n cysgu a’i geg ar agor fel pysgodyn mas o’r fish tank, ac own i’n meddwl bo fe wedi ei phego hi y noson honno a bod yn onasd. Gwetas i wrth y nyrs a odd yn rhoi fi ar y blydi drip ganol nos y bysa hi’n syniad da ei roi e yn y capal gorffwys cyn bo fe’n dychra smelo, ond odd hi’n gwrthod gryndo arno i.

Ta p’un i, er bo fi wedi ennill y bet, ‘netho i ddim cymryd pum punt off yr hen foi, ond fi geso i ei gerdyn teledu odd â £1.30 o gredyd arno fe ifi gal ei wpo fe yn y teli uwchben fy ngwely i. Own i’n difaru wetyn bo fi heb gymryd y pum punt gwath ath y teli off hannar ffordd trwy 'Mary Poppins' ac odd rhaid ifi wara pocer gida fe i ennill dicon o arian i weld 'The Charlotte Church Nutcracking Christmas Special' ar noswyl Nadolig. Wi’n cretu bod hi’n ffycin rip-off bod rhaid iti dalu i watsho’r teli yn yr ysbyty ac er bod ti’n cal bwyd am ddim, mae’n itha shit.

Own i’n mynd i fynd nôl at y teulu dros y Nadolig ac own i wedi addo y byswn i’n gyrru lan i ganu deuawd gida Morfudd yn nathliadau’r Plygain yn y capal ‘ma ym Mhencader ar bwys Dolgrân – ond ath hwnna i gyd lan y sbowt. Dyw bowyd ddim yn wara mas fel dylsa hi witha, ond fi geso i gyfla i fynd nôl gytra y dydd llun cyn Nos Galan.

Odd hi’n grêt gweld y teulu a phopith ond ath petha o with gytra ‘efyd – nid gida’r tilu ond gida Eddie, fy ffrind gora a’i war Sali nag ŵ i’n lico ryw lawar. Fi wetas i y byswn i’n galw draw idd’i helpu nhw i gal y gadar olwynion electronig brynson nhw mas o'r fan a dros y ffens ac i mewn i'r cartra yn Glyncorrwg Drive er mwyn idd'u mam nhw Barbara gal galifanto yndi rownd y lolfa a'r gegin. Wi wastod yn eu helpu nhw mas fel 'ny, ond own i’n byw hannar fy mywyd gytra yn eu tŷ nhw pan own i'n grwt ac man nhw fel ail deulu ifi, er bod Barbara wedi mynd bach yn dwlali erbyn hyn ac yn meddwl taw fi yw’r Pacistani sy’n byw drws nesa.

Ta pu’n i, llwyddson ni gal y gatar ‘na miwn a chal Barbara i ishta'n gyffwrdus yndi ar ol i Sali ei bwgwth hi a'r harn smwddo. Man nhw'n depyg i'r ceir bach 'na y ma’r grannies yn gyrru rownd canolfannau siopa yndyn nhw, ac yn bethach eitha handi, a gwed y gwir - ond edrych bant ‘nethon ni am eiliad yn unig, a nath y blydi fenyw wpo rhyw fotwm arni a dyma’r ffycin cadar yn baco nôl a mynd yn syth i miwn i’r peiriant golchi gan dorri’r drws a gatal i'r dŵr brwnt i gyd rytag mas drost y parth. Yn wath byth, fe gas Barbara anaf whiplash iddi hi ei hunan a bu raid inni fynd i’r ‘sbyty gida ddi. Odd y lle’n bedlam - ‘nath Sali roi’r goler a odd rownd gwddwg y ci am wddwg Barbara ac off â ni yn y fan. Wetas i wrth Sali bod y goler ‘na i fod i stopid y ci rog llio ei ben ôl ‘i hunan ond odd hi’n bendant bysa fe’n helpu’r whiplash - ond odd hi’n uffach o rwystr idd’i chal hi miwn i’r fan 'ta’r goler na arni ddi ...

Noson arall yn yr Accident and Emergency fuodd hi wedyn, ac a gwed y gwir, wi’m yn gwpod pam odd rhaid ifi fynd, ond ma’ Barbara yn trwsto Mr Patel drws nesa yn fwy na’i mab a’i merch ‘i hunan – dyw ei phen hi ddim yn iawn druan. Ar ôl biti wech awr yn yr ysbyty, dyma ni’n cal mynd o ‘na a Barbara’n gorffod gwishgo un o’r pethach na odd gida’r nyrs ‘na rownd ei gwddwg hi ar ôl i Jack Nicholson dreial ei thagu ‘ddi yn y ffilm ‘na ‘bthdi’r nytars yn yr ysbyty meddwl yn America ne’ rywla.

Dydd Calan yw hi nawr – tynnu at 6 y bora - ac wi’n sgrifennu hyn yn nhŷ Barbara, ac ma’ Eddie a finna wedi agor potal o fodca ac ma’ Sali wedi ei gwân hi diolch byth. Trwy lwc, dyw Eddie ddim yn cal ifad ne aiff e’n wylld – ma’ clefyd y siwgir arno ne’ rwpath – felly, ma fe’n cal y dŵr tonig ac wi jwst yn mynd i ifad y fodca sbo fi’n anghofio popith biti’r dyddia diwetha ‘ma.

Y boi a gollws ei bidyn, yr orchest glatsho bant a'r plentyn siawns

2008-12-18T00:32:00.010Z

Digwiddws ifi fwrw ar draws hen ffrind ysgol yn Basingstoke ddoe. Odd e’n dipyn o syrpreis idd’i weld e, ond draw fynna ma fe’n byw nawr ac yn gwitho fel pensaer. Ma’n rhaid bo fe’n rowlo mewn arian ond hei - wi ddim yn genfigennus. Un dwyrnod, pan odd e yn yr Ysgol Uwchradd, fe ddylws e ei bidyn yn ei gopish a nath Mrs Evans y nyrs ddim doti TCP ar y cwt ac ath ei bidyn e’n septig a chwmpo off. Man nhw’n gweud taw dim ond stwmpyn o goc sy gida fe nawr a bo fe’n lwcus y jawl bo fe heb golli ‘i geillia ne’ bysa fe’n siarad fel Mickey Mouse. Gwell gen i gadw fy mhidyn na chal holl aur y byd a’i berlau mân – all arian ddim prynu popith ac ifi wedi gweld pidyn rhyw 'sex change menyw i ddyn' ar y teli ac odd e ddim yn edrych yn fwy na chlitoris mawr ar ôl colli poppers drosto - ac wi’n rhyw ama taw hwnna oedd e, gwath odd e ddim gwerth yr arian os talws e amdano.

Dai Dickless odd pawb yn ei alw fe yn y cwm heblaw am ei deulu ac athrawon yr ysgol, a odd yn ei alw fe’n David Nicholas - ond â’m llaw ar fy nghalon, alla i ddim gweud a yw’r stori ‘na’n wir ne bido. Odd Dai wastod yn gwadu’r peth ond eto i gyd, odd e byth yn folon dangos ‘i bidyn inni ac fe droia fe miwn i’r Incredible Hulk tasan ni’n jwmpo arno fe a threial tynnu ei drwser fe off i gal gweld. Wedi meddwl, ‘nela fe byth ymuno yn y gêm ‘am y cyntaf i ddod’ roen ni’n cal y tu ôl i sied y gofalwr chwaith; dim hyd yn oed pan nath Llinos Lovelace ddod i’n helpu ni mas trwy dynnu ei thop a’i nicars hi off a dangos ei thits a’i ffwrch fforest inni – ac odd bron pob un crwt yn yr ysgol yn cymryd rhan y dwyrnod ‘ny, hyd yn oed Hywel Bum odd yn y seithfed nef pan wetson ni bo fe’n cal dyfarnu’r gystadleuath.

Wi ddim yn ei feio fe am ganu’n iach i’r cwm; dyw’r bobol sy’n byw yno byth yn anghofio, a bysa hanas ei bidyn yn cal ei phaso ‘mlan o genhedlath i genhedlath a hynny hyd yn oed ar ôl iddo fe fod chwe throedfedd o dan y pridd. Fysa fe ddim yn cal lot o lwc gida’r menwod chwaith; wi’n gwpod bod dynon yn cretu nag yw seis yn bwysig i fenyw ond ifi ariod wedi clwad menyw yn gweud hwnna o ddifri, a bysa stwmpyn bach yn no go area i’r fenyw fwya despret. Wrth gwrs bod rhai menwod yn gweud celwydd, ond does ond isha iti etrych ar y Dildos King Kong man nhw’n gwyrthu yn Anne Summers i wpod nad yw’r peth yn wir.

Gadewas i’r cwm am bod Lydia Gambinini wedi gweud bod hi’n cario fy mhlentyn ac own i ddim isha i’r Child Support Agency gal gafal arno i. Odd hi’n cwrso fi rownd y pentra am wthnosa cyn bo fi’n bygro off a dyla’r trên i Lundain. Wedi’r cwbwl, dim ond rhyw antur feddwol odd hi wrth y bus stop tu fas i’r Con club ac own i’m yn meddwl bod sberms yn gallu oifad lan afon. Fi glwas i wedyn bod hi wedi treial pino’r paternity ar y boi ‘ma sy’n gwitho i S4C a thrwy lwc, dath y profion lan yn bositif a hitha’n bwrw’r jacpot am fod y boi ‘na yn ennill ffortiwn.

Mae’n depyg bod Lydia wedi gweud wrth bawb nôl yn y cwm bod hi mor falch taw nace fi odd y tad ne’ bysa’r babi wedi dod mas yn edrych fel Pinocchio. Am ffycin cheek a dyw fy nhrwyn ddim mor fawr a ‘ny. Ta p’un i, mae pawb yn gweud bod y plentyn yn edrych fel munchkin sydd ddim yn gweud lot am y boi o S4C. Fi alla i fynd nôl i’r cwm nawr a dyla fy mhen yn uchal, ond wi wedi setlo fan ‘yn ar hyn o bryd; gewn ni weld be’ ddigwiddiff yn y dyfodol - er ‘taswn i’n mynd nôl, wi’n siwr bysa rhai yn dal i gretu taw fi bia’r ffycin munchkin.

Tits, blew a ffani go lew, un corrach cas a dynon tew

2008-12-13T23:56:00.032Z

Yn Basingstoke wi’n gwitho’r wthnos hyn ac ma’r lle ma’n llawn dop o bishis siapus â’u coesa’n mynd i lan tsha’r Nefoedd. Yn anffodus, wi’n gwitho gida Mair Gorrach ac dyw hi ddim ymysg y petha perta a greodd Duw. Ma' ddi ond biti four foot five ac wi’n siwr bod hi wedi shrinco ers y tro diwetha ifi ei gweld hi. Bob Nadolig ers blynydda, mae hi’n acto yn y pantomeim yn Neuadd y Dre ym Mhontyberem ond ma’r cwmni’n perfformo 'Jack And The Beanstalk' eleni yn lle’r 'Snow White' arferol a dim ond rhan pen-ôl Matilda y fuwch on nhw’n folon rhoi iddi. Odd hi ddim yn rhy keen i saco ei phen hi rhwnt coesa rhyw strab ddwywaith y dydd a theirgwaith ar ddydd Satwrn, felly dath hi i witho gida ni.

Ma’ Mair yn hen surbwch, cofia - yn gas a swrth ond ma pobol fach i gyd fel ‘ny on’d ŷn nhw; wi’n eu gweld nhw’n depyg i’r fffycin chichiwawas ‘na wrthi’n cnoi a chlapan o gwmpas dy drad. Wi’m yn cretu bod hi’n lico fi ryw lawar chwaith; pob tro wi’n neud sylw biti menyw sy’n paso hibo, ma’ ddi’n mynd ar gefan ei cheffy gwyn a chal uffach o go arno i. Wi’n cretu bod hi’n un o’r ffeminists ‘na ac fi alla i weld pam – gida’r mwstash sydd ‘da ddi, bysa hi’n gallu paso am Adolf Hitler ‘tasa hi ddim yn dishgwl fel corrach.

Own i’n gwitho gida Tomas Tanc o Lanpumsaint cyn bod honco wedi cyrradd ond bu raid iddo fe fynd gytra am bod appointment gida fe â’i feddyg. Wi’m yn cretu daw e nôl nawr a bydda i’n gorffod rhoi lan a’r ddrychiolath ‘na am wthnos arall. Wi’n itha trist biti hwnna gwath own i’n tynnu’n mlan yn dda ‘da Tomas a ‘sda fi ddim gair drwg i weud amdano fe sy’n fwy na alla i weud am Mair ffycin Gorrach.

Ma’ gen i feddwl mawr o Tomas. Odd e’n arfadd bod yn 25 stôn ond ma’ fe wedi dod i lawr i 13 stôn nawr a sdim lot o ddynon tew all neud hwnna. Ma fe’n mynd i weld y meddyg yn Ysbyty Singleton yn Abertawe i gal gweld os yw hi’n bosib iddo fe gal llawdriniath fel y tummy tucks ‘na er mwyn cal gwarad o’r holl groen slac sy’n hongad off e. Wi’m isha gweud dim byd cas am ei sefyllfa ond ma fe’n gallu codi’r croen slac lle’r odd ei dits e’n arfadd bod a’i roi e drost ei ben e - a dyw hwnna ddim yn beth normal odi fe.

Ma' fe’n eitha self-conscious ambwti’r holl groen ‘na sy’n hongad off e ac yn sbredo i bobman - ac alla i ddim ei feio fe a gwed y gwir; byswn inna’n lladd fy hunan ‘tawn i yn yr un sefyllfa, ond ifi ariod wedi byta cymaint â fe, felly fi’n iawn. Y tro cynta ifi gwrddyd ag e, fi benderfynas i bod hi’n well son am ei broblam a chal y sgwrs annifyr 'na mas o’r ffordd am ei bod hi’n amhosibl pido â sylwi ar ei siâp od - ac fi’n un o’r bobol ‘naiff weiddu bod yr Ymherawdwr yn borcyn; wi ddim yn un o’r liberals ‘na sy’n gweud bod rhywun salw yn bert. Gormod o geg odw i, ma'n depyg. Digwdd bod ifi sôn am y ffilm The Silence of The Lambs lle ma Buffalo Bill yn lladd y menwod tew ‘ma er mwyn iwso eu croen nhw fel dillad am ei fod e’n transexual ne rwpath. Buo i’n jocan gida Tomas wedyn bod e’n lwcus bo Buffalo Bill heb ei ladd e ne’ bysa fe wedi cal digon o groen sbar i daclu Girls Aloud gyda sawl newidiad dillad ar gyfer cylchdaith chwe mis. Odd e’n timlo’n relaxed gida fi wedyn ac oen ni’n gallu jocan gyda’n gilydd. Nath e wyrthin hefyd, felly wi’m yn meddwl bo fi wedi bod yn insensitive.

Caerwynt, Alffred Fawr a 'Brithyll'

2008-12-05T16:45:00.044Z

Wi’n gwitho yng Nghaerwynt yr wthnos hyn – wel ‘blaw am heddi am bo rhaid ifi seino ‘mlan. Wel, ‘sdim rhaid ifi ac mewn gwirionadd ddylswn i ddim, ond ma’ ‘na wasgfa ariannol yn sgubo’r wlad ac ma’ angan pob cinog ar ddyn.

Lle'r crachach yw Caerwynt a ‘sneb yn brin o arian yma. Mae pob un siop yn y dre yn codi’u prisia i adlewyrchu’r ffaith ‘ny. Own i’n mynd i byrnu pastai yn y siop fara ‘ma ar yr hewl fawr ddydd Llun ond ôn nhw’n codi £4.99 am un o’u supreme pasties. Byswn i’n dishgwl cal gweld y ffycin Supremes 'i hunin yn yr Albert Hall am £4.99. Yn y diwadd, fi brynas i Mars Bar yn Woolworths am 75 cinog a dyna iti rip-off arall – sim syndod bod y ffycin siop yn mynd i gau lawr.

Mae Caerwynt yn enwog am Alffred Fawr ac ma’ na gofgolofn iddo fe yma. Yr unig beth wi’n gwpod amdano yw ‘bo fe wedi llosgi tishenna, cacs ne' bics ryw ben bora. Own i’n ffilu diall yn yr ysgol pam odd brenin yn neud shwt beth mor gay a thrial neud tishan lechwan ei hunan, ond wedi gweld prisia bwyd fan ‘yn – wi’m yn ei feio fe o gwbwl.

Mae Hedd, sy’n gwitho gyda fi, wedi dod â phedwar llifir ifi gal eu darllin- ond ma’ fa ond yn folon rhoi un ifi ar y tro rog ofan ‘bo fe ddim yn eu cal nhw nôl. Y llifir cyntaf ifi gal odd Brithyll gan Dewi Prysor ac ifi wedi darllin hwnna erbyn hyn. Joias i’r llifir mas draw – un o’r llyfra gora ifi ddarllin yn y Gymrag ariod. Hanas y werin bobol mewn pentra llawn strabs fel Clochemerle sydd yma, ac ma’ troeon trwstan y cymeriadau yn mynd rownd yn ‘y mhen i o hyd - ac ifi ‘n dal i wyrthin yn slei bach i ‘munan ar gownt amall i helynt.

Campwaith o lifir yw e ac fe 'nela fe ffilm gomedi wych heb os nac onibai. Fodd bynnag, ma’ ‘na lot o regfeydd yn y llifir na fydd at ddant rhai Cymry, ond be’ ffwc – dyw’r blog ‘ma ddim yn bring o’enyn nhw chwaith. Ma’ rhai pobol yn gweud bod rheci yn arwydd o ddiffyg geirfa ond wi’m yn cytuno â hwnna. Os galwa i rywun yn ‘supercillious fucking imbecile’ – sdim diffyg geirfa gen i wrth weud hwnna a ‘sdim diffyg geirfa na dawn meddwl yn perthyn i’r llifir ‘ma o bell ffordd.

Ma’ na ddwy olygfa yn y llifir sydd yn benigamp ac ifi’n ail-gorddi’r plesar o’u darllin o hyd. Ma’ un yn sôn am y Sysnas dew ‘ma a’i gŵr 'o dan ei bawd' yn cwmpo mas â’r bobol erill ar un o fysys Crosville, a’r llall am ddou strab yn cal wthad gin landlady y dafarn leol. Wi’m yn cofio ifi wyrthin cymaint ers gweld Fawlty Towers a’r episôd ‘na gida’r Almaenwyr. Own i wrth fy modd yn darllin yr hanesion hyn ac erill ond ‘na i ddim sbwylo’r profiad iti, felly cer mas i byrnu’r llifir a phaid â bod yn tight-arse fel fi sy'n ei fencid e off ffrind.

Ma’ Hedd yn gweud wrtho i bo fi’n cal darllin un arall o lyfra Prysor ar ôl ifi ddarllin ei ail ddewis e ifi – Y Pla gan William Owen Roberts, ond odd y ddwy bennod gyntaf yn itha hard-going, felly fi wna i jwst esgus ‘bo fi wedi darllin hwnna er mwyn cal darllin ail lifir Dewi. Fydd Hedd byth yn cretu 'bo fi wedi ei bennu e mwn dwyrnod, felly fi ‘na i aros cwpwl o ddyddia. Wi'n siwr bo Hedd heb ei ddarllin e chwaith, felly fi 'na i ryw stori lan os yw e'n gofyn ifi am beth yw e ambwyti - fydd e fawr callach; nace boi call yw e ar y gora.

Ma’ fe’n gweud wrtho i bod Prysor wedi ysgrifennu tair nofel at ei gilydd, ac wi’n disghwl mlan at gal ‘y nilo ar yr ail un sydd â’r teitl ‘Macrall’ ne ryw ffish tebyg ac ma’ na drydydd ar y ffordd o’r enw ‘Crancod’ ne rwpath tebyg, ond does wbod pwy lifir fydd rhaid ifi esgus darllin yn y cenol cyn bod Hedd yn folon mentyg hwnna ifi. Wi'n cretu ei fod e'n wara'r 'stick and the carrot' gida fi ac os fi'n darllin rwpath diflas, wetyn fi alla i gal rwpath difyr - a very cunning plan ond withiff e ddim; cheso i mo 'ngeni miwn byngalo ac ma' digon lan star 'da fi.

O gath i gath

2008-11-28T14:33:00.041Z

Rŷn ni’n cal cyfarfodydd o bryd i’w gilydd er mwyn trafod rheola’r fflat – ma’r tri o’ni’n ffrindia ers sbel nawr ac byddwn ni’n mynd mas, sniffan amall i gyffur a smoco un arall, stryman gitar, cal jôc a chwpwl o beints o flan y teli a mynd i weld y stripper a’r digrifwr yn y Labour Club acha bora dydd Sul – dyna be’ 'newn ni, union yr un fath â phawb arall - ond bid a fo am hwnna, un dwyrnod y mish, rŷn ni’n esgus trafod a dadla fel pobol wahanol a diarth - a phob un o’ni ‘n cal y cyfla i ddweud ei ddweud - pob un â’i gyfla i roi’r gyllath yn y nall am ryw gamwedd ne' i gilydd.

A gwed y gwir, dim ond Pablo sy’n dod â’i gyllath e mas a dychra cintach a lladd ar bawb - rŷn ni’n dou jwst yn gatal i’r byd fynd yn ei flan yr un fath ag arfar. Ma’ fe itha constant - rhaid gweud - ac ma’ wastod fagad o gwynion yn ei ben. Wi’n cretu bo fe’n itha anal os gweta i galon y gwir – ma’n lico bod popith yn deidi a phob dim yn ei le. Ma’i fam e’r un peth a phan mae hi’n dod i aros, ma’ ddi fel cal y ddwy fenyw lanhau Kim & Aggie off y teli o gwmpas y tŷ. Un tro, rown i’n darllin y llifir Martha, Sianco a rhyw ffycar arall gin ryw awdures hambon o Geredigion pan gwmpws briwshon off y Jacob’s Creamcrakers ‘rown i’n byta ar y pryd a lando ar dop pen y gath; dyma’r gath wedyn yn shiglo ei phen a gatal i’r briwshon gwmpo ar y carpad o’i blan hi. Bai’r ffycin gath odd hwnna ond ath e’n apeshit a’i fam e’n dychra twt twtan a mynd yn syth am y blydi dwstpan a brwsh. Dyw hi ddim yn rhwydd byw ‘dag e – weta i ‘ny wrthot ti nawr.

Yn y cyfarfod diwetha geson ni, dyma fe off yn conan eto byth bo fi’n siafo yn y bath ac yn gatal y blewach rownd yr ochra. Wi wedi treial gwed 'tho fe taw’r sgrwff sy’n clasgu yn fy mola botwm yw e – ond dyw e ddim yn derbyn ‘ny. Wi’m yn gwpod beth sy’n bod ar y crwt – odi fe'n moyn ifi gatw bant o'r bath a dychra drewi fel Mr Edwards 'Ty Capel'; ma’ pobol salw y diawl yn cerad ar hyd strydoedd Battersea pob dydd a ti byth yn ‘y nghlwad i’n conan amdenyn nhw ac yn gweud wrthyn nhw i gatw off y stryd - a dyw bach o flewach yn y bath yn neud dim drwg i neb, ond un fel ‘ny yw e ac wedi bod ariod.

Bythewnos yn ôl, dath e â ffycin cath i’r tŷ a nath e ddim trafod hwnna gyda ni. Geson ni warad o un gath ddychra’r flwyddyn am ‘bod hi shwt ffwdan ac nawr ma’ fe wedi dod ag un arall i’r tŷ. Odd e wedi gialw’r llall yn Julietta ac ma’ fe wedi penderfynu taw Minina yw enw hon – sy’n golygu pwsi yn y Gastilaneg (cath fach - rog ofan bo rhywun yn camddeall). Am enw ffycin stiwpid i roi ar gath ond mae unrhyw enw yn wast amsar - dŷn nhw ddim fel cŵn. Y ffycin mwnci wi’n ei galw ddi am i bod hi’n tringad dros bob man, ac ma’ Xose yn ei galw ddi’n Mixela sy’n air am bidyn yn yr Alisieg – wn i’m pam, ‘sdim un ‘da ddi. Daw hi at ei bwyd yn y gegin os fi’n bwrw fforc yn erbyn plât, ond fi allai i alw Minina, Mixela ne’ ffycin mwnci arni sbo’r Nadolig yn pasho ac ni ddaw hi ddim.

Ma’n depyg bod Pablo yn gweld collad rwpath i weidddu arno nad yw’n ei atab e nôl. Gobeitho na chaiff e byth blant – ne’ byddan nhw’n rytag bant gyntad sylweddolan nhw pwy mor anal yw e. Wrth gwrs am ‘bo fi ddim yn lico catha – ma' catha yn lico fi ac alla i ddim cal gwarad o’r ffycars. Ma' Minina yn lico dod i lan ar y soffa wrth ym ochor i pan ifi ar y compiwtar ac yn moyn ishta ar y llygotan. Bydda i’n gorffod citsho yn ei gwar, ei chwnnu hi lan a ‘i doti ‘ddi ar y llawr, ond ma’ ddi’n meddwl bo fi’n wara gêm ac yn dod nôl trw’r amsar; byswn i’n gorffod neud hyn trw’r ffycin dydd ‘taswn i ddim yn citsho yndi yn y diwadd, rytag dŵr oer y bath a’i thowlu ddi yn yr ‘effin dŵr – dyna’r unig ffordd mae’n diall bod y gêm ar ben. Bydd Pablo yn meddwl taw ei blew hi yw fy mlew i yn y bath nawr, siwr o fod - ond fe alliff e fynd i grafu.

Ffordd arall o gal ei gwarad hi yw trwy weiddu Psssssssssss arni ac ma’n cymeryd y bawan yn reit gloi wetyn ac off â hi - ond ma’n dueddol o fynd yn gas, fflyffan ei chot a'i chwt hi mas, dychra hisan fel cobra a threial ‘y nghrafu i cyn nido off y soffa. Bydd hi mor ewn wedi'ni, ac bydd hi'n dishgwl arno i’n fygythiol o’r llawr tra’n hisan, felly ma’n well da fi esgus bo fi’n dal i wara cyn ei thowlu ddi miwn i’r bath. Chredi di fyth y swn sy'n dychra dod mas o waelod ei chorff pan ma' ddi yn y bath - ma' ddi'n swno'n depyg i Linda Blair yn 'The Exorcist' - really spooky! Yn well byth a help mawr, ifi newydd ffindo mas am lavender air freshner o Boots (£0.99 ar gynnig) ac ma’ hwnnw’n neud sŵn Pssssssssssss wrth wasgu'r peth bach 'na ar y top - a welid di mo’r gath am oriau ar ôl ifi wistrellu hwnna drosti. Ffycin gwd fuddsodiad odd hwnna.

Dickhead, Leatherhead, Fu Manchu a'r lesbian cannibals

2008-11-14T18:29:00.036Z

Bu uffach o rycshwns yn y tŷ nithwr. Odd Xosé wedi bod mas ar griws gida’r bobol o’i waith a dath e nôl yn feddw racs – yn wath nag ifi wedi ei weld e eriod. Odd Pablo a finna’n watsho The Texas Chain Saw Massacre ar y pryd, ond ar ôl gweld y stad odd arno fe, fe ddotson ni fe yn y gwely, rhoi carthan drosto a’r bowlan olchi-lan wth ei ochor ac wedyn mynd nôl i weld y ffilm. Ar ôl biti hannar awr pan odd y ffilm wedi cyrradd y pwynt lle ma’ Leatherhead yn cwrso’r fenyw ‘ma rownd clos y fferm â’r llif- gadwyn yn ei law a ti'n gweld y fenyw stiwpid ‘na'n rytag drost y clawdd yn sgrechin ei thits hi off – dyma Xosé yn cerad yn ei gwsg i mewn i’r 'stafall fyw, tynnu ei bidyn e mas a dychra pisho drost y teledu.

Wel, bois bach - dyma Pablo yn cwnnu lan a dartan fel milgi mewn ras milgwns a dychra gwiddu, tyngu a rheci y tu ôl i gefan Xosé nes bo fynta'n dino o’i drwmgwsg, yn troi rownd ac er ei waetha yn cario mlan i bisho dros Pabliño. Odd Xosé druan ddim yn gwpod lle odd e heb sôn am beth odd e’n ei neud, ond wetyn dyma Pablo yn citsho ym mhopith o fewn ei gyrradd a’u towlu nhw ato fe – oen ni’n lwcus nag odd ffycin chainsaw yn y tŷ.

Wi’n cofio siarad ag Euronwy un tro biti rwpath tepyg odd wedi dicwdd iddi hi; odd hi yn y gwely gyda’r boi ‘ma o Bencader ac yn y bora bach, dyma fe’n cwnnu lan, agor drws y wardrob a phisho drost ei shŵs Manolo Blahnik. Dyw hi dal ddim yn siarad â’r boi ‘na. Wetws hi wrtho i pe tasa fe wedi pisho dros ei ffrog hi o 'Primark', bydda ‘na ddim cymaint o ots ‘da ddi - ond un shallow fel ‘na fuodd Euronwy ariod. Er hynny, o’nd yw hi’n rhyfadd bod rhai dynon meddw yn neud pethach fel ‘na - dwyt ti byth yn clwad am fenwod yn twtan lawr yn y wardrob i gal pishad ar ôl noson mas ar y tequila – man nhw wastod yn ffindo’r tŷ bach, ots pwy stad sy’ ernyn nhw.

Ta p’un i, ath pablo idd’i ‘stafall e mwn yffach o hwyliau drwg ac bu raid ifi helpu Xosé i glau’r gwa'd odd yn diferu odd’ ar ei dalcan, ei foch a’i wefus ac fi netho i gynnig plastar iddo fe – iddo fe gal ei ddoti fe ar y cwt odd ar ei bidyn. Ar ôl hynny, fe ishton ni i lawr ar y soffa fel ‘tasa ‘na ddim byd wedi digwdd ac fi ddysgas i fe i weud ‘I am a dick-head’ yn Sysnag, ac wedi ‘ny, rhoias i’r Lesbian Cannibals yn y peiriant DVD.

Fi geso i’r ffilm ‘na oddi wrth Fu Manchu * yn yr Asparagus; rwyt ti’n cal wech ffilm am bumpunt ac fi ddewishas i Quantum of Solace, Willy Wonka and the Chocolate Factory, The Texas Chain Saw Massacre, Psycho a Saw (rhannau 4 a 5). Wi’m yn gwpod beth oedd y Lesbian Cannibals yn neud yn eu cenol nhw ond ma''n rhaid bod Fuey wedi drysu. Ma' fe’n treial wpo’r ffilmiau 'fucky fucky' arnon ni drwy’r amsar ac mi ddath hi’n amlwg taw un o’r ffilmiau ‘na oedd y Lesbian Cannibals. Ar glawr y DVD, odd y broliant ‘ma gweud – Watch them eat each other in gory Technicolor – ond dodd dim canibals yn y ffilm o gwbwl – dim ond lesbians wrthi’n joio ‘i hunin. Dechreuws Xose wdu lan hannar ffordd trwy’r ffilm ond effith y cwrw a’i gydwybod odd hwnna. Wi’n cretu taw’r tro nesa daw Fuey i mewn i’r dafarn, fi ‘na i dreial swopo’r ffilm 'na am Psycho 2.

Dyw Pablo a Xosé ddim yn siarad â’i giddil ar hyn o bryd – ne’ a bod yn onast, dyw Pablo ddim yn siarad â Xosé. Ma’ itha cwiddil ar Xosé biti’r holl beth ac er mwyn codi ei galon e, fi wedi gweud wrtho fe i bido â becso a bo fi’n dal yn ffrindia gida fe – er ‘tasa fe wedi pisho arno i, byswn i wedi neud union yr un peth â Pablo.

* Ōl –nodyn:

Y tro diwethaf ifi sôn am Fu Manchu ar y blog, dyma fi’n cal e-bost gin Mr Fuk Yuu o Bentrefoelas yn gweud na ddylswn i gyfeirio at rywun o ‘China’ fel Fu Manchu. Wi’m yn ei feddwl e’n gas ond ma’ pawb yn yr Asparagus yn ei alw fe’n Fu Manchu ac wi’m yn gwpod beth yw ei enw iawn e ta p’un i. Licswn i bwysleisio bod ‘regulars’ y dafarn yn gymysgedd o bobol o wahaniath lefydd a sdim un o’ nhw’n rhagfarnllyd neu’n hiliol – heblaw am Heroin Mick sydd ddim yn lico pobol o Kingston, Jamaica am ryw reswm ne’i gilydd – ond ei broblam e yw hwnna.

Jack The Porn Ripper a fforymau trafod

2008-11-07T15:11:00.030Z

Ethon ni i weld Jack The Porn Ripper yn y Vauxhall Tavern nos Lun a joias i mas draw. Dath y dyn ‘ma ar y llwyfan a thynnu ei ddillad e off nes bo fe’n borcyn a gofyn i’r gynulleidfa mewn acen Bwyleg - Do you want to see me let one rip? - ac wir Dduw iti, dyma fe’n dychra rhechin i’r emyn hwyliog 'When The Saints Go Marching In' tra’n wthu trwmpet fel Louis Armstrong. Fi own i’n pisho m'unan wyrthin ac wedyn fel pièce de résistence, dyma fe’n neud bach o ventriloquy ac yn cal sgwrs â thwll ei din - oedd hyd yn oed yn well. Dyna i gyd odd ei act, ac er bod Rob yn meddwl bod y peth yn hollol puerile – a gira fel ‘ny ma' Rob yn iwso pam ma’n moyn sarhau rhywun ne' rwpath - mae’n well gen i hiwmor y whoopee cushion a’r rhech nag huodledd geiriol rhywun fel Stephen Fry yn gwneud teth mas o’i hunan byth a hefyd - er cystdlad y bo. Melys moes mwy.

Yn anffodus, ifi wedi slofi lawr ar y blogo ond bydda i’n trial posto yn achlysurol. Wi wedi ffindo pethach erill i’m difyrru ar y we erbyn hyn. Wi’n eithaf hoff o’r fforwm drafod ac yn enwedig y rhai sy’n cal eu rhytag gan Americanwyr - o bosib am eu bod nhw mor groendenau ac mae’n rhwydd tynnu arnyn nhw. Dylsa fod cwilydd gen i mewn gwirionadd ond pwy ffwc ots. Dyma un atab netho i roi i ryw Americanwr ar ryw fforwm neu’i gilydd oedd yn gofyn a odd ‘marmots’ i gal yng Nghymru:

I don't know what a marmot is to be honest with you - is it a type of pig; I've never heard anyone talk about them in Wales. I do remember one time though being in Fforest Fach with my girlfriend and this pig-like thing came hurtling towards us and it ran off with my trousers and her knickers in its snout. Do marmots do that - if so, then we've got them, and the sooner someone gets rid of them the better.

Petha bach sy’n plesio dwlbyn fel fi ontefe, ond ifi’n joio. Geso i bach o ffrae ar un fforwm odd yn perthyn i ryw fudiad Efengylaidd yn yr Unol Daleithiau. Fforwm drafod oedd hi oedd yn annog 'sexual abstinence' cyn prioti ac yn gofyn i bobol ifanc wishgo’r modrwyon arian ‘ma. Ma’r fwtrw yn reit debyg i’r un odd gin Frodo ond bod ei fwtrw e‘n gweud "One Ring to Rule Them All. One Ring to Find Them. One Ring to Bring Them All and In The Darkness Bind Them." – tra bo eu modrwyon nhwtha’n gweud "God wants you to be holy, so you should keep clear of all sexual sin. Then each of you will control your body and live in holiness and honor." Digon teg - ond own i’n anghytuno â lot ôn nhw’n gweud a phenderfynais i roi fy marn ar y fater a thynnu arnyn nhw ryw dipyn ond dôn nhw ddim yn ei lico fe o gwbwl ac man nhw wedi dileu pob un neges ac ela e- bost ato i’n gweud y byswn i’n mynd i Uffarn ac ifi beidio ag ymuno yn y drafodaeth byth eto. Am bobol groendenau!

Ma’n lladd amser on’d yw hi, ac wi’m yn meddwl ‘bo fi wedi bod yn rhy gas wrthyn nhw. Mae maes-e yn well – nid fi yw’r unig un sy’n wara biti o bryd i’w gilydd ar hwnna, ond ifi’n posto’n gall erbyn hyn ar ôl cal cerydd gin Hedd y llynadd am adael one-liners fel hyn - sydd yn sexist ma'n debyg. Ma’n rhaid bod y cymedrolwyr wedi cal sgwrs amdano i ne’ rwpath - gwath gyda’r cerydd e- bost, fe ddath bagid o bobl i ymweld a’r cofnod blog ‘ma odd’ ar y ddolan ar faes-e. Digwydd ifi ofyn cwestiwn pwy ddwyrnod ar y maes ifi gal gwpod beth oedd trolio a fflamio yn ei olygu ac oddi wrth yr ateb, wi'm cretu bo fi'n neud 'ny, felly mae fy nghydwybod yn glir ac fi alla i gario mlan, ond bydda i'n bihafo ar maes-e - cris croes tan poeth!

Bydda i’n itha bishi dros y Nadolig a’r flwyddyn newydd. Bydda i off yn gwitho gyda Mr Seffton dros y Nadolig ac wedyn, ma’ gen i achos llys ddechrau Ionawr am bido â thalu treth y cyngor a chyda bach o lwc, fi ga i’r opsiwn o fynd i HMP Wandsworth am bythewnos er mwyn gwaredu’r £400 sy arno i iddyn nhw. Gobitho y ca i witho gyda ei fab Hedd ond y llynadd fi ddotas i drawing pin ar ei sedd, ac er bod y peth yn ddoniol iawn pan ishtws e arno fe, aeth y briw yn septig a bu rhaid iddo fe ela diwrnod yn yr Accident and Emergency yn Southampton Infirmary – felly wi’m yn siŵr os bydd e’n moyn gwitho gyda fi eleni, ond gewn ni weld.

Y claf a'r traed diglefyd

2008-09-19T18:59:00.023+01:00

Wi wedi ffwcan ‘y nhroed i lan nawr – o’s ‘da fi ddim clem beth ifi wedi ei ‘neud, ond ma’n ‘ala los y diawl pob tro wi’n doti pwysa arni. Dim ond un drod sydd fel ‘ny; ma’r drod dde yn iawn, ond alla i ddim clunhercan rownd y lle ar un drod neu bydda i’n edrych yn ffycin stiwpid. Roedd ‘na fenyw yn y pentra ‘slawar dydd – un o’r village idiots ‘na; ac roedd hi’n hopan bob yn ail gam ac yn slamo’r drod arall i lawr wetyn. Roedd hi wastod yn gwishgo daps am ei thrad ac Annie Dap oedd pawb yn ei gialw ddi. Wi’n gallu cydymdeimlo â’r fenyw nawr – ma’n amlwg i rwpath mawr ddigwdd idd’i thrad hi heb sôn am ei phen; ond ‘mond nawr wi’n gweld shwt broblam odd gynti ddi.

Wi nôl yn y gwaith nawr ar ôl gwila bach - sy’n golygu ‘bo fi ar fy nhrad am oriau bwy gilydd ar fysus Llundain yn rhoi holiaduron mas a helpu’r werin idd’u llanw nhw. Dyna jobyn shit ontefe – gwast gradd prifysgol; ond er gweud hynny, ieithoedd modern own i’n astudio yn y coleg a ‘sbron neb yn siarad Sysnag yn Llundain y dyddia hyn, felly mae bach o iws i’r holl addysg wedi’r cwbwl - ma mwy o bobol o Sbaen a Phortiwgal yma na welid di o Saeson. Y peth gwaetha yn y job ‘ma yw bod gyrwyr bysus lawr fan hyn yn dychra a stopid y bys bob yn ail funud ac rwyf inna’n cel fy nhowlu o un ochor y ffycin bws i’r nall trw’r amsar. Wi’n ofan taw industrial injury sy ‘da fi ond chaf i ddim compo – jobyn contract yw e, ac felly ‘sda fi ddim hawliau.

Wi wedi gwglo ‘problema traed’ ar y we a bysa hi’n well ‘taswn i heb wneud shwt beth. Fi’n troi’n glaf diglefyd; unrhyw sympton man nhw’n priodoli i drad tost – wi’n cretu ‘bo fy nhrod bach i yn joddef o’ano fe. Burning feet yw un o’ enyn nhw ac er taw burning foot sy ‘da fi, wi’n rhannu’r un symptomau â’r rhai sy’n diodda o’rwth hwnna a bagad o afiechydon eraill ‘ed. Trwy lwc, roedd merch Xosé wedi gadael paced o’i ‘sanitary towels’ yma pan oedd hi’n aros yma ym mis Awst ac fi ddotas i un o’r rhain o dan fy nhrod dde er mwyn esmwytho’r ddolur. Bu raid ifi byrnu pâr o sgitsha seis yn fwy nag w i’n iwso fel arfar er mwyn cal y tyweli misglwyf a’r odour eaters i ffitio i miwn i’r esgid ond o leiaf wi’n gallu cerad yn well nawr. Beth sy’n rhyfadd yw bod nhw’n dyweli misglwyf - yn ôl y label - y galliff menyw eu hiwso o’r newydd ar ôl golchad decha – a oes bosib cretu shwt beth? I’m ffordd i o feddwl, peth digon drwg yw eu hiwso nhw ar ôl bod dwyrnod wrth y gont heb sôn am eu hiwso nhw eilwaith wedi dwyrnod o dan dy drad. Bydda i’n eu newid nhw pob dydd a doti un newydd i miwn – wi’n gallu bod yn reit ddigywilydd ond nid mor ddigywilydd a ‘ny.

Pan own i’n byw ar bwys Caernarfon, roedd Mrs Williams drws nesa yn cel y meddyg trad i ymweld â hi bob hyn a hyn ond a gwed y gwir, roedd ei thraed hi yn ffycin horrible ac heb ots nac onibai, 'odd angan help ernyn nhw. Rodd hi’n arfadd conan am ei thrad hi trw’r amsar a heb fod angan gofyn iddi hi, bysa’r sgitsha yn dod off a hitha’n dangos pob un corn a gwyshican odd ar y trad ffycin horrible ‘na. Y co cyrn oedd hi’n gialw’r meddyg traed – enghraifft o iaith y Gogledd, mae’n depyg – ond digon rhwydd odd hi ifi gal diall am be’ odd hi’n mynd mlan biti fe pan odd ei thrad hi o dan fy nhrwyn i - a honco’n dangos pob un dim odd yn bod ernyn nhw. Byswn i’n mynd at y meddyg trad fy hunan, ond ma’n siŵr bo nhw’n codi crocbris - sdim amdeni felly ond diodda a gobitho gwelliff y peth o’i hunan.

Cadw dy blydi myshrwms

2008-09-13T19:30:00.013+01:00

‘Bthdi mish yn ôl, buas i’n watsho rhaglen ddogfen ambiti’r fenyw ‘ma sydd yn y llun wrth ochor y cofnod ‘ma. Lauren Harries yw ei henw hi ond dyn odd hi ar un adeg – James Harries – a dath e i amlygrwydd fel crwtyn bach teip Lord Fauntleroy ar raglen Wogan ‘slawar dydd yn trafod henbethau os gweli di’n dda. Teip o grwt odd e y bysa unrhyw fam yn hwpo gwäell i lan ei chont er mwyn ei ladd e cyn iddo fe ddod mas o’r groth ‘tasa hi’n gwpod fel bysa fe’n troi mas. O ran y ‘sex change’ gas e wedyn, ‘odd y corff newydd ddim ymysg y gwaetha welsad di ond pan ti’n dishgwl ar y gwynab ar ei dop e – rwyt ti’n dychra mynd i fyd y twilight zone. Own i’n pisho ‘munan wyrthin yn watsho’r rhaglen ac er bo fi’n gwpod na ddylswn i wyrthin am ben pobol erill, pwy ffwc ots– wi bell o fod yn wleidyddol gywir ac ifi eriod wedi gweud bo fi. Ta p’un i, fi wna i sôn eto am y ddrycholiath ‘na yn y man.

Yr un noswith, dath Pablo nôl â’r fideo ‘ma o’r ffilm 'Como Agua Para Chocolate’. Stori serch yw hon am Tita De La Garza a Pedro Muzquiz. Mae Tita yn gywan ola’r nyth ac yn ôl hen draddodiad y teulu, mae rhaid iddi hi aros gytra yn ddi-briod a dishgwl ar ôl ei fam hyd nes bo honco’n marw - ac itha hen ast o fenyw yw’r fam gyda llaw. Ma’ Pedro yn galw draw i’r ffermdy er mwyn gofyn caniatâd gin y fam i gal prioti â Tita ond dodd ffyc all o obaith gyda fe ac ma’r fam yn gweud y galliff e brioti Rosaura - y ferch hynaf - ond taw tynged Tita yw gorffod edrych ar ei hôl hi. Ma’ Pedro yn penderfynu prioti Rosaura er ei waetha - ond dim ond am ei fod e’n gwpod y bydd e’n cal byw yn y ffermdy ac yn gallu gweld Tita bob dydd. Yng nghwrs amsar, ma Pablo a Rosaura yn prioti ond ma Pablo yn hen gadno ac ma’ fa’n iwso pobun esgus i bido â chysgu gyda ddi nes bo fe’n rytag mas o esguson ar ôl tri mish. Ei sielffo hi fydd rhaid felly - ond cyn iddo fe gyflawni’r briotas, ma’ fe’n mynd i lawr ar ei bengliniau wrth ochor y gwely a gweud:

Señor, no es por vicio ni por fornicio; si no por dar un hijo a tu servicio.

[Arglwydd, nid yw oherwydd anfoesoldeb neu buteindra ond er mwyn rhoi mab i’th wasanaethu]

Mae’n adrodd gweddi’r Arglwydd wed’ni ac yn gorchuddio corff Rosaura â lliain gwyn sydd â thwll bach yndo er cael mynediad at ei dirgelwch – ac ma’ fe’n neud y busnas.

‘Odd Rosaura ddim mor salw a hynny a down i’m yn diall pam oedd raid iddo fe gwato ei chorff hi â’r llian – odd yr olygfa i weld yn depyg yn fy meddwl i i beth wetws Dic Penwern wrthon ni pan nath e sielffo Mair Lewis a hitha â’i dillad amdeni a balaclafa dros ei phen yn y tai bach ym Mharc yr Arfau flynydda nôl. Dyw e ddim yn rhamantaidd iawn i’m ffordd i o feddwl.

Buson ni’n trafod y peth wetyn ac odd Xosé yn gweud wrtho i taw peth crefyddol oedd e, siwr o fod, a bod hi’n bosib gweld y gwaed ar y lliain ar ôl i’r fenyw golli ei morwyndod – ti’n gallu dangos y llian i’r byd a’r betws wedyn i brofi bod dy wraig yn forwyn, medda fe. Wi’m yn gwpod os odw i’n cretu Xosé - ma’n wilia dwli lot o’r amsar - er buson ni’n gytǔn na fysa peth tebyg byth yn gwitho yng nghefn gwlad Cymru na Galisia; ‘sa ti’n lwcus i ffindo morwyn o fewn pum can milltir i ddyffryn Tywi na Valdevinho; bysa rhaid i’r merched gafflo a doti bach o saws tomato coch arno fe mas o’r satchets ‘na ti’n eu cal am 20 cinog ym McDonalds

Dodd Pedro Muzquiz ddim mor grefyddol â ‘ny ‘chwaith wrth feddwl - gwath odd e’n sielffo Tita yn y sgubor ryw bum munud ar ôl yr olygfa ‘na yn y ffilm, ond ‘na i ddim gweud rhagor rhag sbwylo’r diwadd.

Pan bennodd y ffilm, geson ni bach o barti gyda’r madarch hudol a’r Tequila gas Xosé’n anrheg gin ei frawd yn Santiago de Compostela - ond wi byth yn mynd i neud ‘ny ‘to. Fi grashas i mas erbyn diwadd a dychra breuddwydo taw fi oedd Pedro Muzquiz ac ar ôl rhoi Barry White ar y CD, dyco fi’n mynd yn freuddwydiol hapus am y twll yn y llian oedd yn cwato corff Rosaura De La Garza. Wedi bennu’r busnas, dyma fi’n ishta yn y gadar ar bwys y gwely, cynnu ffag a sawru’r foment. Dyco fi’n edrych i’r dde yn fy mherlewyg wedyn ac odd Rosaura yn dychra cwnnu lan ond pan slipodd y llian off ei chorff – pwy oedd o dano fe ond y ffycin Lauren Harries ‘na. Fi ddinas i‘n reit siarp yn wŷs shwps a dychra sgrechin. Y peth nesa wi’n cofio odd Xosé yn slapo ‘ngwynab i a Pablo wrthi’n shiglo fi’n ffyrnig.

Ryw dridiau wedyn, bwcas i le yn y Priory am fis ar gynllun ‘detox’ a dyna pam wi heb flogo ers sbelan. Ma’n lle eitha da ac i fan‘co ma’ lot o celebrities yn mynd – ti jwst yn bifhafo dy hunan, cal bach o seicotherapi a byta lot o betha shit ac wedyn yn cal enema diwadd wthnos. A bod yn onest, bu bron ifi ffindo Iesu Grist a dychra darllin y Beibl ond un o side effects yr enema odd hwnna ac own i'n iawn o fewn cwpwl o ddyddia. O ran y celebrities, dim ond Kerry Katona own i’n napod a dim ond am ei bod hi‘n hysbysebu Icelands bob munud pan wt ti’n watsho 'I’m a Celebritiy - Get Me Out Of Here'. Wi’m yn cretu taw cyffuriau odd ei phroblem hi ‘chwaith; mae hi’n byta gormod o’r shit ‘na yn Iceland – odd hi’n edrych fel fersiwn dew o Dawn French. Bysa’n well iddi gatw off y bwyd a stico at y drygs. Ta p’un i, wi’m yn byta stwff Iceland ac ifi’n catw off y cyffuriau ac yn enwedig y blydi myshrwms 'na. A gwed y gwir, wi’n timlo’n lot gwell nawr - bron â bod yn normal.

O’r closèt yn ‘Crud yr Awel’ i Battersea a Soho Square

2008-08-03T19:41:00.038+01:00

Pwy benwthnos, dyma Tomos Gerwyn Williams yn bwrw drws rhif 55, St George Mansions a gofyn noddfa gyda fi – fe yw fy mab bedydd.

Mab i Siriol a Deiniol yw e - ac mae Deiniol a finna’n ffrindia gora ers dyddia plentyndod. Roedd fy mam i a Ruth - ei fam e - yn ffrindiau bora oes, ac am i’r ddou ohonon ni ddod i miwn i’r byd ar yr un amsar, bu i’r ddou o’ ni gal ein bwydo ar detha’r naill fam a’r nall yn ysbyty Llwyn-y-Gelli. Dyna pam mae’r ddou ohonon ni hyd heddi yn gallu cymysgu ein diodydd heb deimlo’n dost. ‘Sdim lot o ffrindiau bora oes â’r teip ‘na o gadwyn ac does bosibl i neb ei thorri hi. Dyna pam mae Deiniol ishta brawd ifi - a’r rheswm pam bo fi’n digwdd bod yn dad bedydd i Tomos Gerwyn.

Daeth TomGer i lawr i Lundain am i uffach o storom gorddi yn ‘Crud yr Awel’ – eu cartref nhw - a bu i TomGer rytag off a lando fan hyn. Yr hanas yw i’r dwlbyn ddod mas yn gay ryw dridiau ar ôl ei ben-blwydd yn ddeunaw oed. Rown i’n gwpod ei fod e’n dwlu ar The Sound of Music, Cabaret, Oklahoma a The Texas Chain Saw Massacre ond down i ddim yn meddwl bod y sefylla mor ddifrifol â hwnna, ond fel ‘na mae - fel 'na mae pethau’n digwdd, ontefe. Mae dyn yn dychra off yn smoco Silk Cut ac wetyn ma’ fe’n bennu off yn smoco Canabis ac yn meddwl am wpo nedwyddi yn ei fraich cyn bo ti'n troi rownd.

Yn anffodus, bu ei dad e’n mynd trwy mid life crisis a’i fam e’n ffarwelio â’r misglwyf - amseru gwael iawn; doedd yr un na’r llall o' enyn nhw yn eu hiawn bwyll ac doedd dishgwl i’r un na’r llall o' nhw siarad sens. Fe gyrhaeddson nhw i lawr yma o fewn dou ddwyrnod i TomGer lando yma ac ‘yfi oedd yn gorffod bod yn ‘go-between’ rhyddon nhw wedyn – gwae fi! Own i’n ffilu diall nag adwaith Seiriol na Deiniol. Dim ond llynadd buws y tri o’ni yn ‘civil wedding’ Bedwyr a Cledwyn a phob un ohonon ni’n dala un o’r ‘sparklers’ ‘na rwyt ti ti ei gal adeg noson Guto Ffowc - a thowlu reis drost eu pennau nhw pan ddethon nhw mas o’r Swyddfa Gofrestru yng Nghaerdydd. Ma’n depyg taw ffilu ymdopi â’r peth yn eu hiard gefan nhw eu hunain oeddan nhw.

Hyd heddi, ifi’n dal heb ddeall pam nath Deiniol adweithio mor wael a pham nag odd e’n gallu gweld ei dwpdra a’i ragrith. Mae Deiniol yn foi ffein ei wala ac wi’m yn folon i neb weud dim yn ei erbyn e. Wthgwrs, rwyf inna’n gallu gweud petha cas amdano fe, ond os dechreuiff rhywun arall arno fe – mae ‘na ffycin rycsiwns i gal ac ifi fel yr Incredible Hulk yn ymosod ernyn nhw.

Fe setlws pethach i lawr yn y diwadd; er rhaid gweud taw hawsach o lawar odd catw’r ddisgil yn wastod rhwnt Siriol a TomGer. Fi wetas i wrthi na fysa byth raid iddi orffod cystadlu â’r un ferch am gariad ei mab ac odd hi’n reit hapus biti hwnna - ond Deiniol oedd y broblam, er syndod i bawb, a fynta’n dueddol o fynd mlan a mlan ambwyti ei ‘credentials’ rhyddfrydol.

Wedi tridiau yn y fflat ac angan newid ar yr awyrgylch, fe ethon ni i gyd i mas ar y prynhawn dydd Satwn ac rown i’n cico fy hunan am gynnig Soho fel lle i fynd. Digwydd bod taw’r penwythnos 'na oedd penwythnos Gay Pride, er, 'in hindsight' - roedd y seins na i gyd; doedd ‘na’r un plentyn i’w weld yn cerad ar hyd strydoedd Llundain ac roedd yr anifeiliaid anwes i gyd i weld fod wedi eu cloi lan ac roedd cymylau duon yn ymestyn dros y ddinas i gyd.

Wrth gyrraedd Soho wedyn a diall beth odd yn mynd mlan, gofnas i i Pablo fynd ar ysgwyddau Xosé er mwyn gweld o bell lle’r oedd y gays mwyaf ‘flamboyant’ a llwyddson ni i osgoi'r rheinco trwy lwc, ac roedd Deiniol i weld yn ddigon hapus pan ffindson ni’n giddyl yng nghenol y gays ‘na sy’n lico gwisgoedd milwrol ac heb ddim byd 'camp' yn eu cylch nhw – ac fe geson ni gwpwl o gans o Strongbow a Stella Artois yn Soho Square ac wi ddim yn credu ‘odd Deiniol wedi sylwi beth oedd yn mynd mlan o'i gwmpas - diolch byth.

Enwau rhyfedd

2008-07-24T16:22:00.007+01:00

Mae’n debyg bod y llysoedd yn Seland Newydd yn gallu stopo rhieni rhag rhoi enwau twp ar eu plant. Daeth un achos lan yn ddiweddar lle’r oedd y grotan naw mlwydd oed ‘ma isha newid ei henw bedydd o Talula Does The Hula From Hawaii i rwpath gwell – cris croes tân poeth; dyma’r erthygl

http://news.bbc.co.uk/1/hi/world/asia-pacific/7522952.stm

Dyma restr o rai enwau gas eu derbyn a rhai gas eu gwrthod:

UNUSUAL NAMES

Allowed: Violence; Number 16 Bus Shelter; Midnight Chardonnay; Benson and Hedges (twins)

Blocked: Yeah Detroit; Stallion; Twisty Poi; Keenan Got Lucy; Sex Fruit; Fat Boy; Cinderella Beauty Blossom; Fish and Chips (twins)

Wi’n ffilu’n lân â deall shwt ‘nethon nhw ganiatáu Benson and Hedges fel enwau ar gyfer un pâr o efeilliaid a gwrthod yr enwau Fish and Chips ar gyfer pâr arall – rhyfedd o fyd.

Ma’r erthygl yn gofyn am gyfraniadau e-bost oddi wrth bobol ag enwau rhyfedd. Wi newydd ela un i mewn yn sôn am y drafferth a’r ing y bu rhaid ifi ddioddef wrth gal fy enwi’n Dobby The Snot Monster. Gobeithio y byddan nhw’n ei gyhoeddi fe, ac wedyn fi alla i edrych am rwpath gwell i neud â’m bywyd.

Gwaith y mab a'r tad a'r tad-cu a'r hen dad-cu...

2008-07-11T19:57:00.019+01:00

‘Taswn i’n fab i rywun yn y byd cyfryngol Cymraeg ei iaith, mae’n siwr gen i y bysa’r drysau ar agor led y pen ifi gal ymuno â’r criw dethol a dilyn ôl traed fy nhad - a bod ar ben fy nigon â’r cyflogau mawr. Er hynny, dyw meibion ddim yn dilyn gwaith y tad a’r tylwth erbyn hyn ombai bod nhw’n perthyn i bobol y pethe.

'Sgetyn roedd pob un mab yn fab i löwr yn y Cymoedd ond mae’r dyddiau ‘na wedi hen fynd heibio. Odd fy nhad ddim yn löwr na’r un wan jac o dadau fy ffrindiau chwaith, ac wi’n ddigon hen i gofio The Magic Roundabout pan ddath y rhaglen mas gyntaf. Dim ond un sianel oedd bryd hynny – neu falla dwy ne’ dair ond wi’m yn cofio. Ta p’un i, wi yn cofio gweld y peth mewn lliw heblaw am fy amsar yn nhŷ mam-gu lle’r odd y teledu’n ddu a gwyn hyd nes bo mam-gu’n dod at ei diwadd ynghanol y nawdegau. Ychydig cyn ei marw, fe gas hi anrheg o deledu lliw oddi wrthon ni’r plant bach, ond odd hi’n benstiff o gredu bod teledu lliw yn wael i’r llecid a gwrthod ei roi e mlan – bach yn ddiniwad a hen ffasiwn oedd mam-gu ac fi drias i fy ngorau i weud wrthi hi bod hwnna’n dwp ac yn union fel yr hen gred ‘na bod wanco yn dy ela di’n ddall. Wedi’r cwbwl, odd Mrs Edwards drws nesa i mam-gu yn ddall, a dim ond radio odd gyda ddi yn y tŷ a dyw menywod ddim yn wanco odyn nhw – wel, hwnna own i’n ei gretu cyn cwrddyd ag Euronwy Cocwyllt ac wi’n siŵr nag odd Mrs Edwards yn depyg i’r teip ‘na o fenyw.

Bid a fo am hynny, roedd fy nhad inna’ n gwitho yn ffatri bop 'Corona' yn y Porth ac a bod yn onast, fyswn i ddim fod wedi lico dilyn ôl ei draed e i’r fanna. Ni ddaeth y cyfle yn y diwedd; fe gaews y ffatri i lawr pan ath y teip ‘na o bop mas o ffasiwn oherwydd yr effaith gas y siwgir yndo ar ddannadd plant y cwm. Nid dyna’r rheswm wrth gwrs –roedd y cwbwl lot yn tasto fel pisho crics, ac doedd bron neb isha ei brynu fe ac felly fe ath yr hwch drwy’r ffatri. Dodd ‘na ddim lot o wahaniath rhwnt y blas ar y Dandelion @ Burdock a’r Orangeade a gwed y gwir. Ta p’un i, own i’m isha bod fel fy nhad – menyw ymhob pentra, ffag yn ei geg a pheint yn ei law bob munud o’r dydd, a fynta er ei gywilydd, yn mynnid mynd i’r capel deirgwaith ar y Sul. Mynd i’r capel own i’n ffilu copan ag e – fi allwn i dderbyn y petha eraill, ond fel gwetas i miwn blogiad arall, fe ath e a’i wejan newydd i’r man gwyn man draw yng Nghwmtawe pan own i’n tynnu at y 13 ac o hynny mlan ‘odd dim role model gwrywaidd gen i.

‘Netho i ddim troi’n gay cofia fel y bysa pobol eraill yn yr un sefyllfa – ond ifi yn reit sensitive oherwydd dylanwad yr holl fenywod yn y teulu – mam, mam-gu, motrypadd di-rif, y bopas drws nesa a’m wiorydd wrth gwrs. Dylanwad y menywod hyn ar fy mywyd ‘nath fy arwain i at fy swydd gyntaf fel nyrs cynorthwyol yn Ysbyty Glangwili yng Nghaerfyrddin. Wi’n lico helpu pobol ac er nad oes otsh gyda fi bthdi gwaed ne ddim byd fel ‘ny, alla i ddim dioddef pobl sy’n conan a chintach a byswn i’n dueddol o weiddu ernyn nhw – Get a grip for fuck’s sake, you’ve only broken one leg – be thankful one of them’s all right. ‘Nath y jobyn ‘na ddim para’n hir ond nid bai fi odd hi - ma pobol heddi isha i bopith fod yn berffith, ond dyw bywyd ddim yn berffith. Wi wedi clwad straeon bod Mother Teresa yn eitha hen bitsh o bryd i’w gilydd ac nid sant yw Syr Bob Geldof chwaith - o bell ffordd.

Wi’n falch bod pethach wedi newid erbyn hyn a bod meibion heddi yn gallu torri eu cwys eu hunain – ifi’n gwpod bo fi’n ddiolchgar am y cyfle.

Melltith trais a'i ganlyniadau

2008-07-06T21:13:00.015+01:00

Odd Xosé, Pablo a fi’n cerad yn hamddenol braf i lawr Battersea High Street ddoe ac wrth droi’r cornel tuag at Clapham Junction, fe welson ni’r ddou Bwyliad ‘ma’n ymladd â’i giddil y tu fas i dafarn y ‘Cock ‘n Hen’ – ffeit eithaf cas odd hi hefyd a’r dyrnau a’r trad yn mynd i bob man. Odd tair ne' betar merch o’u cwmpas a nhwtha’n mynd bach yn hysterical a gweiddu ar y ddou i stopid, ne’ walla oen nhw’n annog eu ffefryn nhw mlan, ond alla i ddim bod yn siwr - wi’m yn deall Pwyleg. Ma’n gas gen i drais, ma’n troi fy stumog i ac ifi’n timlo’n dost, ond fi netho i feto Xosé pum punt y bysa’r un yn y crys gwyrdd yn ennill - ond bron cyn shiglo llaw ar y bet ‘na, fe ‘nath y ffycar yn y crys gwyrdd gwmpo i lawr ar bwys y pafin a gwrthod sefyll lan ac fel ‘na dath y ffeit i ben. Own i’n tampan a bu bron ifi fynd lan a rhoi cic iddo fe fy hunan. Fi gollas i bum punt ar gownt y bastard ‘na – fi alswn i fod wedi pyrnu wyth gan o Blackthorn Cider sydd ar gynnig yn Somerfield am £2.00 boba pedwar a dal bod £1.00 ar ôl ifi gal bar mawr o Cadbury’s Fruit ‘n Nut sydd hefyd ar gynnig sbeshal.

Ma’ Llundain wedi mynd yn lle treisgar ofnadw yn ddiweddar – yn wath na chynt. Ma’ na wetiad yn y Gymrag sy’n sôn am fwrw cyllyll a ffyrcs pan fo hi’n pisho bwrw. ‘Sdim rhaid iddi hi fwrw glaw cyn bod y cyllyll yn bwrw i lawr arnot ti fan hyn, ac ma’ plant heddi yn Llundain yn edrych yn debycach i anghenfil Frankenstein na phlant am bod cymid o glwyfau cyllyll drost eu cyrff. Wn i’m be ffwc wi’n ei neud ‘ma – bydd raid ifi symud mas o’r ‘shithole’ cyn bo hir.

Ma’ gen i graith eitha hir ar fy nhalcan am ifi gerad i mewn i bostyn lamp unwaith, ac mae gin Xosé graith ar ei stumog ar ôl i’r meddyg gwmpo a'i glwyfo wrth dorri’r umbilical cord ar ôl i Xosé ddod mas o groth ei fam. Fe gas y nyrs a dowlws y croen banana ar lawr yr ‘ystafell dynnu babis mas’ ei diswyddo wedyn ond odd hwnna fawr o gysur i Xosé na'i fam e ar y pryd. Mae Xosé yn dueddol o ddangos y graith ‘ma i’r byd a’r betws a gweud iddo fe ei chal hi ar ôl ymladd â chrocodeil ar lannau’r Costa da Morte yng Ngalisia. Mae gen i greithiau cas eraill ymhobman hefyd, ac fi wna i stori stiwpid lan biti pob un o’nhw os daw’r cyfle. Mae Xosé a finna’n rhannu’r un fath o hiwmor (?!) yn hynny o beth, ond fe synnat ti faint o bobl sy’n cretu pob gair. Dyw Pablo ddim yn gwerthfawrogi’r hiwmor wrth gwrs, ac fe ‘naiff e rolio ei lecid e lan a chrychu ei dalcan os gwetiff yr un o’ ni rwpath twp. Odd mam yn arfadd gweud bo fi’n dod mas a phetha dwl oherwydd y cnoc geso i ar fy mhen i pan gwmpas i mas o’r pram y tu fas i gaffi Mr Gambinini pan own i’n fabi bach – ond wi’m yn cofio hwnna. Does posib plesio pawb oes e, ac wi’m yn becso biti’r peth - hyd yn oed os gweta i galon y gwir, ma’ pobol yn dal i feddwl ‘bo fi’n pisan biti.

Fi wela i â’m llygad bach i rwpath yn dychra ag U.

2008-07-04T11:32:00.033+01:00

“Veo, veo una cosa que empieza con U.” – medda fi
“Una botella de Vodka” – medda Xosé

Roedd Xosé yn llygad ei le, felly fe bennon ni’r gêm a mynd ati i bennu’r botel ‘na hefyd. Ryw ‘chydig wedyn, ethon ni i’r siop i brynu potelaid arall o Fodca, carton arall o sudd tomato ac iwso’r ‘worcester sauce’ a’r ‘tabasco’ oedd gyda ni yn y tŷ er mwyn creu Bloody Mary sy’n digwdd cal ei alw yn Bloody Mary yn Sbaeneg – ac yn y Gymraeg am a’r wn i.

Wrth gwrs, ffigur hanesyddol yw Bloody Mary ne' Mari Waedlyd, a hithau o linach y Tuduriaid. Fe wnath hi awdurdodi llosgi dros 300 o wrthwynebwyr crefyddol wrth y stanc pan oedd hi mewn tymer ddrwg iawn yn ystod ei misglwyf, a dyna pam cas hi’r enw Mari Waedlyd. Own i ddim yn gwpod hwnna off hand; bu imi wglo’r enw sbelan yn ôl er mwyn creu argraff ar bobol mewn partïon pan 'rown i'n gweld rhywun yn ifad Bloody Mary. Er hynny, wi yn gwpod bod Bloody Mary yn enw ar un o’r cymeriadau yn y sioe gerdd 'South Pacific' ac odd dim rhaid ifi edrych hwnna lan. Os bydda i wedi meddwi digon, bydda i’n canu un o’i chaneuon hi mas o’r sioe, mewn acen sy’n reit depyg i Jonathan Ross. Ma’n dychra off fel hyn:

♫♫ Ha-ppy, ha-ppy, ha-ppy, ha-ppy talk
Talk about things you like to do

You got to have a dweam, if you don't have a dweam

How you gonna have a dweam come twu? ♫

Ma’n eitha trist bo fi’n gwpod y geiriau i gyd i’r gân ‘na, ond be ffwc – wi wastod yn cal fy ngwahodd nôl i’r partis 'ma. Ma gen i gasgliad o ffeithiau rhyfeddol eraill y bydda i’n dod mas â nhw os bydd y sgwrs yn troi at wleidyddiaeth neu bêl-droed. Dyma rai wi’n dueddol o gofio os bydda i’n ifad fodca. Mae gen i rai gwath o lawar y bydda i’n eu cofio ar ôl ifad Strongbow, ond am ifi fod ar y fodca nithwr – rheinco rwyt ti’n eu cal heddi:

Does dim blew ar aeliau’r ‘Mona Lisa’.

Mae cocrotsh yn dal i fyw os colliff e ei ben ond ma’n llwgu i farwolaeth ar ol biti naw niwrnod os nag yw e’n dod o hyd iddo fe.

Mae jiráff ac Elin Davies o Lanllwni yn gallu iwso eu tafodau i glau eu clustiau.

Brenin y calonnau yw’r unig frenin heb fwstash mewn pac o gardiau chwarae.

Roedd Alun Davies AC yn gallu llio ei dwll tin ei hunan ond erbyn hyn, dyw e ddim mor ystwyth, a dim ond twll tin Rhodri Morgan ma’n gallu cal hyd iddo.

Mae dynion yn chwe gwaith fwy tebygol o gael eu bwrw gan lychad/tan/goleuni na menywod, ac mewn parti, rwyf inna’n chwe gwaith fwy tebygol o gal fy wado gin rywun na’r dyn cyffredin.

Roedd Martin Evans Cwmparc, yn gallu sugno ei bidyn ei hunan cyn iddo fe fagu bol cwrw yn y coleg.

Ma’r gair ‘corner’ yn Sysnag yn swno fel y gair am gont yn yr Alisieg.

Todo sobre mi tia Sofia - All about Sophie

2008-06-26T14:34:00.013+01:00

Fi geso i alwad ffôn gin mam y dwyrnod o’r blan, a hitha’n mynnid ‘bo fi’n mynd i lan i weld Anti Sophie yn Tottenham. Dyna’r peth ola own i’n moyn neud, ond ma’ rhaid ifi blygu glin ac uffuddhau witha er mwyn cadw’r heddwch. ‘The deaf bat’ odd ym war a finna’n ei galw hi pan oen ni’n fach, a hitha ar un o’i hymweliadau blynyddol i Gymru, ond mae hi bron yn ddall nawr a hwnna ar ben y ddamwain a gas hi gyda rhyw Mercedes-Benz ‘nath sgido a dod ar dop y pafin y tu fas idd’i chartref hi yn Witherside Drive a gyrru off gyda hannar ei choes hi o dan y bonet. Rŷn ni jwst yn cyfeirio ati ddi fel Sophie druan erbyn hyn.

Fe ddechreuws y dydd yn eitha gwael. Fi ddylas i’r bws rhif 44 i Victoria sydd ond yn cymeryd 10 munud fel arfer, ond fe ddath bagid o bensiynwyr o Tsheina ar y bws jwst cyn Battersea Bridge - ar ôl iddyn nhw ymweld â Battersea Park am a’r wn i. Wi’n credu ‘bo fi’n itha wleidyddol gywir a licswn i ddim gwed bod yr un iaith yn swno fel brain yn cweryla â’i gilydd ond rwyt ti heb fod ar dop y bws 44 a nhwtha ar bob ochor iti - licswn i ddim byw yn Tseina neu byswn i byth off y paracetamol. Rown i wedi bwriadu dala’r 368 o Victoria i Tottenham a joio’r golygfeydd ar y ffordd wedyn, ond 'own i’m yn fodlon risgo llwyth o Chinese yn dod mlan eto, felly dylas i’r tiwb gyda’r bobol ddrewllyd.

Wi’n ‘gorffod’ mynd i weld Anti Sophie biti tair gwaith y flwyddyn ond ma’ unwaith yn hen ddigon ac ifi’n gwed celwdd wrth mam biti’r ddau ymweliad dychmygol arall. Ar ôl biti awr, dyna le’r own i ar stepan ei drws hi, ond wedyn bu raid ifi aros ugain munud arall cyn iddi ddod at y drws, ond pwy erfyn llai a hithau’n gorffod clunhercan ar y goes bren sy’ gyda ddi nawr. Ma’ ddi’n ‘ngalw i’n Norman am ryw reswm a ‘sneb yn gwpod pam; wi’n siŵr nag os clem ‘da ddi pwy odw i mewn gwirionadd ac wi wedi’r rhoi gora i drial egluro. Mae hi bach yn dwlali a gwed y gwir. Os bydda i’n mynd i’r tŷ bach yn ystod fy ymweliad, bydd hi wedi anghofio 'bo fi yn y tŷ ar ôl ifi ddod mas a bydd raid dychra ar y cyfarchion unwaith eto.

Nyrs oedd hi yn Llundain ac ‘odd neb yn deall pam ath hi i Lundain i weitho – wel pawb heblaw am Mrs Davies drws nesa odd yn convinced ‘bod hi wedi rytag bant am ei bod hi’n lesbian. Daw home help idd’i helpu ddi mas pob hyn a hyn, ac ma ddi’n cal meals on wheels pob dydd, ond er hynny, ma’ hi’n eithaf annibynnol ei hysbryd ac yn mynnid cwcan amall i bryd idd’i hunan. ‘Nath hi ‘sandwich’ ifi a dishglad o de ond odd rhaid ifi godi’r bara er mwyn tsheco nag odd dim byd rhyfadd yn y cenol. Shwrna, dath hi â ‘scotch egg’ ifi ond odd hi heb dynnu’r plishgyn off y wî cyn rhoi’r cig sosej a’r briwsion bara o’i gwmpas e a’i dowlu yn y ffrimpan; wi’n synnu nag odd e wedi ecsplodo a bod yn onast.

Buson ni’n gryndo ar gwpwl o’i hen dapiau o ‘Just a Minute’ gyda Nicholas Parsons ac ‘I’m Sorry I Haven’t a Clue’ gyda Humphrey Lytlleton, ac wedyn odd hi’n moyn gryndo ar dâp o Liberace yn canu’r ffycin piano am hannar awr. Ma’ ddi’n lico hen ffilmiau hefyd ac fi ddetho i â fideo o Bette Davis yn ‘All about Eve’. Yn anffodus, anghofias i taw fersiwn wedi ei dybo i’r Gastilaneg ‘odd gyda fi ac felly fe watshon ni 'Eva al desnudo' - ond wetws Anti Sophie ddim byd; walla bod hi’n diall Sbaeneg ond own i ddim yn lico gofyn. Dechreuws hi bendwmpan hannar ffordd trwy’r ffilm, felly fi gwnnas i lan a thynnu ei dannadd doti hi mas, lapio siôl amdeni, doti cwshin o dan ei phen a rhoi cusan ar ei thalcan cyn gatal am flwyddyn arall. Dylswn i fod yn weithiwr cymdeithasol – ma ‘gen i ‘mynadd Jôb.

Teyrnged i Ffred Ffransis ar ei benblwydd yn 80 oed

2008-06-20T12:18:00.036+01:00

Odd ffrind arbennig ifi yn dathlu ei ben-blwydd yn bedwar ugain oed ddydd Satwn diwethaf ond yn anffodus, 'odd dim digon o arian ‘da fi i fynd i lan i Aberystwyth i ymuno yn y dathliadau. Ta p’un i, dyma fy nheyrnged fach iddo fe ar ffurf bywgraffiad.

Ymgyrchydd blaenllaw dros gyfiawnder cymdeithasol yw Ffrederick Seffton Ffransis a chanddo ymroddiad diymwad dros sicrhau dyfodol i’r Gymraeg yn Nhywysogaeth Cymru. Ganed ef ym Mae Colwyn ar y 14eg o Fehefin 1928 a’i fagu yn ‘Smutty Rhyl’ ar bwys Lerpwl.

Bu ei deulu ar ochr ei dad yn berchen ar diroedd lawer yn ninas Lerpwl gerllaw, ac yn goron ar y cwbl - 'Sefton Park' - ar gyrion y ddinas. Daeth trobwynt yn ei hanes pan wnaeth Corfforaeth Lerpwl gais i foddi Cwm Tryweryn yng nghefn gwlad Sir Feirionnydd er mwyn cael cyflenwad o ddŵr i helpu’r Ffransisiaid i ddyfrhau’r parc a chadw’r gwyrddni a fu i’r oesoedd a ddêl. Perodd hyn gryn anesmwythyd i Ffred Ffransis ac ymgysegrodd ei fywyd o hynny ymlaen i frwydro dros gymunedau’r Gymraeg er mwyn talu'r pwyth yn ôl am y gamwedd honno. Bu iddo werthu’r parc a ddaeth yn etifeddiaeth iddo i Syr Paul McCartney, a rhoi’r arian i Glwb Pêl-droed y Rhyl yn y gobaith ffôl y buasent ryw ddiwrnod yn hemo timau Lerpwl ac Everton yn y prif gynghrair.

Gellir olrhain ei achau ar ochr ei fam yn ôl i ‘St Francis the Sissy’, ac yn debyg i’r gwron hwnnw, cred Ffred Ffransis bod dyletswydd arnom i ddod â chyfiawnder a heddwch i’n byd ac i roi terfyn ar ryfel a gorthrwm trwy esiampl bersonol. Bu iddo aberthu ei ryddid lawer tro dros ei egwyddorion – yng ngharchardai Walton, Pentonville, Abertawe, Robben Island, Stalag Luft III a charchar Slade lle bu’n rhannu cell gyda Norman Stanley Fletcher. Ni fedr neb anghofio ei eiriau gwefreiddiol wrth annerch y wasg ryngwladol ar ol iddo gael ei ryddhau o garchar Pentonville ar ddechrau’r saithdegau:

Where there is hatred, let me sow love; where there is injury, pardon; where there is love, faith; where there is despair, hope; where there is darkness, light; where there is sadness, joy. Now let’s get the fuck out of here. (ffynhonnell: Reuter)

Er mwyn parhau a’i waith gwirfoddol dros gyfiawnder a thegwch i’r iaith Gymraeg, sefydlodd Cwmni Seffton ym 1963 a fuasai’n ei alluogi i frwydro dros yr iaith a chynnal teulu. Bwriadai gyflogi gweithwyr o blith aelodau gweithgar Cymdeithas yr Iaith ar y pryd, fel y caent ryddid i weithredu yn enw’r iaith, ond yn anffodus, fe aeth y syniad hwnnw i’r pedwar gwynt ar ddechrau’r nawdegau, a chanolbwyntiodd ar helpu hoywon ac anffodusion eraill na fuasai’r un cyflogwr arall yn meddwl rhoi gwaith iddynt. Adwaenir y cwmni heddiw fel ‘Cwmni Seffton a’i Fab’ wedi i un o’i feibion rannu’r baich cynyddol o redeg y cwmni.

Mae’n briod â Meinir Ffransis, merch i Primrose ac Harold Shipman ac mae ganddynt saith o blant naturiol - Liesl, Louisa, Friedrich, Kurt, Brigitta, Marta a Gretl – a bu iddynt fabwysiadu tri o blant amddifad o Burkino Faso – Hedd Gwynfor, Ceri Wyn a Leonardo DiCrapio. Mae’r plant naturiol – ill saith yn canu o eisteddfod i eisteddfod fel y Ffransisiaid. Mae Hedd yn helpu ysgwyddo'r baich o redeg y cwmni tra’n cynnal ac yn hyrwyddo’r wefan maes e - fforwm drafod i blant sydd a gormod o ddim byd i’w wneud â’u bywydau; mae Ceri yn uwch-liwtenant yn Lleng Dramor Ffrainc ac mae Leonardo wedi dwyn gwarth ar enw’r teulu wrth iddo serennu fel Jack Dawkins yn y ‘blockbuster’ porno ‘Tit ‘n Dick’ o stiwdios Metro Goldwyn Mayer.

Dathlwyd pen-blwydd Ffred Ffransis yn bedwar ugain oed mewn cyngerdd arbennig i nodi llwyddiannau ei fywyd yng nghlwb pêl-droed Aberystwyth ar y 14eg o Fehefin 2008. Daeth ffrindiau a theulu o bedwar ban Dyffryn Teifi i’r achlysur hon a chafwyd perfformiad llawn asbri gan ei hoff grŵp Abba - a ailffurffiodd yn arbennig i ganu teyrnged i’r dyn arbennig hwn. Aethant ati i ganu ei hoff gân – Money, Money, Money – i sŵn byddarol cymeradwyaeth y gynulleidfa a phlesur amlwg Mr Ffrederick Seffton Ffransis.

Fy modryb a'i phlentyn siawns

2008-06-14T14:52:00.011+01:00

Gas Grizilda a fi ffrae nithiwr a bu’r ddou o’ni wrthi fel ci a chath tan y bora bach. Mae Dracula yn lico dangos ei ddannadd ar ôl agor clawr ei arch am hannar nos, ond mae Grizilda yn lico agor ei cheg sbelan cyn hannar nos a does byth cau arni– ma’n wahanol i Dracula yn hynny o beth.

Ffonas i Rob i ddod mas gyda fi - er mwyn ifi gal bach o ‘moral support’ - ond pan wetas i enw Grizilda, dyco’r ffôn yn mynd yn 'dead' ac own i’n ffilu cal gafal arno fe wetyn. Wi’n napod Rob ac fe naiff e weud bod credyd ei ffôn e wedi dod i ben ond dyw BT ddim yn ‘neud ‘pay as you go’ ar ffôn y tŷ. Fe yw un o’m ffrindia gora fi ac wi’n ei garu fe o waelod calon ond pan ifi’n moyn help gyda Grizilda, welid di ddim o lwch ei ‘sgitsha.

Ma Grizilda’n perthyn ifi a gwed y gwir, ond cyfrinach mawr y teulu yw hi ac gwi ddim i fod i sôn amdeni ddi – ond be ffwc. Yr hanas yw i Anti Eileen – war Dadi - gal shelffad ar bwys y ffair ym Mhorthcawl pan odd hi’n bymthag oed ac esgor ar y ddiawlas hon naw mis wedyn. Myfanwy odd ei henw hi pan welws hi olau dydd, ond Grizilda yw ei henw hi nawr. Ath teulu dadi’n benwan wrth glwad bod Eileen yn fraishg a diwadd y stori fu i Myfanwy gal ei mabwysiadu gan ryw gwpwl o Hampshire a’i throi’n Grizilda.

Ni wetws neb mo’r un gair amdeni nes bod Anti Eileen wedi ennil ffortiwn ar y bingo un tro ac ath reportar y 'Rhondda Leader' ar ôl y stori a ffindo mas trwy glecs y cwm bod hanas y tu ôl i Anti Eileen a bod hi ddim yn gwed calon y gwir wrth y wasg am ei hanes deuluol.

Rôn ni i gyd yn y teulu yn gwpod am hanes Myfanwy ne’ Grizilda, ond bu rhaid ifi, fy mrawd a’m dwy war esgus fod yn ddall a byddar am ei bodolaeth. Glywson ni’r hanas gan Mrs Davies drws nesa sy’n ffilu cadw cyfrinach i safo ei bywyd – ond odd hwnna’n well na ffindo mas trwy’r 'Rhondda Leader'. Odd mam ddim yn folon siarad am y peth wrthon ni – ac rŷn ni heb weld Dadi odd’ ar iddo fe rytag off â’r fenyw ‘ma o Graig Cefn Parc wedi i’r un olaf o’onon ni ddod mas o groth mam. Ta p’un i, wi’n dychra crwydro nawr a phetha’r teulu yw petha’r teulu.

Geson ni ffrae biti’r gantores Amy Whitehouse o bawb; ma’n amlwg ifi bod Amy druan off ei phen ond odd Grizilda ddim yn cytuno. ‘Na i wastod dal fy nhir os fi’n gredu bo’ fi’n iawn biti petha ac fi wna i ddadla gyda’r Pab biti ‘contraception’ os fi’n meddwl bo’ fi’n iawn. Er hynny, gwishgws Grizilda ei het ‘wi’n gwpod yn well na neb’ a chodi ei llaish hi a gwed bo’ fi’n ffycin stiwpid, yn goc oen ac nag odd neb yn lico fi a cherad bant - y teip ‘na o fenyw yw hi, wir Dduw iti.

Ta p’un i, buson ni yn y clwb nos ‘ma ac fi etho i off i bwdu mewn rhyw gornel wedyn, ac fe ath hi off gyda rhyw mong i drio dawnso dawns y sbazmos i sŵn rhyw gân gan George Michael. Ar ddiwadd y noson, fe nethon ni gladdu’r peth a dod yn ffrindiau o ryw fath a chal cwtsh a gwed bod pob dim yn iawn - ond ifi’n dal yn ffiwman. Licswn i weud bo fi’n lico’r fenyw - fy nghyfnither - ond ma’n gas 'da fi’r ast a gwed y gwir. Ma’n teimlo fel ‘community service’ pan ifi’n gorffod mynd mas gyda ddi; nid bo fi’n gorffod, cofia - ond odd mam yn gwed wrtho i i fod yn garedig wrth yr anffodus, ac ma ddi’n reit anffodus - fi weta i ‘ny ‘thot ti nawr.

Cwlffyn o fara 'chaws a phowlid o uwd o fewn petar wal

2008-05-28T16:02:00.027+01:00

Geson ni bach o ffradach yn y ‘Three Cocks’ yn Walthamstow nos Satwn ond wi’m yn mynd i fecso ryw lot biti fe. Cal peint bach tawal ôn i gyda Rob pan ddath y landlord hibo wrth glasgu gwydrau a gwed rhyw gachu twp wrthon ni ambiti’r ffaith ‘bo ni’n siarad Cymrag â’n giddil. Fi glwas i ‘munan yn twymo lan wetyn a gwetws Rob ifi bido a gwed ‘im byd nôl - ond odd hi’n rhy hwyr erbyn 'ny; ifas i’m peint i ar ei ben a chitsho yn y peint llawn odd ‘da Rob a‘i shoto fe drost y bastard dienid a gwed cwpwl o eiriau reit sarhaus nôl wrtho fe. Wi’m yn cofio be’ wetas i nawr a bod yn onast, ond fe ddaw e lan yn y llys siwr o fod; wi’n gallu bod yn eitha drwg fy nhafod pan ifi’n moyn bod - ac fi’n siwr ifi wed petha fysa’n codi cwiddil arno i ‘tasa mamgu’n digwdd eu clwad nhw.

Own i’n difaru’r dwyrnod wedyn wthgwrs, ac yn timlo’n reit flin dros Rob – 'nath e ddim byd ac ‘yfi odd ar fai. Dodd e ddim yn deg bo fe’n gorffod rhannu cell gyda fi yn Paddington Green Station ond - 'fel ‘na mae' - fel ‘sa Max Boyce yn ei ganu. Wetws e bron dim byd wrthdo i dros y tridiau buson ni 'na, felly wi’n cymryd 'odd e’n itha pissed off biti’r holl nonsens.

Bu raid inni fynd o flan yr ynadon wedyn ar y Dydd Mawrth; bysan ni wedi bod dwyrnod yn llai yn y celloedd ‘tasa hi ddim yn ŵyl y banc ar y Dydd Llun. Wetas i wrth yr ynadon taw fi odd ar fai a thrwy lwc, fe ddath Rob off â’r peth ond ifi ar fechnïaeth ar hyn o bryd ac ifi’n gorffod mynd i riporto i orsaf yr heddlu yn Lavender Hill nes sbo’r achos yn cal ei thraddodi i Lys Y Goron. Wi’n credu bo fi’n cal fy stitsho lan a’r cyhuddiad o ‘assault and battery’ a gwed y gwir, ond be’ ffwc – ma bywyd yn rhy fyr i fecso am betha fel ‘na, ond pam fi Duw pam fi?

Gobitho dywa i off â’r peth – sdim ots ‘da fi ela pythewnos neu fis yn Wormwood Scrubs ond ifi wir ddim isha cal dirwy a gorffod talu costau. Dyw arian ddim yn tyfu ar goed fel 'odd mam yn lico gwed wthdo i. Gwetws landlord y dafarn wrth yr heddlu ‘bo fi wedi towlu peint o sidir drosto, ond nage sidir towlas i drosto fe ond lager Rob – own i’m yn mynd i golli peint o sidir – ma’n rhy ffycin ddrud y dyddia hyn. Mae ‘na dwll yn ei gyhuddiad o’r dychra cynta - a chelwdd yw hwnna buws e’n gwed wrth yr heddlu, ontefe.

Ma’ Robert yn dal heb siarad â fi odd’ ar ‘ny, ac dyw e ddim yn atab y ffôn ‘chwaith. Dydd Merchar yw hi heddi ac oen ni wedi trefnu cwrddyd lan i weld Aliens vs Godzilla a Michael Jackson yn y Prince Charles Theatre yn Soho - a chal peint ne ddou wedyn - ond walla ‘bo fe’n well ifi gadw off y cwrw a'r sidir a'r Smirnoff Ice a gatal llonydd i'r ffilms treisgar 'na a chal cwpwl o ddyddia o ‘contemplation’.

Wara teg i Pablo a Xosé – wetson nhw y bysan nhw wedi gwneud union yr un peth. Man nhw’n gefnogol iawn ifi ac heb ots nac onibai, fe ddelan nhw i’m gweld i pe byswn i gwpwl o wthnosa o dan glo; efalla taw dyna pam rŷn ni’n rhannu’r un fflat ac yn ffrindia bora oes – adar o’r unlliw ontefe; nace 'bo fi'n gwed 'bo Rob ddim yr un fath 'chwaith ond athro yw e, ac ma' fa'n gallu bod yn reit famol wrtho i weitha ac heb fod yn shei wrth roi cerydd ifi.

Os diwadd y gân fydd y carchar, gobeithio y galla i gael y ddedfryd ‘na ifi’n siwr o’i gal am y ‘council tax’ a’r drwydded deledu i gyd-redeg â’r 'assault and battery'; bydd hwnna’n safo arian ac yn lladd tri aderyn â’r un garrag. Ma’ rhaid edrych ar yr ochor bositif i betha witha, ond oes e – ne’ ma’ bowyd yn ormodd o ffycin boen.

Pel-droed, ffrindiau a Chymry Llundain (2)

2008-05-26T14:18:00.032+01:00

Collws Caerdydd yn erbyn Portsmouth ond own i’m yn talu lot o sylw a gwed y gwir. Buas i wrthi’n wara ‘table football’ gydag Aeron, plentyn bach Eluned sy’n gwitho fel 'bus driver' i lawr ‘ma yn Llundain. Wi’m yn lico ‘bo nhw'n gatal plant yn y tafarndai ond mae Aeron yn wahanol i blant erill. Ma fe’n mynd i Ysgol Gymraeg Llundain a bastard bach ‘cheeky’ yw e. Odd e’n ifad coca-cola ar ôl coca-cola a gwetas i wrtho fe y bysa hi’n well iddo fe ifad llath am bod ‘coke’ yn pydru dy ddannadd di ond ‘co fe’ n gwed nôl wrtho i wetyn i ddishgwl ar seis tits ei fam e, a’i fod e wedi cal ei fwydo ar y rheini a syndod yw hi ‘bo fe heb gal ei foddi yn yr holl lath ddath mas o’ nhw. Wi’m yn lico snitshan ar neb ond fi wetas i wrth Eluned be’ odd ei mab hi wedi gweud ac fe gas e reit bryd o dafod gynti o flan pawb. Wi wir ddim yn diall plant heddi; man nhw’n gallu bod mor ffycin ‘cheeky’ a ‘sdim parch i gal.

Cwrddson ni lan â Paul wedyn – gŵr Rhiannon. Plismon yw e – un o’r rheinco yn Heddlu Dyfed-Powys. Fe yw’r unig blismon wi’n napod yn gymdeithasol; wi wedi cwrddyd â lot o’ nhw yn rhinwedd eu swydd ond stori arall yw honno. Wi wir yn ei lico fe; ma’ fa’n foi ffein ei wala ac mae Rhiannon yn 'alan y ddaear – wastod wedi bod ac am byth bydd hi. Dath Paul ag anrheg ifi hefyd - cwpwl o ‘e’s’ a lwmpyn o reu mas o’r stash sy' gyda nhw ym mhencadlys yr heddlu yng Nghaerfyrddin ar ôl rhyw raids cyffuriau mae Heddlu Dyfed-Powys yn lico ei neud o bryd i’w gilydd yn y ‘tepee village’ ‘ na ar bwys Llandybie.

Odd pawb isha bwyd wetyn a gwetws Rob bo fe’n napod rhyw ‘cheapy chinko’ yn Chinatown ar bwys Soho ac i fanno ethon ni. Ma’ Rob yn mynd yno’n amal ac mae’r bois ‘chinese’ i gyd yn ei napod e - ond teip once seen, never forgotten yw Rob. Lwcus ôn nhw’n napod Rob hefyd, am ‘bo ni’r Cymry yn gallu bod yn reit ‘raucous’ witha a simo’r chinese yn folon doti fynadd â dim nonsens – fe gân nhw’r triads ar dy gefan di o fewn wincad llygad llo bach fel ‘sa mamgu’n lico gwed. Own i’n ei gweld hi’n lle reit ddrud fy hunan – ‘mond rhyw ‘watersprouts’ oedd yn y sŵp geson ni ac fe gei di byrnu’r rhain am 'annar can cinog yn y farchnad ar bwys Battersea High Street, ond talws Rob siâr fi o’r bil yn y diwadd, felly wi’m yn mynd i gonan.

Odd Rhiannon isha mynd i’r dafarn ‘ma wetyn, lle bu Gorsedd Beirdd Ynys Prydain ne’r Cymmrodorion ne’ ryw ffycars diwylliedig Cymrag yn cynnal cyfarfodydd yn y dyddia a fu. Y 'Kings Arms' yw ei henw hi yn Poland Street ar bwys Oxford Circus a bar ‘gay’ yw e erbyn hyn. Nid ‘gays’ fel Graham Norton sy’n mynd ‘na, cofia - ond y teips sy’n lico gwishgo lan fel lumberjacks – ‘gays’ reit fawr a blewog sy’n gallu edrych ar ôl eu hunain. A gwed y gwir, own i heb weld cymaint o bobl fawr salw o fewn petar wal heblaw am yn y ‘Drovers Arms’ yng Nghwm Twrch Uchaf adag rhyw nos Galan yn 1996 ne' 1997 - wi'm yn hollol siwr. Wi’m yn gwpod be’ fysa Iolo Morgannwg yn meddwl ambiti’r dafarn heddi 'chwaith, ond ma’ derwyddon yn reit camp ond ŷn nhw, felly bysa fe’n timlo’n reit gyffwrddus yno am a’r wn i.

Pel-droed, ffrindiau a Chymry Llundain (1)

2008-05-24T18:51:00.024+01:00

Etho i mas i’r dafarn ‘ma i weld gêm pêl-droed ddydd Satwn diwetha; ‘sda fi gynnig i bêl-droed a gwell gen i fynd wthnos heb ryw na gorffod watsho’r dynon ‘na yn cico pêl rownd rhyw ga neu’i gilydd, ond ‘odd Caerdydd yn wara Portsmouth - a gêm reit bwysig oedd hon i fod yn ôl y sôn.

Own i yno am bod Rhiannon, un o’m ffrindiau gora, wedi dod i lawr ar ymweliad gyda’i gŵr hi; aeth ei gwr hi wedyn i weld y gêm yn Wembley cyn cwrddyd lan â ni wedi’r peth. Esgus i Rhiannon odd y gêm ‘ma - iddi hi gal dod i lawr i Lundain, ac ifi a Rob ddala lan gyda ddi a chal tancad ffein yn y fargen. Ma’ ddi’n sbel odd’ ar ifi a Rob ei gweld hi ond dyw amsar ddim yn creu bwlch gyda rhai ffrindiau ac roedd hi fel taw ddoe buson ni mas yn galifanto ar hyd y lle.

Odd Rhiannon yn gwpod fy hanas i gyd. Own i heb weud wrthi bo fi’n ysgrifennu blog, ond ma’ ddi wedi clwad amdano ac ma’ ddi’n un o’r ychydig sy’n ei ddarllin. Wetws hi wrtho i bod ei war hi – Miriam – wedi doti’r gair ‘ffwrch’ yn ‘google’ ar funud wan ryw ddwyrnod a dath cofnod o’m blog i lan am ryw reswm. Ffonws hi Rhiannon wetyn a gwed wrthi i ddrychyd ar flog y boi ‘Cer i Grafu’ ‘ma. Rhyfedd fel bo ffrindia yn dy napod di lot fwy na bysat ti’n ei feddwl – own i’n meddwl bo fi’n reit ‘anonymous’. Trias i wadu’r peth wthgwrs, ond mae Rhiannon yn fy napod i’n rhy dda.

Cwrddson ni yn y dafarn ‘ma lle ma' rhai Cymry’n mynd i weld y gemau rhyngwladol – ‘Three Kings’ yw ei henw hi yn South Kensington a cher fynna os byddi di’n paso heibo ryw benwthnos gêm – er bod codi £3.00 i fynd i mewn i dafarn am 2 o’r gloch y prynhawn a chal gwydra plastig wedyn yn ffycin ‘rip off’. Mae isha i bobl achwn biti’r teip hyn o beth; wetas i wrthdyn nhw wrth bo fi’n gatal, ond fi geso i fy ngwahardd am byth am fod yn boen - meddan nhw. Nid ymgyrch i un person yw hon ond ymgyrch i bawb sy’n teimlo'n grac biti fe.

Odd ’na growd o’ni erbyn diwadd – bai Rob odd hwnna; ma fa’n deip sy’n clasgu pobol o’i gwmpas e fel cilion rownd pen-ôl y fuwch. Cymry oedd pob un o’nhw ‘ed; ma’ na yffach lot o Gymry yn Llundain ond wi ddim yn napod lot o’ nhw - o ran dewish yn fwy na heb. Roedd wech o'enyn nhw a gwed y gwir, ond fel mae Rob yn gweud – odd tri o’ nhw’n ‘supercilious twats’ a fysa’r tri arall ddim yn pisho arnot ti ‘sat ti ar dân. Pob un jobyn posh sydd i gal, man nhw’n ei wneud e - cyfreithwyr, athrawon, cysylltiadau cyhoeddus bla bla bla. Wi’n gwed bo fi’n gwitho i MI5 yn Vauxhall os man nhw’n gofyn ifi ac alla i ddim siarad am y peth oherwydd natur y ffycin gwaith - gas gen i Gymry na neb sy'n lico meddwl bo' nhw'n bwysig.

Pablo a’r offeiriad Juan Rodriguez Cabrón

2008-04-24T20:14:00.008+01:00

Wi heb flogo ers sbelan nawr; ma’ na reswm am hynny ac erbyn hyn, ots gen i pwy sy’n cal gwpod - ifi ar ben fy nhennyn!

Ma’r ford yn shiglo pob tro wi’n mynd ati ac ma llyfra yn cwmpo off y silffoedd bob hyn a hyn; ma’r cyfrifiadur yn dod mlan a mynd off ar ei ben ei hunan ac ma’ Pablo’n wara’r hen ddiawl – wn i’m be’ sy’n bod arno fe, wir Dduw.

Dechreuws hyn i gyd pan fu farw Mr Wilderbeast i lawr y coridor ac wthnos union ar ôl inni watsho ‘The Living Dead’ ar y we gyda’n gilydd. Aeth petha mor wael fel y bu rhaid i Xosé glymu Pablo wrth y gwely. Roedd e’n mynnu taw General Franco oedd e am ryw ychydig a dychra martsio i lan ac i lawr y coridor yn gweiddu Viva Espana ar dop ei lais. Roedd hwnna’n ormod i Xosé a gofnws e i’r offeiriad Juan Rodriguez Cabrón alw draw o’r eglwys gatholig i gael gair ag e - ac ma’ fe’n galw miwn pob dydd odd’ ar ‘ny.

Bach o boen yn y tin yw padre Cabrón a gwed y gwir – ma’ fe’n ailadrodd yr un weddi ‘ma yn Lladin tan oriau mân y bore wrth erchwyn gwely Pablo. Mae hwnco wedyn yn cal modd i fyw wrth regi a thyngu fel hen labrwr ato fe a rhochain fel mochyn pob hyn a hyn – wi’n siŵr bod pawb yn y bloc yn gallu eu clywad nhw wrthi!

Wetas i wrth Xosé i gael pip ernyn nhw un noswith – ti’n clwad shwt gymid o betha am yr offeiriadon ‘ma’n camfihafio. Dyma Xosé yn gweud wrtho i wedyn bod padre Cabrón ar ei bengliniau yn dyfynnu mas o ryw lyfr defodau a Pablo yn ishta i lan ar y gwely â’i ben e rownd y ffordd rong – ond bysa dim byd ‘nela Pablo yn fy synnu i.

‘Netho i gwcan ‘macaroni cheese’ iddo fe pwy ddiwrnod ac ar ôl i Xose ei fwydo fe â’r llwy, fe etho i i mewn i moyn y plât. Wara teg i Pablo, roedd e wedi byta’r pryd i gyd. Dyma fi’n gofyn iddo fe a oedd e wedi mwynhau – ¿gustouche a comida, non? (joiest ti’r bwyd, do fe?) - am taw felly ma’n nhw’n siarad yng Ngalisia. Wetws e ddim byd ar y dychra ond ar ôl ifi ofyn am y trydydd tro, dyma fe’n wdu’r holl beth lan yn ‘y ngwynab. Dyna’r tro diwethaf wi’n cwcan ‘macaroni cheese’ iddo fe – gaiff e salad o hyn ymlaen ‘sbo fe’n dysgu bihafio ei hunan yn well.

Mae mam yn dod i aros o fewn pythewnos a gobeitho y bydd e’n well erbyn ‘ny neu fe all Pablo, Franco neu Pazuzu ne’ be’ bynnag ma fe’n lico ei alw ei hunan y dyddiau diwethaf ‘ma fynd i aros i lawr at hostel y digartref ‘sbo mam yn gadael.

Somerfield a'r 'Tandoori Palace'

2008-04-15T20:40:00.017+01:00

‘Sdim gwaith gen i am bythewnos nawr – ma’ gen i wyliau – Haleliwia!! - ond yn anffodus, pythewnos heb dâl fydd hi. A gwed y gwir, wi’n dwlu ar yr amsar rhydd ‘ma ond wi’m yn lico bod yn glawd, ac ma’n gas gen i dorri’r got yn ol y brethyn - ma’n well gen i fwyta ‘scotch egg’ na wi wedi’i ferwi pob ffycin tro ...

Mae arian yn reit bwysig – fyswn i ddim yn gweitho fel arall. Ers ‘slawar dydd, bu rhaid i ddyn fod wrthi â’i waith caib a rhaw er mwyn rhoi pryd yn ei geg. Mae petha’n well erbyn heddi, wrth gwrs; fe alliff dyn dynnu ei bidyn e mas a gweithio gyda’r Chippendales ac ennill ffortiwn – ond nid pob dyn!

Pe taswn i’n fenyw bert, bysa’n well gen i ddangos fy nhits ar ‘shoot’ y Daily Star am wech o’r gloch y bora a bod nôl yn y gwely erbyn naw. Fe gelat ti gwpwl o filoedd yn y cyfrif banc am hwnna – gyda'r cyflog yn dibynnu ar seis dy dits di siwr o fod!

Mae talu am fwyd wastod yn broblam pan fo arian yn bring - mynd i Somerfield y bydda i’n ei wneud am ryw awran cyn iddyn nhw gau er mwyn clasgu’r bargeinion – ac yn wir iti, fe gei di lot o fargeinion; cyn hyn wi wedi cal sosejys am 13c yn lle £1.75 am fod y dyddiad terfyn yn dod i ben ar y label. Wi’m yn deall y bobol 'naiff ddim citsho yn y bargens ‘ma – fe ellid di eu hwpo nhw i miwn i’r ‘freezer’ am dri mis a ‘sdim problam. Ar ôl tri mish fe dastan nhw union yr un fath â chynt a phob fitamen a daioni yn sâff.

Gynt pan own i’n mynd i Somerfield, byswn i’n hofran uwch ben Mohammed â’i ddryll prisiau. Own i’n arfadd gwitho gyda Mohammed yn Covent Garden ac rŷn ni’n napod ein gilydd yn o lew. Buws e’n gwitho yn Somerfield am sbelan a bysa fe’n dod mas â’r dryll prisiau ‘ma a gostwng prisiau'r pethach na fydda nhw’n gallu gwyrthu erbyn y bora. ‘Odd e’n folon gor-saethu’r dryll ifi weithia a rhoi cwpwl o labeli ‘sa’n gwed ‘reduced to £1.00’. Own i’n arfadd cael bargeinion gwell na’r cyffredin wedyn, ond ma’ fe wedi mynd o ’na erbyn hyn – gwaetha’r modd.

Oen ni’n arfadd mynd i lawr i Somerfield yn reit hwyr er mwyn cal y bargeinion ond erbyn hyn mae Mrs Patel o’r bwyty Indian yn mynd yno reit gynnar a hofran rownd y lle fel rhyw ffycin mosgito nes bo’r siop yn gostwng pris y ffowlins i 99c. Bysa hi’n eu rhoi nhw yn ei phrydau cyrri wedyn a’u gwerthu nhw am £5.99 yn y ‘Tandoori Palace’ yn Brixton. Mae rhaid bod yn gloi er mwyn achub y blaen arni ddi – wir Dduw iti.

Geson ni yffach o ffrae gyda Mrs Patel un tro a Phablo’n lladd erni yn lot gwath na fi ac doedd Xosé ddim yn swil wrth gonan ond a bod yn onest, dyw hi ddim yn deg ‘bod hi’n mynd â’r ffowlins tshêp i gyd. Y tro yna, dyma hi’n gwed wrthon ni bod hi’n ffrindia mawr gyda’r ‘Triads’ a’r ‘Yardies’ a ‘tasan ni’n ei phisho hi off ‘to – bysa pobl Brixton yn byta cyrri ag un Cymro a dou Sbaenwr yndo ac felly, dethon ni i gytuneb - rŷn ni’n cal dou ffowlyn ac ma ddi’n cal y gweddill; ma' ddi dal yn ‘rip-off’ ond be’ wnei di!

Nyrs Rakwonoff a'r dwsin a ehedodd dros nyth y gwcw

2008-04-06T19:25:00.015+01:00

Wi’n cal bach o draffarth i gadw off y ffags ar hyn o bryd – ifi’n iawn o ddydd Llun i Ddydd Iou, ond fi’n dueddol o binj-smoco dros y Sul. Wi’n moyn bod yn wahanol i’r dorf ond, er fy ngwaetha, os yw’r dorf yn smoco - fi wna i ei dilyn hi i Timbuktu a nôl.

Doedd dim amdeni – roedd angen cymorth arno i ac fi wedi ymuno a’r grŵp ma – www.gosmokefree.co o dan nawdd yr NHS. Ffonas i nhw lan a chal fy ngwahodd i’r cyfarfod ‘ma ddydd Iou diwetha yn ysbyty cyffredinol Tooting.

Yn yr ysbyty, bu raid ifi ddewis pwy gymorth own i’n mynd i gymeryd – nicotine replacement therapy – fel man nhw’n ei galw hi. Roedd patshys nicotîn, y teclyn ‘ma i hwpo lan dy drwyn di ac sy’n chwistrellu dôs o nicotîn, gwm cnoi, rhyw fath o losin i sugno, ‘microtabs’ a oedd yn edrych fel rhyw e’s bach - a’r ‘inhalator’ ‘ma. Ar ôl siarad â Nyrs Rakwonoff, dewishon ni’r ‘inhalator’ ifi, sydd fel rhyw fath o sigarét blastig am bobol sydd angan rwpath i ddala yn y llaw – wedi’r cwbwl, alla i ddim cal wanc pob tro ifi’n moyn ffag neu bydd croen fy mhidyn i’n cwmpo off.

Bu raid ifi ishta i miwn ar ddarlith gan Nyrs Rakwonoff wedyn. Roedd biti ugain ohonon ni ac am fod yr ysbyty cyffredinol ‘ma reit ar bwys ysbyty meddwl Springfield, roedd hannar y bobol ar y cwrs wedi ymuno er mwyn cal prynhawn bant o’r gwallgofdy.

Teip Mrs Hilter â gwen ar ei gwynab oedd Nyrs Rakwonoff. Y peth cynta ‘nath hi oedd dod mas â’r chwistrell bersawr ‘ma a’i chwistrellu dros bob man a gweid wrthon ni na fysan ni’n drewi fel Pepé Le Pew ar ôl rhoi’r gorau i smoco - you can smell a smoker a mile off – meddai hi. Own i’n pallu credu’r peth – ffacin cheek!!

Bu raid inni gyd wthu i miwn i’r teclyn ‘ma wedyn i weld pwy mor wael oedd ein hysgyfaint ni ne' rwpath - a dyma hi’n edrych ar y canlyniadau a gweid y bysa ein hannar ni yn marw o fewn blwyddyn ne ddwy ‘tasan ni’n cario mlan i smoco. Wetws hi ddim pwy hannar, ond own i’n cymryd ‘bo fi yn yr hannar ‘na.

Wedi ‘ny, fe geson ni weld cwpwl o luniau o bobl oedd i fod yn eu pedwar degau ond a oedd yn edrych yn depycach i bobol oedd yn tynnu at y pedwar ugain – a hynny am fod smoco yn heneiddio’r croen - ond ifi’n napod lot o bobol yn eu pedwar degau sy’n edrych yn hen ac heb smoco eriod – efallai bod nhw’n byta gormod o ‘chickpeas’ a bo’r rhain yn dy heneiddio di hefyd.

Roedd llun arall wedyn yn dangos y babi ‘ma yn y groth â ffag yn ei law a’i wynab e fel hen ddyn - 'nath hwnna neud inni gyd wyrthin ac ysgafnhau’r awyrgylch. Aeth Nyrs Rakwonoff bach yn grac a gweid ei bod hi’n bwysig peidio â smoco pan fo’r fenyw yn fraishg ond doedd ‘na’r un ohonon ni yn y grŵp yn erfyn babi, felly chas hwnna fawr o effaith.

Ei piece de resistance oedd dod mas â’r ysyfaint du ‘ma mewn bag plastig a gofyn inni ei basio fe rownd o un i un. Gwrthryfelodd y grwp wrth weld y bag ‘na a gweid wrthi hi i roi’r ffacin bag ar y ford a bysan ni’n dishgwl arno fe wedyn. ‘Odd hi ddim yn hapus iawn biti hwnna ond am nad oedd neb yn folon citsho yn y bag plastig â’r ysgyfaint yndo, buws raid iddi hi ei ddoti fe ar y ford yn y diwadd. Fe driws hi weid taw model plastig oedd yr ysgyfaint ‘ma ond roedd y cyfarfod ar dir yr ysbyty a heb fod nepell o’r mortiwari 'chwaith ac doedd yr un o‘n ni’n ei chredu hi.

Y perl diwetha wetws hi oedd bod smoco yn dy ‘ela ti’n impotent ond wetas i wrth y bois wrth fy ochor i ‘bo fi’n smoco ers blynydda ac eriod wedi cal y broblem ‘na, a dyma ni’n cal sgwrs biti’r peth nes bo’ Nyrs Rakwonoff yn dychra stampo ei thraed ar y llawr a gweiddu – you may not have a problem now, but you will ‘ave in two or three years time! ‘Nath Sam wedyn – y boi ‘ma wrth fy ochor i – sefyll lan a gweid – but you said, half of us would be dead in a year or two; you can’t have it both ways – will we be dead or will we be impotent....?

Aeth y lle’n ffradach wedyn a phawb yn wyrthin a dychra siarad ymysg ei gilydd. ‘Nath Nyrs Rakwonoff benderfynu roi pen ar y ddarlith ar ôl hwnna, ond ma’ rhaid inni i gyd fynd nôl o fewn pythewnos er mwyn cael rhagor o’r stwff patshys ac ‘inhalators’ ‘na - ond gobeitho wir na fydd hi’n rhoi darlith arall inni.

Cadw trwyn yn nhin dy hunan

2008-04-05T01:37:00.021+01:00

Geso i alwad ffon gin mam heno – mae hi wastod yn fy ffono i pan fo rhywun dre wedi marw, er nag ifi’n napod ne’n cofio eu hannar nhw.

Dyma hi’n gwed wrtho hi bod Mrs Wong, Bronant wedi mynd at ei diwadd - rhyw ddamwain ar y pafin ne' rwpath. Own i ddim yn gwpod am bwy oedd hi’n siarad ar y dychra - a dath y gola ddim lan yn fy mhen ‘sbo mam yn mynd yn grac a gweiddu ei bod hi'n son am Mrs Daffadowndiliwongwong, fel yr ôn ni’n gryts yn ei galw hi - a'i bod hi wedi ei phego hi wrth basio heibo i dafarn y 'Red Cow' yn Nhreorci.

Roedd Mrs Wong yn arfadd cadw cennin Pedr plastig yn ffenest ei hystafall ffrynt o flwyddyn i flwyddyn, ond wn i’m shwt odd mam yn gwpod y glasenwau ‘roen ninna’n blant yn rhoi ar y cymdogion am eu harferion rhyfadd ‘chwaith.

Ta p’un i, fi gofiais i wedyn ifi fod yn yr ysgol gyda Gari - ei hŵyr - a dyma fi’n ei ffono fe er mwyn rhoi cydymdeimlad a phethach fel ‘na – ond y draffarth geso i wedyn; doedd hi’m gwerth y draffarth - wir yr!

Doedd Gari a fi byth yn tynnu mlan ond chredi di byth - dyma fe’n gwed wrtho i i gadw fy nhrwyn yn fy nhin fy hunan a chau ceg, a bod arian yr insiwrans yn bwysig i’r teulu ac roedd eu mam-gu yn werth lot fwy o arian yn farw na’n cerad ar hyd strydoedd y cwm.

Sôn am dreial cydymdeimlo a helpu rhywun – nai i byth ‘to!

Gwion o Landybie

2008-04-04T19:18:00.001+01:00

Dyma glip mas o'r rhaglen 'I'd Do Anything' gyda Gwion o Landybie yn canu 'Bright eyes'.

Cystadleuaeth yw'r rhaglen hon er mwyn dod o hyd i rywun i wara rhan Nancy yn Oliver.

'Sdim rhaid i'r plant sy'n moyn wara rhan Oliver gystadlu ar y teledu ond maen nhw'n mynd trwy 'auditions' y tu ol i'r llenni fel petai.

Mae Gwion ar y blaen ar hyn o bryd ac ifi'n dwlu ar ei lais e. Fe elli di glywed ei acen Gymreig yn amlwg wrth iddo fe ganu, ond plentyn amddifad yw Oliver a pha ots os yw e'n dod o Sir Gaerfyrddin.

Da iawn ti, Gwion a phob lwc!

Terfysgwyr yr ymbarels a'm sbectol

2008-03-30T20:35:00.019+01:00

Dyma fi’n cerad ar hyd Piccadilly echnos a’r nefoedd yn bwrw mwy o hen wragedd a ffyn ar dop fy mhen na’r ffish ‘na odd yr Iesu yn towlu ar ben yr anghenus. Uffach o noson stormus oedd hi - treisio bwrw oedd hi fel y bysa Arwel yn gweid wrtho i - ac un o Flaenau Ffestiniog yw e ac ma’ fa’n deall y pethach hyn. Mae ‘dag e fwy o eiriau am wahaniath fatha o law nag sydd gan yr esgimos i ddisgrifio eira.

Ifi’n lico cerdded a chanu o dan y glaw ac ‘sdim ots ‘da fi am gryfder y tywydd - boed hi’n ddrycin, storom neu friwlin - un sy’n lico’r glaw odw i. Wedi gweid hynny, mae gen i un broblem - ‘sda fi gynnig i bobl sy’n cario’r ymbaréls ‘na. Bysa hi’n iawn ‘tasa nhw’n amddiffyn eu hunain rhag rhyw storom o locustiad ond sôn am law odyn ni – pip-pip, whip-whip, frit-ffrit, bang-bang a thwmbo – dyw hi’m byd mawr!

Ta p’un i, dyma fi’n paso heibo i’r ‘Royal Academy’ ac un o sbôcs yr ymbaréls ‘ma yn citsho yn ochr fy sbectol a’u hela nhw ar daith o bum llathan i lawr yr hewl. Bysa fy llygad de wedi bod wrthi’n rowlo ar hyd y pafin ‘taswn i ddim yn gwisgo’r sbectol ‘na. Lwcus bod fy sbectol heb dorri ne’ fi fyswn i wedi wara mwy o’r hen ffycar gyda’r bastard dyn ‘na â’r ymbarél nag a ‘netho i - doedd dim ffycin ymbarél gyda fe am weddill ei daith; dyna i gyd weda i! Arfau peryg yw ymbaréls, mae sbôc mawr ar y top ac mae ’na o leia ugain o sbôcs bach eraill yn stico mas trw’r ochra. Dylsan nhw gal eu bano – ‘sdim dou amdeni.

Mor falch odw i ‘bo fi wedi ail-ffindo fy sbectol hefyd – ma’n ‘neud byd o wahaniath imi. Wela i ddim byd o bell hebthyn nhw a phan af i i gwrdda Rob mwn tafarn, wi’n sefyll yn rwla amlwg er mwyn iddo fe ddod i lan ato inna – does obaith ifi ei weld e. Fi allwn i wilo amdano fe, ond wi’n teimlo’n od yn cerad rownd y dafarn yn sbecan ar bawb er mwyn dod o hyd iddo fe – ma’ pobol yn gallu credu ‘bo ti’n rêl ‘creep’.

Fi wna i esgus wilo am rywun mewn tafarn weithiau; ‘sdim llefydd iti gal pisho yn Llundain – dim ond yn y tafarndai ac mae lot o’enyn nhw’n rhoi’r arwyddion ‘ma lan - toilets for customers use only. Pwrni, fi af i i miwn i’r dafarn ac esgus wilo am rywun ac wedyn, sleifo off at y tŷ bach a gweid yn ddicon uchal ar y ffordd ‘mas – where the bloody hell is he; I’ll have to come back later. Wi ddim yn ddigon digywilydd i jwst cerad miwn er mwyn cal pisho. Rwyt ti’n cael toiledau yn y ‘department stores’ hefyd wrth gwrs, ond fe ellid di fod yn un o’r rhain am hannar awr yn wilo am y tŷ bach. Erbyn iti gyrradd y tŷ bach, ti’n gorffod ishta ar y bog wedyn yn lle sefyll wrth y man pisho am dy fod ti mor ffycin blinedig.

Shwrna a finna heb sbectol, fi wnetho i addo cwrddyd lan â Marc – hen ffrind gwaith ifi – ar achlysur rhyw garioci elusennol yn ‘The Stag’ yn Victoria. Dyna le’r own i - wrth y bar - a ffilu gweld neb yn iawn pan sylwas i ar y boi ‘ma yn codi llaw arno i; y peth oedd – codi llaw ar y person wrth fy ochor i oedd y boi hyn, ond finna’n meddwl taw Marc oedd e ac felly dyma fi’n mynd draw ato fe ac ishta yn gwffwrddus ddigon rhyddo fe a’i ffrindiau. Roedd pob un o’nhw’n meddwl taw ffrind i un arall o’enyn nhw own i. Mae’n anodd gwpod be’ i ‘neud miwn sefyllfa fel ‘ny wedyn, on’d yw hi. Fi arhosais i yno gyda nhw a chael cwpwl o beints. Wi’n credu odd y boi ‘ma ‘nath godi llaw yn meddwl ei fod yn fy napod i – ond heb fod cweit yn siwr shwt ddiawl - a wetas i ddim byd, jwst esgus ei napod e. Etho i i barti tŷ gyda nhw wedyn - ond stori arall yw honno a ‘na i ddim dychra crwydro.

Geso i fwy o laff gyda nhw na byswn i wedi ei gal gyda Marc – hen ffycar boring yw e, a gwed y gwir. Wi’n dal i weld y boi codi llaw ‘ma o gwmpas y lle ar ambell i noswith mas hefyd; wi’m yn cofio ei enw fe ac er gofyn i amall i ffrind buws gyda fe ar y nosweithiau ‘na – ôn nhw ddim yn gwpod chwaith; lle rhyfadd yw Llundain fel ‘na; sneb yn napod neb yn iawn, ond wedi’r cwbwl, nid enw rhywun sy’n bwysig ond beth sydd gyda nhw yn y galon - a boi ffein ei wala yw e.

Colli cymydog a ffindo fy sbectol

2008-03-24T11:50:00.052Z

Geso i yffach o sioc wthnos ddwetha; dyma fi’n darllin y ‘South London Press’ a dod ar draws y pwtyn ‘ma sy’n sôn am fy nghymydog Mr Wilderbeast:

The Victoria Line was down for most of Wednesday afternoon due to either an unfortunate accident or a successful suicide attempt at Vauxhall underground station. The remains of Mr Edgar Frederik Wilderbeast of St George House, Battersea were later found half-way towards Stockwell whilst his head was eventually found at Brixton Station.

Druan o Edgar. Gobeitho nad oedd e wedi gwneud diwadd arno'i hunan, a taw damwain oedd y cwbwl. Ma’r platfforms yn mynd yn reit brysur yn y gorsafoedd ‘ma a bysa hi’n hawdd cwmpo off yr ochor - yn enwedig os wyt ti’n feddw a welas i eriod mo Mr Wilderbeast yn sobor.

Mae hunanladdiad yn weithred hunanol ond yw e. Mae pobol yn ei wneud e ar y rheilffordd danddaearol trwy’r amsar ac ma’n bygro lan y lein am oriau bwy gilydd. Os wyt ti ar frys i fynd i rywla, does obaith iti wedyn. Wi’n ffilu deall pam nad ŷn nhw’n towlu eu hunain i mewn i’r afon Tafwys – dyw hwnna ddim yn effeithio ar neb, ond mae’n depyg 'bod nhw’n moyn y sylw.

Bu’r peth yn pwyso ar fy meddwl i am sawl dwyrnod. Yn y diwadd, fi benderfynas i dwgyd bwnshad o ddaffidowndilis o’r ardd fotaneg yn Battersea Park a’u gatal nhw mewn can o ‘Strongbow’ y tu fas i ddrws ei fflat. Dyma Pablo yn gwed wrtho i wedyn y dylswn i roi cwpwl o bunnoedd trwy’r blwch llythyron fel rhodd arall i’r meirw; un o arferion yr Asteciaid yw hwnna - medda fe - ac fe edrychan nhw ar dy ôl di a rhoi eu bendith iti. Fi wetas i wrtho fe i gofio bod Mr Wilderbeast wedi cwmpo o flaen trên, ac felly, ‘odd e’n pallu edrych ar ôl ei hunan heb sôn am ofalu am neb arall. Tynnu 'nghoes i oedd Pablito, siwr iawn - cheso i mo 'ngeni ddoe -ond ifi’n reit ofergoelus ac felly wpas i gwpwl o geiniogau oedd ‘da fi’n sbâr trwy’r blwch – jwst rog ofan.

Fel rown i’n trefnu’r blota yn y can o seidir, dyma Herr Schneider yn dod mas o’i fflat a dechreuson ni siarad am Mr Wilderbeast. Dyma fe'n gweid - Iz good he no dies in iz fflat or ve ‘ave bloody bluebottles everyvhere! Mae’n amlwg nad oedd lot o gydymdeimlad gyda fe ond ifi yn deall ei bwynt e, er hynny. Mae pobol sy’n marw mewn fflatiau yn Llundain yn gallu bod yno am wthnosau cyn bod neb yn sylwi. Dim ond y gwynt a’r cilion sy’n rhoi rhyw gliw iti bod rwpath o’i le. Ma’n uffach o job i gael pwy bynnag corff i’r llawr gwaelod wedyn - yn y lifft sy ‘da ni, o leia! Wneiff arch ddim ffito i mewn yn iawn; bysa rhaid iddyn nhw ei rhoi hi ar ei phen. Bysa’n rhwyddach wpo’r arch i lawr y shwt sbwriel a’i chasglu ar y gwaelod a gwed y gwir. Wi’n cofio’n iawn y drafferth geson ni i gael y soffa lan i’r fflat; bu raid inni dorri’r ffycar ar ei hannar yn y diwadd a’i hoelio ‘ddi nôl at ei gilydd wedyn.

Achubais i ar y cyfle i ofyn iddo fe a odd e’n napod y cymdogion newydd – y rhai odd yn conan am y sŵn pwy noswith. Mae fe’n gweid bod ‘na ddou ddyn yn byw yn y fflat wrth 'ym ochor - Eugene sy’n dod o Fudapest a Jeremy sy’n dod o Ashby-de- la-Zouch a bod gentyn nhw’r pwdl ‘ma o’r enw Rosemary. Own i’n cymeryd yn ganiataol ‘bod nhw’n ‘gay’ pan wetws e hwnna a dyma fe’n ychwanegu – I zink 'zey should paint 'ze poodle pink like a gay man'z rottveiler - a wyrthin ar ben ei jôc ei hunan. Ma’ Herr Schneider i weld yn gwpod popith am bawb – roedd e hyd yn oed yn gwpod fy enw cyntaf i ac wn i’m shwt. Gofynas i a oedd e wedi bod yn y Gestapo ond gwetws e’n reit sarrug taw un o’r Swistir oedd e - I am from Svitzerland, you Velsh fool! idd'i ail-eirio fe'n gywir....

Digwyddws peth rhyfedd echdo – fe gwmpws fy nghot ledar off y bachyn a dyna le’r oedd fy sbectol i’n rolio mas o’r poced ac ar hyd y llawr. Own i’n meddwl bo’ fi wedi hen golli’r sbectol 'na – o leiaf chwe mis yn ôl - ac ifi'n siwr nag on nhw yn y got 'na. Falla’ oedd Pablo yn gwed y gwir ac mae Mr Wilderbeast yn gwneud yn siwr bo fi’n iawn ar ol derbyn y ceiniogau 'na, ond wi wir ddim isha rhyw ysbryd yn gofalu amdano i - ac yn enwedig, un sydd wedi colli ‘i ben - er yn dymuno pob heddwch i’w lwch!

Fi, Rob a Boy George

2008-03-16T19:30:00.016Z

Fi own i fod mynd mas gyda Rob brynhawn ddoe i watsho’r gêm rygbi – Cymru yn erbyn Ffrainc. Dydd Satwn oedd hwnna ond ffonas i fe ddydd Gwenar i fynd mas am beint ac odd e’n fffilu dod – gas gen i ffrindia sydd ddim yn folon rhoi popith o’r neilltu i fynd mas gyda fi.

Galswn i fod wedi cwrddyd lan â Pablo a Xosé a oedd yn mynd i weld rhyw ddawnswyr fflamenco acha llwyfan yn Earls Court; ‘netho i addo y byswn i’n mynd gyda nhw i weld y ‘crap’ ‘na sbel yn ôl ond dyma’r dydd yn cyrradd ac fi wetas i bod gen i ddolur rhydd er mwyn dod mas o ge.

Ta p’un i, boi dicon cyfeillgar odw i ac fi af i mas ar ‘mhen m’unan heb boeni dim – ‘na i wastod siarad â rhywun er taw yn Llundain wi’n byw a bod pawb yn meddwl taw un off dy ben wyt ti os siaradi di â rhywun wrth dy ochor. Wrth lwc, llwyddais i gael cwpwl o ‘e’’s off y boi drygi ‘ma a buas i wrthi’n dawnso tan oriau mân y bora yn ‘Revenge’ yn Vauxhall.

Dyna fi wedyn nôl yn y fflat a gwawr bora dy’ Satwn yn cyrradd a finna’n pallu cysgu am bo’ fi wedi cymeryd y ffycin ‘e’s ‘na. Er mwyn cysgu, fi benderfynas i gael wanc bach wrth wylio’r stwff ‘na sy ‘da nhw ar x-tube - nid bo fi angen hwnnw; mae gen i feddwl digon da er mwyn creu ffantasi a mae da’ fi eithaf ‘back catalogue’ o brofiadau rhywiol i feddwl drostyn nhw – rhai da a rhai dim cystlad – ond ffordd rhwydd o gal y plwm i’r pensil heb bo’ fi’n gorffod meddwl rhyw lawar yw’r fideos ‘ma.

Isha cysgu odw i ar ôl wanc – ma hwnna wastod yn digwdd - ac yn rhyfedd ddigon, yr un peth odw i ar ôl rhyw go iawn hefyd; wn i’m pam ond ma’ pob un dyn fel ‘ny - ond ŷn nhw. Wi’n reit dda ar ‘fore play’ cyn ei wpo fe i mewn a dod, ond wedyn ‘sda fi ddim ‘mynadd am yr ‘after play’ – yr holl gwtsho a’r ‘shit’ ‘na; cysgu ifi’n moyn ei wneud a dyna be’ na’ fi. Dyna pam wi’n meddwl bod rhyw yn well yn y gwely na sielffo yn yr awyr agored yn erbyn rhyw golfan ne’i gilydd – mae’n erbyn y gyfraith hefyd ac os cwmpid di i gysgu yng nghanol rhyw goedwig yn rhywla, fe elli di farw o ‘hypothermia’ a phwy sydd isha marw fel ‘na a’th goc yn hongad mas o dy gopish.

Etho i ddim i weld y rygbi gyda Rob ond fi gwrddas i lan ag e yn hwyr nos Satwrn ac ynta’n racs a finna a’m llecid yn troi a throelli - ond yn weddol sobor. Cwrddson ni yn Soho wi'n cretu, ond alla i ddim bod yn siwr. Welson ni’r canwr Boy George mewn un dafarn – dyna iti foi sy’n mynd o dwll i dwll ontefe. Buws e wrthi’n clau strydoedd yn Efrog Newydd fel cosb am ryw gamwedd neu’i gilydd ryw ‘chydig yn ôl ond wrth ddarllin yr ‘Evening Standard’ – ma’r cachu ar ei ben e ‘to. ‘Nath e wadd rhyw ‘rent boy’ neu fodel ne’ rywun off y rhyngrwyd i’dd ei dŷ fe ac wedyn, dyma fe’n cadwyno’r boi ‘ma wrth ryw wal yn ei selar er mwyn gal ei ffordd gyda fe. Yn ôl y papur, dyma’r boi ‘ma yn diengyd yn y diwadd a mynd yn syth at yr heddlu – rhyfadd yw bywyd ‘celebrities’ ontefe. Ta p’un i, dyma Boy George yn dod i mewn i’r dafarn ‘ma a phawb yn dechrau canu fel joc yn cyfeirio at y digwyddiad hwnnw – Do you really want to hurt me, do you really want to make me cry - un o’i ganeuon mas o ‘Culture Club’ ontefe. Roedd Rob yn canu’n fwy na neb – ma’ fa’n dod o Sgiwen a gweiddu siarad maen nhw yn y fanna ar y gora – wrth iddo weid ‘shwmae’ wrthot ti, mae ei lais e’n creu daeargryn

Wetas i ddim byd na chanu ne’ ddim ond mae’n depyg odd y Boy George ‘ma yn meddwl bo’ fi’n dod o Sgiwen a’m llais inna oedd wrthi yn fwy na neb - a dyma fe’n dishgwl yn myw fy llygaid a gweid wrtho i’n reit gas wrth droi ar ei sawdwl a cherad mas:

They’ve already cast the joker for Batman – Heath Ledger - and although he’s fucking dead now, the films in the can so do give it a fucking rest, gorgeous!

‘Sneb wedi galw ‘gorgeous’ arno i o’r blaen a llai byth rhyw ‘celebrity’. Rown i’n teimlo ar ben fy nigon, a doedd ots gen i bod Rob yn pisho ei hunan wyrthin wrth fy ochor. Mae Boy George yn lico lladd ar bawb - Madonna, Elton John, George Michael - ac erbyn hyn ifi wedi cal blas ei dafod hefyd, ond nid yn llythrennol cofia!

Diwrnod dim ysmygu

2008-03-12T15:39:00.004Z

‘Diwrnod dim ysmygu’ yw hi heddi – diwrnod a drefnir gan ryw elusen sy’n cal ei chefnogi gan y llywodraeth a mudiadau gwirfoddol i dynhau’r sgriws ar bobol i roi’r gorau i ‘symgu - neu i helpu’r rhai sydd am roi’r gorau iddi.

Wn i’m pam maen nhw’n cael dyddiau arbennig fel hyn; dŷn nhw ddim yn cael ‘diwrnod dim bwyta’ i helpu pobol sy’n rhy dew rhag saco’r bola’n dynn. Mae gordewdra yn achosi afiechydon ac angau hefyd. Wi’n pallu cael smoco yn y dafarn, mewn bwyty neu ar y bws ond mae’r bobol dew yn cymryd lan dwy sedd yn lle un a ‘sneb yn gwed dim byd wrthyn nhw – dyw bywyd ddim yn deg.

Rwyf wedi darllen bod pob ffag yn cynnwys dros 4000 o gemegion ac o leia 400 o bethach eraill gwenwynol ac mae’n rhaid taw dyna’r rheswm pam bo’ nhw mor ddrud – ac mi fyddan nhw’n ddrutach ar ôl y Gyllideb heddi.

Hefyd, mae ysmygu yn lleihau eich bywyd o ryw chwech i saith mlynedd, felly gorau po gyntaf y rhowch chi’r gorau iddi. Fodd bynnag, os ŷch chi’n dal i smoco a chitha’n tynnu at eich pedwar ugain, fe wnewch chi ond byw biti blwyddyn yn hirach os byddwch chi’n lwcus, felly does dim lot o bwynt rhoi’r gora iddi wedyn - ac mae’n siŵr gen i bo’ chi wedi niweidio’ch corff y tu hwnt i bob achubiaeth ac felly, man a man ichi gario mlan a joio’r mwgyn. Mae ‘na ddigon o betha eraill alliff eich lladd chi yn yr oedran ‘na - ma’ croesi’r hewl yr un mor beryg ag yw ambell i ffag.

Wi’n teimlo’n reit hunanfodlon am bo’ fi wedi achub y blaen arnyn nhw a thorri i lawr ar fy smoco ers tair wthnos. Dros y tair wythnos diwethaf, wi ond wedi smoco biti pedwar pecyn o ddeg ac un paced o ‘Cutters & Grants Rolling Tobacco’. Dyw hwnna ddim yn ffôl o gwbwl greda i – ac a bod yn onest, yn f’achos i, mae’n ffycin wyrthiol.

Bydda i’n byta lot o loshin yn lle smoco ac ifi wedi mynd trwy uffach lot o ‘Werther’s Originals’ a ‘Haribo Kiddies Super Mix’ – lot gormod o’enyn nhw a gwed y gwir. Efallai bydd fy ysgyfaint yn gwella o’r hen ‘tar’ ‘na, ond bydd fy nannedd i’n dychra cwmpo mas cyn bo hir.

Efallai ‘na i gael mwgyn ne’ ddou heddi – ‘diwrnod dim ysmygu’ myn yffach i - wi’m yn lico dilyn y dorf; a gwed y gwir, bastard bach lletwith odw i. Dyna be ‘na i – fi alla i roi’r gora iddi o’r newydd yfory.

Byd y theatr a'r cerflun byw

2008-03-07T17:12:00.022Z

Fi drefnas i gwrdda Gonnie yn ‘Covent Garden’ brynhawn dydd Sul ond bu raid ifi aros biti awr nes bo hi’n troi lan; wi wir ddim yn deall pobol sydd ddim yn troi lan ar amsar. Mae fy ffrind Rob wastod yn hwyr fel ‘na, ond ifi’n gwpod shwt un yw e ac os trefnwn ni gwrddyd am wyth, fi wna i gyrraedd biti naw ac yn wir iti, bydda i’n dal yno biti cwartar awr cyn iddo fe gyrraedd y ffycin lle.

Bu raid ifi aros wedyn ar fainc ynghanol yr holl dwristiaid, yn dishgwl ar y boi ma’n esgus bod yn gerflun byw. Roedd rhyw wisg ‘gladiator’ amdano a’r paent arian ‘ma dros ei gorff i gyd. Efalla odd e’n treial edrych fel Zeus ond alla i ddim bod yn siwr. Byswn i’n meddwl taw un o’r stiwpid ffycars ‘na mas o‘r ‘Royal Academy of Dramatic Art’ oedd e. Fe welid di lot o’enyn nhw yn Covent Garden yn wara’r clown.

Roedd ‘na griw o fechgyn yn treial ei gal e i symud wrth rytag o’i gwmpas e a thynnu gwynab. Own i’n gwpod na fysa hwnna’n gwitho ac felly, fi alwas i un o’nhw draw a gwed wrtho fe i gwnnu’r croen banana odd’ ar y llawr a thowlu hwnna ato fe. Wara teg i’r crwt bach, fe wnath e fwrw’r dwlbyn reit ar ei ben - ac wedyn fe welson ni’r cerflun byw yn dychra symud! Yn anffodus, cerflun byw twp iawn oedd e a dyma fe’n plygu lawr a chitsho yn y croen banana a’i dowlu fe nol atyn nhw. Mae plant bach yn gweld rwpath fel ‘na yn her, ac yn union fel own i’n ei ragweld, dyma nhw’n dychra shoto popith o fewn gafal ato fe. Bu raid iddo fe fynd o ‘na yn y diwadd a wilo am rwla arall i fod yn gerflun byw.

Aeth Gonnie a finna i gal pryd o fwyd yn ‘O Moinho’ – bwyty Portiwgalaidd – lle’r wyt ti’n cal twmpath o fwyd ar y plât. Maen nhw’n gatal i bobol fynd a’u diodydd nhw i mewn gyda nhw hefyd – bring your own bottle teip o beth ac felly fe brynson ni dri photelaid o ‘vin de table’ oedd ar gynnig yn Tesco Metro am £9.99 ac fe geson ni brynhawn i’r brenin.

Dyw Xosé ddim yn rhy hoff o’r Portiwgaliaid a dyma fe’n gwed wrtho i cyn mynd mas y dylsan ni wneud yn siwr na fydd rhyw flewyn yn troi lan yn y bwyd. Ma’ fa’n gwed wrtho i bod mwstash gin bron pob un fenyw ym Mortiwgal a mwy o flew o dan eu ceseiliau nag sydd gin fwnci ar ei ben - lwcus byddi di, meddai fe, os na chei di flewyn yn dy gawl. Down i’m yn cymeryd sylw o hwnna ond a gwed y gwir, odd e ddim yn bell o’i le gyda’r weinyddes yn y lle ‘ma; odd hi yr un mor flewog a’r un mwnci welas i erioed. Fel jôc, dyma fi’n gwed wrth Gonnie nad oedd y weinyddes yn ennill rhyw lawar ne’ bysa hi’n gallu ffwrdo ‘bic razor’ neu diwb o ‘Immac’ pan sylwais i’n sydyn reit nad oedd Gonnie yn brin o flew o dan ei thrwyn hi ‘chwaith. Mae’n gas gen i pan ifi’n rhoi fy nhroed yndi fel ‘na a gwneud cam gwag - does ond gobeithio ‘bo fi wedi cal ‘get away’ gyda hwnna. Ma’n anodd gwpod gyda menywod weithiau – maen nhw’n aros eu cyfle – revenge is best served cold ontefe.

Own i’n gwpod bod Gonnie isha bod yn actores – dyna’r unig beth odd hi’n siarad amdano pan oen ni’n gwitho ym Mcdonalds – ond dyma hi’n gwed wrtho i pan oedden ni wrthi’n byta taw hi oedd ag un o’r prif rannau yn y ddrama ‘Equus’ gan Peter Schaffer yn y ‘Gielgud Theatre’ yn ddiweddar. Digon teg - ond grynda ar hyn: mae hi’n gweid iddi orffod bod yn borcyn ar y llwyfan gyda Daniel Radcliffe aka Harry Potter oedd yn wara rhan ei chariad. Bobol bach, mae’n hen ddigon hen i fod yn fam iddo fe ac roedd ‘na uffach o ddrewdod ‘bullshit’ o gwmpas y lle pan wetws hi hwnna wrtho i. Winna’n gallu malu cachu - gormod weithiau - ond roedd hon wrthi’n malu mwy o gachu na’r un hipo drwg ei dymer ar lannau’r llyn Tanganyika yn Affrica.

Yn ôl Gonnie, mae hi’n mynd am ddau braw-wrandawiad cyn bo hir - un i gymryd drosodd rhan y fenyw sy’n wara Sally Bowles yn ‘Cabaret’ yn y ‘Lyric Theatre’ yn Shaftesbury Avenue a’r llall i wara rhan Beatrice yng nghynhyrchiad y ‘Royal Shakespeare Company’ o ‘Much Ado About Nothing’. Os caiff hi’r naill job ne’r llall, mae’n addo y bydd tocyn arbennig ar gael ifi gal ei gweld hi - ond wi’n credu y bydda i’n fwy tebygol o’i gweld hi yn y gyfres newydd o ‘Big Brother’ na dim byd arall.

WH Smith, STD, CWJ a Mcdonalds

2008-02-29T18:49:00.016Z

Fi alwas i heibio i orsaf Victoria pwy ddwyrnod; ifi’n mynd i WH Smith yn y fan yna i gal y papurau newyddion o bryd i’w gilydd. Yn y siop, ma’ na bwcad fawr a thwll yndi ar y ffordd mas, iti gal rhoi’r arian am y papurau os wt ti ar frys. Ifi’n cal El Pais a’r Western Mail ac fel arfer, fi wna i roi biti ugain ceiniog yn y bwcad ‘ma. Wi’n gwpod bod ‘El Pais’ yn costo biti £1.20 ym Mhrydain ond ma’n lot tshepach yn Sbaen ac er bod y ‘Western Mail’ yn costio 58 geiniog – hen recsyn yw e a byswn i’n ei ddarllin e yn y siop ‘tasa’r bwcad ‘ma ddim yn digwdd bod yno, ac felly wi’n timlo bo fi’n talu pris dicon rhesymol am y ddou o’enyn nhw. Os nag ifi’n talu digon, bai nhw yw e am gal pwcad fel ‘na yn y lle cyntaf.

‘Tasa’r papur arfaethedig Cymraeg Y Byd wedi cael ymddangos yn WH Smith yn Victoria, byswn i’n rhoi’r arian iawn am hwnna yn y bwcad - a hynny o ran parch i weledigaeth criw bach o bobol sydd â ffydd yn y Gymru sydd ohoni - ond mae rhyw ffycars a llai o lawar o foes, ffydd a gweledigaeth wedi cachu ernyn nhw. Er hynny, ifi yn credu y daw dydd ac fi wna i ac eraill gal rhoi ein ceiniogau prin yn y bwcad ‘na am ‘Y Byd’ – bydda i’n dal i roi ugain ceiniog am y ddou arall, ond bid a fo am hwnna.

Y diwrnod dan sylw fodd bynnag – dydd Merchar oedd hi – dyma fi’n cerad mas o’r siop ac o fewn munud neu ddwy, dyma rywun yn tapo f’ysgwydd a finna’n clwad y llais ‘ma’n gwed:

- Excuse me. I don’t think you put the correct money in the bucket for the papers, did you Sir?

Dyma fi’n ateb yn ôl yn syth ac yn gwed:

– Yes, I know, but I only had two pound on me and I’m not bothered about the change, so don’t worry about it – a threial mynd o’na mor gloiad a phosib.

Ond gyfeillion, pwy oedd ‘na pan ‘netho i droi rownd ond hen ffrind gwaith ifi yn wara ambiti. Ma’n gas gen i ffrindia sy’n tynnu coes - ond ar ôl dod ato i m’unan, own i mor falch o weld Gonnie. Ddylswn i ddim galw Gonnie arni a gwed y gwir. Ei henw iawn hi yw Samantha Teresa Dawkins ond pan oen ni’n gwitho gyda’n giddil yn Mcdonalds yn Leicester Square, oen nhw ond yn rhoi ‘initials’ ein henwau ni lawr ar y rota gwaith. CWJ own i am taw Ceri Wyn Jones odw i, ond STD oedd hi druan a dechreuws pawb ei galw hi’n ‘gonorrhea’ o’r herwydd; ond aeth hwnna’n Gonnie wedyn - sydd yn lot gwell.

Dim ond mis buon ni’n gwitho da’n gilydd ym Mcdonalds ac wi’n synnu iddi hi fy nghofio i a gwed y gwir. Fi geso i’r sac o’r lle am fod yn anghwrtais wrth y cwsmeriaid – downright fuckin’ rude - fel gwetws y rheolwr Mr Patengo cyn towlu fi mas.

Dyw gweithio yn Mcdonalds ddim mor rhwydd ag y mae pobol yn ei feddwl a nace fi yw’r unig un i gal y sac oddi yno – credi di fi. Geso i sawl rybudd ond un dwyrnod, daeth y wampan o fenyw fawr dew ‘ma at y cownter ac wrth dreial ei helpu hi, fi wetas i:

- Hi darling, you obviously don’t want a salad, so what can I get for you?

Treial bod yn gyfeillgar own i ac a gwed y gwir, yn y Cymoedd, bysa hwnna’n cael ei ystyried yn ‘flirting’ - ond nid yn Leicester Square. Fi geso i ‘nhowlu mas yn y fan a’r lle – ‘the last straw’ - ys gwetws Mr Patengo. Own i’m yn becso biti’r peth – nace teip fi o yrfa bysa gwitho yn Mcdonalds ta p’un i – ac roedd y pai yn shit a’r shiffts yn wath!

Ma Gonnie a finna wedi trefnu cwrddyd lan dros y penwthnos – o leiaf wedyn fi alla i flogo biti rwpath – wi’n teimlo bod fy mywyd i’n reit ‘boring’ ar hyn o bryd.

Bois yn clocso

2008-02-23T21:39:00.001Z

Pan own i’n grwtyn, bu imi gystadlu lawer tro yng nghystadleuthau dawns y glocsen yn eisteddfodau’r cylch ond ers ifi dyfu’n ddyn, ‘mond dawnso ar ol cwpwl o beints ifi’n folon ei wneud a ‘nelwn byth mo ‘ny â chlocs ar fy nhraed – credi di fi

Dawns unigol yw dawns y glocsen wrth gwrs - wel ‘blaw am y ffycin sguball ‘na maen nhw’n disghwl iti neido drosti. Wi ddim yn meddwl bod petha wedi newid rhyw lawer, hyd yn oed heddi yng Nghymru, ond ma’ rhaid i betha newid; mae rhaid gwthio’r ffiniau a datblygu fel y mae pob traddodiad byw yn ei wneud er mwyn cadw’n boblogaidd.

Dyna pam wi’n lico’r fideo ‘ma o’r bois hyn yn clocso – really cool!!

Losin y Diafol

2008-02-20T14:58:00.007Z

Wi’n mynd i ddychra rhoi’r gora i ysmygu heddi. Torri i lawr y bydda i yn y lle cyntaf. Mae gen i garton o ‘Ducados’ yn y ddrâr ac fi wnaf i gael un o’r rhain bob hyn a hyn. Tabaco du o Sbaen yw’r ffags hyn ac yn wir iti, maen nhw’n gryf y diawl; bydda i’n dychra siarad ‘fatha Marlon Brando yn ‘The Godfather’ ar ôl dou fwgyn a ‘mhen i’n powndo fel ‘taswn i wedi bod yn dawnso yn y clwb nos â photelaid o ‘poppers’ wedi stwffo i lan fy nhrwyn. Fe ddylan nhw fy helpu i i dorri lawr ond gewn ni weld.

Ma’n depyg y gelli di gal y patshys ‘na am ddim ar yr NHS ond ma'n anodd cael gafael ar feddyg i lawr fan hyn a sai’n mynd i bonsan rownd y lle yn treial cal gafael ar un. Wi wedi cal y llyfryn ‘ma o’r llyfrgell sydd i fod i’th helpu di i roi lan, ond dyw petha ddim yn edrych yn addawol iawn. Mae ‘na holiadur yndo fe sydd yn gofyn nifer o gwestiynau iti; un o’ nhw yw pam wyt ti’n moyn rhoi lan ond ifi ddim a gwed y gwir – y gost yw e; maen nhw’n mynd yn ddrutach bob dydd. ‘Taswn i’n byw yn Sbaen, byswn i’n cario mlan; maen nhw’n reit tshep yn ‘fan’na. Mae ‘na ddarn arall i lanw i mewn sy’n gofyn iti pryd wyt ti’n dueddol o smoco ac yn cynnig rhestr fer iti fel – wyt ti’n smoco ar ôl bwyd neu a wyt ti'n smoco wrth ddarllen papur newydd bla bla bla - ac wedyn mae’n nhw’n gweid wrthot ti i dreial newid dy arferion. Wel, sai’n mynd i stopo byta – bysa hwnna’n stiwpid ac a bod yn onest, wi’n smoco ym mhob un sefyllfa maen nhw’n sôn amdeni a lot rhagor hefyd, felly heblaw am fynd i’r carchar ne'’r ysbyty am fis, bydda i’n ei chael hi’n anodd iawn.

Mae ‘na rifau ffôn ar gael i siarad â rhywun ‘tasa’r temptasiwn yn mynd yn drech na thi; rhywpath tepyg i’r Samariaid ‘sbo. Y drafferth yw bod ffono a smoco yn mynd law yn llaw gen i hefyd a wir Dduw iti, wi ddim isha siarad â rhyw dwat hunangyfiawn ffuantus yn gweid wrtho i shwt i fyw fy mywyd newydd di-fwg – fi alla i fynd i’r capal os wi’n moyn siarad â rhywun fel ‘na.

Wi wedi cyfrif lan y pwyntiau am fy atebion ar yr holiadur ac ifi yn y cwmpas 0-5 a’r cyngor wyt ti’n ei gal yn y cwmpas hwnnw yw nad wyt ti’n barod i roi lan eto. Doedd hwnna ffyc all o iws – beth yw’r pwynt rhoi sbrag yn yr olwyn cyn dechrau. Wi wedi towlu’r llyfryn bant nawr; fi wna i dreial ei wneud e ar fy mhen fy hunan.

Y peth sy’n fy mhoeni i fwyaf yw bod pobol yn gallu mynd yn anniddig a diflas wrth bennu smoco ac wi’n gallu bod yn eitha anniddig ar y gora; wi ddim isha mynd yn wath. Buas i’n gweid y drefn wrth y fenyw ‘ma yn y lifft bora ddoe; wi’n dueddol o gael ‘rant’ ar bawb yn y lifft sy yn ei iwso fe i fynd i unrhyw lawr sy’n is na’r chweched lle’r ifi’n byw. Roedd hon ond yn mynd at y llawr cyntaf ac ma’ hwnna ond yn golygu rhyw ddeg stepan ‘tasa hi’n cerdded i lan y grisiau. ‘Sdim syndod bod pobol yn ffycin dew y dyddia hyn a dyna be' wetas i wrthi. Os oes pobl yn iwso’r lifft ‘na ac yn stopid ar bob un llawr cyn y chweched, fi alla i fod yno am ffycin ugain munud. Bydd rhaid ifi ysgrifennu at y cyngor biti hwnna – mae’n warth o beth!

Wi’n credu y bydd hi’n well ifi gerdded lan y staera o hyn mlan ac osgoi’r lifft ne’ bydda i’n cal clatshan gin rywun os af i ar gefan fy ngheffyl gwyn wrth dorri lawr ar y ffags - a'r lifft yw'r lle mwya tebygol ifi ddychra brygowthan.

Gwaith, gyrfa, bysys Llundain a'r Bwyles

2008-02-18T15:48:00.012Z

Mae gen i wythnos off gwaith nawr. Gweithio i ‘London Transport’ odw i ar gytundebau byr trwy’r amser. Bob tro ma’r ysgolion ar eu gwyliau, ‘sdim gwaith gen i ‘chwaith. Yn wahanol i athrawon, simo fi’n cal fy nhalu yn ystod y gwylia ‘ma ond ma’n well gen i dorri’r brethyn ar gyfer y cyfnodau hynny na gweithio pob dydd o'r flwyddyn. Mae’n rhoi rhyddid ifi, ac os ifi’n moyn mynd off i rywla am fis ne’ flwyddyn a gwneud petha eraill - ifi’n gwpod y galla i wastod ddychwelyd at y ffald.

Dyw e fawr o job ond ifi’n fawr o weithiwr chwaith. Mae’n rhaid eu bod nhw’n fy lico i; maen nhw’n diswyddo pobol newydd bob yn eilddydd, ond ifi a rhyw ddeg arall yn dal yno, a hwnna ers sawl blwyddyn erbyn hyn. Fi ddetho i mas o groth mam â’r bwriad o joio m’unan; fi wnetho i’n o lew yn yr ysgol a mynd i brifysgol Aberystwyth a dod mas â gradd yn fy mhoc er mawr syndod ifi a phawb - ond o ran gyrfa; doedd hwnna erioed ar y gorwel. Gweithio fan hyn, fan draw odw i er mwyn byw, nid byw er mwyn gweithio; bydda i’n ffyced pan ddaw dydd y pensiwn ond wi’m yn dishgwl byw mor hirad a hynna.

Wi wedi cal jobs teidi mewn swyddfeydd ac yn y blaen ond mae meddwl am fynd i mewn i’r un offis pob dydd a gweld yr un un bobl, malu awyr am yr un un petha a phydru yn y fan a’r lle yn codi cyfog arno i. Fydda i byth yn gyfoethog ond o leiaf wi’n hapus ac ma’ hwnna yn bwysicach na dim ifi – ma’ bywyd yn rhy fyr i fratu amsar.

Ma’r gwaith ifi’n ei wneud nawr yn golygu mynd acha bysys Llundain – i lan ac i lawr ar daith y bws a rhoi holiaduron mas. Gwitho mewn tîm o ddou ŷn ni, un yn rhoi holiadur mas a’r llall yn ei gasglu i mewn – un ar y drws ffrynt a’r llall ar y drws cefan; yn depyg i George Michael a'r boi arall 'na yn y grwp 'Wham' 'slawar dydd. Gweithio gyda rhywun gwahanol pob dydd odw i a dyna be’ wi’n lico biti’r jobyn. Weithiau, rwyt ti’n cal rêl coc oen ond wedyn fe elli di gal gweithio gyda rhywun difyr y diawl. Wi wedi gweithio gyda phobl o bob rhan o’r byd - a dau Sais wi’n credu. Wi’n lico cwrdda phobol wahanol, o lefydd gwahanol, o wledydd gwahanol a chei di fyth mo hwnna mewn offis. A gwed y gwir, ma’r job hyn yn fy siwtio i i’r dim.

Ddydd Merchar diwethaf, own i’n gweithio gyda Bogna Wojciech o wlad Pwyl. Menyw ffein y diawl yw hi ac fe ddetho i i werthfawrogi ei diwylliant hi a hitha i werthfawrogi diwylliant Cymru. Gwetws hi wrtho i ei bod hi a’i sponar yn mynd ar eu gwyliau i Fetws y Coed yn yr haf ac felly fi ddysgas i iddi hi weid – dos i ffwcio dy nain. Er bo’ fi’n dod o’r De, ifi’n gwpod shwt fath o regi sy ‘da nhw yn y Gogledd ‘na; buas i’n byw yng nghyffiniau Caernarfon am sawl blwyddyn ac er na fyswn i ddim yn siarad fel ‘na – rhydd i bawb ei lafar - wi ddim yn gogoffobig o gwbwl.

Dysgws Bogna imi ddweud odpierdol się, świnio sy’n golygu ffyc off y mochyn. Wnath hi ddysgu imi cześć hefyd sy’n golygu 'shwmae' a hynny os wyt ti’n cyfarch ffrind iti. Wi’m yn napod bron neb o Wlad Pwyl, felly fydd cześć yn ffyc all o iws ifi ond mae’n gas gen i’r Pwyliaid sy’n treial wpo o flaen y gwt i fynd i mewn i’r clwb ar Nos Satwn, felly fe ddaw odpierdol się, świnio yn handi iawn, greda i.

y Brydferth a'r Bwystfil

2008-02-08T17:04:00.000Z

Bu’r cymdogion yn conan am y sŵn pwy noswaith; fe wpon nhw lythyr drwy’r blwch yn y bora yn gofyn a fysan ni’n gallu cadw’r miwsig i lawr am bo’ nhw’n pallu cysgu. Ethon nhw mlan i weid bod clywed Tina Turner (bai fi) a Monica Naranjo (bai Pablo) drosodd a throsodd yn ormod iddyn nhw. Fe enwon nhw Tina Turner ond bu iddyn nhw gyfeirio at Monica fel rhyw ‘Spanish rubbish’. Roedd Xosé am fynd drws nesa a rhoi pryd o dafod iddyn nhw ond mae’n well gen i gadw’r ddysgl yn wastad, felly fe elson ni Pablo draw i weid wrthyn nhw na nelan ni ‘mo fe eto. Mae Pablo yn depyg i gorrach ac yn dishgwl biti deg mlwydd oed ac fi wetas i wrtho fe i esgus bod yn fyddar hefyd er mwyn codi cywilydd arnyn nhw.

Wi erioed wedi cwrdd â’r cymdogion hyn; wi’n napod Mr Wilderbeast, Herr Schneider a’r teulu o Fietnam neu Tsheina ne’ rywla ffor ‘na yn ein coridor ni ond ifi erioed wedi cael pip ar y bobl union drws nesaf. Roedd Pablo yn meddwl taw Saeson ôn nhw ar ôl galw draw, ond sdim lot o Saeson ar ôl yn Llundain a bysa hi’n rhyfedd tasa’r ychydig rai yn digwdd byw drws nesa inni. Ma’n depyg taw Awstraliaid ne Wyddelod ŷn nhw ond does wbod i sicrwydd o le maen nhw’n dod os yn ni’n gorffod dibynnu ar Pablo; roedd e’n meddwl ar y dechra bo fi’n dod o’r Eidal am fy mod i’n canu siarad - medda fe – felly pwy a ŵyr.

Y rheswm am y sŵn ‘sbo oriau mân y bora oedd bod Marisa wedi mynd o’r diwadd ac fe geson ni barti bach i ddathlu. Un o Galisia yw hi ac mae hi’n rhyw fath o napod Xosé trwy ei gysylltiadau fe a’r blaid genedlaethol yno. Pythewnos buws hi yma y tro hyn sydd yn eitha gwelliant ar y tri mis buws hi yma y tro diwethaf ar ôl gweid ei bod hi’n dod am wthnos. Dyna pam wi heb flogio ers sbelen; fi wnetho i adael iddi hi iwso’r gliniadur er mwyn rhoi taw ar ei siarad. Doedd fawr o awydd blogio arno i pan oedd hi yma; a gwed y gwir, doedd fawr o ewyllys gen i i fyw chwaith ar ôl gryndo ar ei chlebar di-baid - ond fi’n teimlo’n well nawr. Mae’n depyg i rywun yn dod mas o 'coma' am a’r wn i

Heno, ma’ petha nôl i normal ac rŷn ni’n mynd mas i dŷ Enrique er mwyn dathlu ei ben-blwydd. Fe ddylai fod yn noson dda ond gewn ni weld. Wi’n lico Enrique ond ma’n foi rhyfedd; mae’n gwerthu persawr drud ar y stondin ‘ma ym maes awyr Heathrow ond dyw e byth yn dod â dim byd am ddim inni, felly ‘sdim pwynt iti ddechra haglo prisiau gyda fe os ti’n paso heibio ar dy wyliau i rywla – chei di ddim byd. Dyw e erioed wedi prynu peint nôl i’r un o’n ni chwaith, wrth feddwl.

Mae ginto fe’r cymhlethdod ‘ma wedyn ei fod e’n salw ac ma’n gofyn dy farn di byth a hefyd – ody hyn yn fy siwto i, ody fy ngwallt i’n edrych yn iawn, ody fy nghlustiau i’n rhy fawr - a chwestiynau tebyg trw’r amser. Dyw e ddim y peth perta yn y byd ond wetswn i ddim ei fod e’n salw salw. Dyw Pablo fawr o help yn gweid calon y gwir wrtho fe ond un di-flewyn ar dafod a gonest ei farn fuws e erioed. Wi’n well na Pablo ac ifi wedi gweid wrth Enrique sawl gwaith i feddwl am yr holl bobl salw ‘nath briodi rhywun pert ofnadw fel Marilyn Monroe a’r dramodydd Arthur Miller neu’r Tywysog Siarl a Diana. Ar ddiwedd y dydd, nid fel ti’n edrych sy’n bwysig ac wrth ddod i napod rhywun mae’r cariad yn egino os oes 'na gysylltiad yno, ots pwy mor salw wyt ti – nid bod hwnna’n ffyc all o gysur os wyt ti jwst isha shelffad ar ddiwedd noson mas, ac ifi’n credu taw dyna yw problem Enrique.

Y fynwent, Pink Floyd a'r Wizard of Oz

2008-01-21T20:16:00.000Z

Aeth Sandra a finna mas am bryd o fwyd brynhawn ddoe yn Earls Court. Gwitho yn La Cage mae Sandra ac mae Román yn dod nol i weithio ddydd llun, felly mae fy nghyfnod i yno ar ben. Mae dydd Sul yn ddiwrnod eithaf ‘shit’ ac felly fe benderfynson ni gal pryd a diodyn bach gyda’n gilydd i ddymuno au revoir a chodi calon ein gilydd damid bach.

Gwneud gradd yn Seicoleg yn Kings College mae Sandra ac yn puteinio ei hunan dair gwaith yr wthnos yn La Cage er mwyn cal dau ben llinyn ynghyd. Mae’n gweid wrtho i bod y profiad yn ei helpu hi i ddeall seicoleg pobol wahanol hefyd - sy’n bwynt digon teg.

Mae rhywrai yn lico dodi pobol mewn bocsys a bysan nhw heb amheuaeth yn lico iddi hi ffito i mewn i focs y butain ond rhan fach iawn iawn o’i bywyd hi yw’r puteinio ‘ma a rwpath dros dro yw hi, er cystlad ma’n talu. Mae’n gas gen i bobol y bocso ‘ma - rwyt ditha’n strab a hitha’n swil, ‘gay’ yw un a ‘straight’ yw’r llall, parchus yw Siân ac amharchus yw Siôn; ond dyna yw natur dyn er mor gyfeiliornus y bo’r bocso ar gyfer pob un o’enyn nhw.

‘Mond wthnos rŷn ni’n napod ein gilydd ond gyda rhai pobol – dyw amser ddim yn bwysig. Oen ni’n tynnu mlan o’r funud gwrddson ni a chyda’r teimlad o napod ein giddyl erioed. Gyda phobol eraill, chei di byth mo'r teimlad hwnnw er eu napod nhw ers blynydda. Mae’n bosib na welan ni fawr ddim o’n gilydd byth eto; y fath na o le yw Llundain – cyfeillgarwch dros dro nes bod rhywun yn codi pac a diflannu am byth ond bydda i’n ei chofio hi am amser hir.

Ar ôl bwyd ac ambell i ddiodyn, fe ethon ni nôl i fflat Sandra ac wedi inni fynd i mewn i’r fflat, dyma hi’n fy nghyflwyno i i record Pink Floyd - The Dark Side Of The Moon – a syncroneiddio’r sŵn i’r ffilm The Wizard of Oz. Ma’n depyg bod hyn yn enwog a phawb yn gwpod amdano, ond own i erioed wedi clwad am shwt beth. Efallai bod y 'ganja' yn help i’r peth swno a theimlo fel perthynas nefolaidd ac fe gei di glwad a theimlo drostot ti dy hunan os cei di o hyd iddi ar YouTube - fi geso i drafferth i wneud y ddolen; simo i mor glyfar ag ifi'n meddwl 'bo fi ond mae erthygl yn Wikipedia amdano yma.

Buodd y 'ganja', y miwsig a’r ffilm yn creu byd arall ac fel mae bywyd ei hunan yn troi a throelli, fe ddechreuson ni garu – wn i’m pam digwyddws hwnna ond dyna a fu ac roedd hi’n brofiad – ei chorff hi fel felfad a’r parch tuag at ein gilydd yn creu’r orgasm o’r mwyaf. ‘Moments’ sy’n gwneud bywyd ac wi’n ddiolchgar am y foment honno gyda hi, y dyn tun, y llew llwfwr, y bwgan brain a Dorothy - ffycin brilliant!

Gadewais i biti naw o‘r gloch y noswaith honno ac wrth gerdded ar hyd y stryd, sylwais i bod y fynwent ar agor ac mae cerad trw’r fynwent yn tynnu o leiaf tri chwarter awr off fy siwrna sha thre. Cwartar awr mae’n cymryd i gyrraedd y pen arall sy’n arwain at Fulham Road ond mae’r ‘gays’ yn lico criwso yn y fynwent ‘ma ac yn y tywyllwch, fe gei di gip ar ambell i gysgod a dyn yn paso heibio neu’n ymddangos o nunlle. ‘Sdim ots gen i be’ wnaiff neb am gal bach o ryw ond wir Dduw iti, own i bron â lladd un boi nath neidio o’r tu ôl i un garreg fedd a gwneud ifi gachu llond fy nhrwser.

Pan gyrhaeddais i’r ochor arall roedd y ffycin clwydi ar gau ac maen nhw’n uchel iawn. Diolch i Dduw, own i wedi bod ar y ganja ne fyswn i byth wedi mentro dringad drostyn nhw. Trwy lwc, fe nath y boi’ ma oedd yn paso heibio ar yr ochr arall fy helpu fi i lawr; fi wnetho i roi un droed ar ei ysgwydd a llwyddo cael fy ngheilliau dros y ‘spike’ ar dop y glwyd – wara teg iddo fe. Gofnws e imi wedyn a own i wedi bod yn criwso gyda’r ‘gays’ – mae’r lle yn fwy enwog am hwnna nag own i’n ei feddwl. Pobol yw pobol ifi ac a gwed y gwir, fi wna i wara fel ma'r awydd yn dod ond gwetas i'r gwir go iawn - taw dim ond cymryd ‘short cut’ own i a newydd fod yn caru i The Wizard of Oz a ‘Pink Floyd’ gyda'r wejan 'ma - fy ffrind - wrth gymryd ambell i wthad o ganga i greu awyrgylch. Yn rhyfedd ddigon, roedd e’n gyfarwdd â’r ‘scenario’ hwnnw.

Wi bach yn rhy ddiniwed, greda i - pawb arall yn gwpod am y petha 'ma ond yfi - ond mae’n rhyfedd fel bo ti’n gallu cwrdda’r bobol neisa yn y byd yn y sefyllfaoedd mwyaf od – mae’n codi dy ffydd di mewn pobol a dyw Llundain ddim y lle gora am hwnna..

La Cage - helpu mas yn y puteindy

2008-01-17T18:23:00.000Z

Wi wedi bod yn helpu mas yn y puteindy – La Cage – yn Kings Cross. Own i ddim isha ‘chwaith ond ffafr i Pablo yw hi. Gweithio y tu ôl i’r bar odw i mewn crys gwyn a dici-bô os gweli di’n dda. Ma' ffrind Pablo - Román - yn dost ac odd angen rhywun ar frys ac fe wnath e gynnig fy enw i. ‘Sdim ots, un dienaid buas i erioed - arian yn y poced yw e ar ddiwedd y dydd ac ifi’n cael £70 y noson, felly boi digon hapus odw i.

Ma’ ddi dros ugain punt am siortyn bach o wisgi neu gan o 'Heineken' yn y bar ‘ma ond mae’n costio’n fwy na hwnna am gan o ‘7 Up’ neu ‘Sprite’. Wiw iddyn nhw wrthod cael diodyn ‘chwaith; ma’r bownser yn gyfuniad o Rambo a Schwarzenegger mewn un corff ac ma’n dueddol o sefyll reit y tu ôl iddyn nhw wrth ordro rwpath.

Enw’r fadam yw Mademoiselle Fifi ond nid dyna ei henw iawn hi - mae hi’n dod o Croydon ac mae hi’n lot rhy hen i fod yn ‘mademoiselle’. ‘Sneb yn gwpod beth yw ei henw iawn hi ac mae’n gwrthod gweid. Wi’n teimlo bach yn stiwpid yn galw Fifi arni ond am £70 y noson, wi ddim yn mynd i gonan.

Wi ddim yn gwpod os yw’r peth hyn yn gyfreithlon - ‘massage parlour’ yw’r enw swyddogol ar y lle ond er hynny, mae pawb i weld yn gwpod shwt fath o le yw e ac ma’ rhyw iaith gyfrin gyda nhw hefyd. ‘Massage’ yw wanc ac fe gei di wthad am ugain punt extra; ‘sauna’ yw shelffad go iawn – ‘hot & steamy’ ontefe; ‘sdim lot o ddychymyg gyda nhw. Dim ond un ferch sy’n fodlon gwneud y ‘cawod’ a dim ond bore dydd Mercher a bore dydd Gwener mae hi’n gweithio; weta i ddim rhagor biti hwnna ond mae hi’n boblogaidd iawn. Dyw e ddim at ddant pawb ond wedi’r cwbwl, nid pawb sy’n lico pob un siocled yn y bocs o ‘Cadbury’s Milk Tray’ os caf i newid ychydig bach ar feddyliau Forrest Gump.

Bydd fy shifft heddi’n dechrau am hanner nos tan saith o’r gloch y bora, felly fi gaf i beint neu ddou cyn dychra. Dyw Mademoiselle Fifi ddim yn gadael ifi yfed wrth 'bo fi'n gweithio; wn i’m pam – ma’ ddi ond yn cal y ‘four-packs’ ‘ma mas o Asda ac maen nhw’n reit tshep ac a gwed y gwir, mae pob un person arall yno off eu pennau. Wi yn cael peint am ddim wrth bennu, cofia ac ma’ gen i ddewis – peint neu wthad ond at y peint ifi’n mynd wastod. Bysa'r ddou biti’r un pris 'tasa rhaid ifi dalu ond ma’r peint yn para’n hirach am taw un slow iawn yn ifad odw i.

Y cerydd

2008-01-14T06:09:00.000Z

Mae’r gwyliau a’r meddwi drosodd nawr – ddoe oedd dechrau’r flwyddyn newydd. Wi’n dilyn arferiad Cwm Gwaun â’r Hen Galan – nid bo ‘fi’n dod o Sir Benfro ond unrhyw hen esgus i mysdyn y parti.

Newydd ddod nôl mae Pablo o’i wyliau yng Ngalisia; ma’n cal uffach lot o wyliau yn ei waith a ‘sdim rhaid iddo fe dalu trethi yn y wlad ‘ma ‘chwaith. Weta i ddim lle ma’ fe’n gweithio ond ‘tasat ti’n mynd i Kings Cross a gofyn am buteindy ‘La Cage’, fyddi di fawr o dro yn ei ffindo fe. Fi allwn i roi cyfeiriad y wefan mas ond mae rhaid iti fy napod i gyntaf. Fe sydd wrth y drws yn gofalu am gotiau pobl ac yn rhoi condoms mas.

Ethon ni mas am beint ‘da’n gilydd neithiwr; mae Pablo wastod mewn hwylia da ar y dechra ond ‘down hill’ yw hi wedyn. Man a man ifi a Xosé wneud y gora mas o’r ‘sefyllla tra bo fe’n annwyl; o fewn deuddydd, bydd e ond yn dechrau hwfran dros bod man a chlau’r ‘ash trays’ cyn bod ni’n cal cyfla i droi rownd.

Welas i ddim lot o’ano fe yn y dafarn a gwed y gwir. Ma’ fe wedi rhoi’r gorau i smygu nawr ac ifi heb, felly tu fas i’r dafarn buais i yn cal mwgyn o dan y canopi – bydd rhaid ifi roi’r gora iddi ‘ed ond wi’n siŵr y bysa hi’n rhwyddach ifi fynd i Mount Doom a threial cael y ffycin fodrwy ‘na off yr hobbit Frodo ‘na.

Wi’n siŵr bo fi wedi dala annwd yn gorffod smoco tu fas. Dyw bywyd ddim yn deg. Fi geso i gerydd gin Hedd echnos hefyd. Ma’ rhywun wedi bod yn iwso fy enw a’m cyfrinair a gadael ‘one liners’ a sylwadau plentynnaidd ar y peth maes-e ‘na. Roedd ambell i sylwad yn swno’n depyg i rwpath wetswn i, felly wn i’m – efalla taw fi sydd ar fai, ond wi’m cofio dim!!

Fi geso i shaw o bobl off y ‘maes-e’ ‘na yn ymweld â’m blog i wedyn a phob un wan jac o’nhw yn dod i mewn ar y blogiad ‘netho i biti Hedd a fi – yr un â’m blydi llun i arno fe, felly wi’n cymryd taw ‘top nobs’ y maes ŷn nhw a bo ‘da nhw ryw seiat gyfrinachol â’r ddolen ‘na at fy llun. ‘Sdim ots – nace fi oedd e; diniwed ifi, wir yr!!

Pavarotti - Nessun Dorma

2008-01-13T22:02:00.001Z

Own i’n meddwl taw amser am bach o ddiwylliant ar fy mlog i oedd hi. Nace boi diwylliedig ydw i o bell ffordd ac off ŷf i nawr am gwpwl o beints er taw’r Saboth yw hi - ond ifi’n dwlu ar y boi ‘ma’n canu.

Pavorotti yw ei enw fe ac mae ei dylwth e’n dal i werthu ‘ice cream’ mewn ambell i siop yn y cymoedd. Ma’r hufen iâ yn ‘shit’ ond ma’ gin y boi ‘ma lais angel. Newydd fynd at ei greadwr ma’ fe ac ma’r nefoedd ar eu hennill a ninna lawr fan hyn ar ein colled yn ddirfawr. Heddwch i’w enaid.

Llais llen - Ffawd, Cywilydd a Chelwyddau

2008-01-10T16:50:00.000Z

Wi wrthi’n darllen y llyfr ‘ma geso i’n anrheg gin fy ffrind Gwyn. Odd gen i stori dda am Gwyn a’r afr wen ‘ma yn Nolwyddelan ond ma’ fe wedi talu am fy nhawelwch nawr. Wna i ddim sôn am y mwnci yn sŵ Caer ‘chwaith a diolch o galon iddo fe am y llyfr, gyda llaw.

Enw’r llyfr yw Ffawd, Cywilydd a Chelwyddau gan yr awdur Llwyd Owen. Wi ond ar ei ddechrau, ond yn barod, ma’ fe wedi sgrifennu biti’r boi ‘ma Luc yn rhoi ei gachu yn gymysg â mwstard er mwyn gwneud brechdan idd’ i fos a chael wanc dros lun o Beti George off y rhaglen radio 'na 'Beti a’i Phobl', felly mae petha’n argoeli’n dda.

Roedd Gwyn yn gwed wrtho i fod Llwyd wedi ennill £10,000 o bunnau am ei ail lyfr – Ffydd gobaith cariad - yng nghystadleuath Llyfr y Flwyddyn. ‘Sneb wedi rhoi'r llyfr 'na ifi eto (!?) ond os yw e’n debyg i’r llyfr cyntaf, mae’n haeddu pob ceiniog. Colli mas nath e ar ddewis gwrandawyr Radio Cymru a nhwytha’n dewis rhyw gofiant i Saunders Lewis – wel ‘sdim ffycin syndod fan yna, oes e? Dyna’r boi enillws wobor y gwrandawyr wedyn yn gweiddu - Viva democratiaeth - wn i’m os yw hwnna’n dangos wir ddemocratiaeth ond heb os, mae’n gwed rhywbeth am afael rhyw fath o Gymry dosbarth canol ffroenuchel ar ein diwylliant.

Yn ôl y sôn, fe gas e drafferth i gyhoeddi’r llyfr cyntaf ar y dechrau; wedi’r cwbwl, does bosib y bysa fe at ddant y bobl neis neis ddiwylliedig eisteddfodol ‘na. Dŷn nhw ddim mor ffycin dda yn barnu odyn nhw, ne’ fe gelan ni rwpath gwerth chweil ar S4C a rhagor o bethau mae’r Cymro cyffredin eisiau ei ddarllen. Da gweld bod y sefyllfa’n cael ei herio a wara teg i’r Lolfa am ei gyhoeddi.

Ma’ rhaid ifi fod mor ofalus os barna i rywpath yn y byd Cymraeg – byw yn llundan odw i a phwy ffwc hawl sy gen i; dera nôl a chyfrannu - y coc oen - gaf i. Ma’ na hen wetiad Cymraeg sy’n mynd - rhydd i bawb ei farn – sy wedi cal ei ddamshal dan draed gin lawar i un; rhydd i bawb ei farn os wyt ti’n un ohonon ni - dylsan nhw weid; mae’r Cymro cyffredin wastod ar y tu fas.

Ma’ blynydda lawar odd’ ar ifi ddarllen dim byd yn y Gymraeg heblaw am stwff ar y we a hwnna ond ers blwyddyn. Pan own i’n wneud lefel A, roedd rhaid inni ddarllen stwff y boi ‘ma oedd yn sôn am y wlad – Storiau’r tir oedd y llyfr os wi’n cofio’n iawn a thair cyfrol yn perthyn iddo - y tir glas, y tir coch ac wedyn y tir du; own i’n meddwl y bysan ni’n cal darllen rhywbeth biti seicedelia yn y 60au ond credi di fi, does â nelo’r llyfr ddim oll â hwnna.

Llyfr arall y bu raid inni astudio wedyn – traed mewn cyffion - gobeithiwn y celsan ni glwad am bach o sadomasocistiaeth yng Ngogledd Cymru ond twyll mewn ffordd oedd y teitl. Wi bron wedi bennu llyfr Llwyd Owen ond own i biti blwyddyn a hanner yn treial gweithio fy ffordd trwy’r ddou arall ac wedyn dôn i ddim yn deall y cwestiynau yn yr arholiad.

Benjamin: Dere nol gloi!

2008-01-08T17:00:00.001Z

Newydd fynd mae fy chwaer ag Angie. Mae hi ond yn hanner awr wedi pedwar ac mae pelydrau golau dydd yn dal i belydru i lawr arnon ni. ‘Alla i ddim deall sut mae Angie yn dal i fod yn gig a gwaed yn hytrach na llwch â’r chwilod duon mawr yn cropian ar hyd ei gweddillion – ond dyna ni; dyfal donc a dyrr y garreg ond rŷn ni’n siarad am yr ‘undead’ ‘fan hyn. Wi byth yn mynd i gredu’r ffilmiau Dracula ‘na eto - mae’n amlwg bod angen uffach lot mwy idd’u lladd nhw na rhyw ffycin ‘crucifix’, ewinedd garlleg a bach o olau dydd. Nid oedd hyd yn oed y ‘stake’ wpws Gronw i mewn idd’i chalon hi biti wyth mlynedd yn ôl yn dda i ddim.

Ma’r fideo ‘ma iti Ben ac mae dy Wncwl Ceri di’n ei feddwl e. Dere nôl yn gloi, fy nai dienaid – bydd wastod groeso iti ‘fan hyn!

Y llygad ddu a'r ewinedd garlleg

2008-01-07T18:34:00.000Z

Daeth fy war ac Angie i lawr i ôl Ben ddoe ac maen nhw’n dal yma – rôn nhw’n moyn gwneud bach o siopa yn Regents Street a dyna le maen nhw ar hyn o bryd. Dethon nhw i lawr yng nghar Angie ac fe wetas i wrthyn nhw i roi’r car yn y lle parcio ar gyfer preswylwyr y fflatiau. Mae gen i docyn arbennig i roi ar gar ymwelwyr fel y cân nhw barcio heb gael dirwy gin y wardeiniad sy’n crwydro’r lle o fore gwyn tan nos. Wetas i mo hynny wrth Angie cofia; gobeithio y caiff hi ddirwy – bydd hi’n ffycin lwcus i osgoi hwnna.

Odd rhaid ifi fynd i lawr idd’u hôl nhw wedyn ac fe roias i ‘crucifix’ rownd fy ngwddwg jwst rhag ofn bod tymer ddrwg ar Angie ond withws e ddim. Dyma hi’n dod mas o’r car a rhoi uffach o glatsian ifi. Ma’ ‘na ddiawl o lygad ddu gen i nawr – o leiaf, odd e heb ddigwdd gynt sy’n dipyn o sypreis. Dyma hi’n gweid wedyn:

Mae’n flin ‘da fi; own i ddim yn ei feddwl e’n gas.

- wi’n credu bod hi’n wedi codi hwnna mas o un o’m blogiadau i – hen sgeran yw hi!

Bu Xosé wrthi’n cwcan pryd o fwyd i’r pump ohonon ni ond pan welws e fy llygad i, roedd e’n pallu canolbwyntio’n iawn. Roedd e’n pisho wyrthin pob tro edrychws e arno i. Cogydd yw Xosé a dyw’r Galisiaid ddim yn rhoi rhyw lawer ar dy blât di ond be’ gei di – ma’ ddi’n sbeshal. Bysa un o loddestau Harri’r VIII ddim yn ddigon i lanw bola Angie, cofia.

Ma’r moroedd wedi tawelu tipyn bach nawr – rŷn ni’n deulu reit debyg fel ‘na; does ‘na’r un ohonon ni’n gallu dala dig am fwy na phum munud. Dyw Angie ddim fel ‘na – mae hi’n dod mas o’i harch hi bob nos ac yn cofio pob un cam gwag yn ei herbyn hi erioed.

Wi wedi rhoi lot o ewinedd garlleg yn fy nghypyrddau fel na fydd hi’n dechra wilmentan. Wi wedi clywad ambell i sŵn hisian oddi wrthi, felly ma’ ddi wedi trio pan oedd fy nghefan i wedi troi.

Mae hi wedi cymryd at Xosé ac mae’n bihafio ei hunan. So’r un o’nhw’n deall ei gilydd ond ma’ fe i gyd yn y llygid ac ma gwpod bod shelffad heb gymhlethdodau ar y gweill wastod yn ddeniadol. Chân nhw ddim cyfle yn y fflat ‘ma, cofia. Rŷn ni i gyd ar dop ein gilydd nawr.

Roedd fy war - wara teg iddi - yn poeni’n fwy bod Ben wedi bodio i lawr i Lundain na ‘bo fi wedi mynd mas ag e i glwb. Dyma hi’n gweid wrtho i:

Iawn - nos Galan oedd hi ac fe wna i fadda iti’r tro hyn.

- ac wedyn, mae hi’n troi at Ben ac yn gweid union yr un peth wetas i wrtho fe biti ‘paedophiles’ mewn loris. Rhoias i gig reit siarp iddo fe o dan y ford rog ofan bysa fe’n gweid y peth ‘na bod rhaid iddyn nhw dalu gyntaf ond dyma Ben wedyn yn dod mas â’r perl ‘ma:

Ma’n ddrwg ‘da fi mami – na i byth mo ge ‘to – fi’n dy garu di, fi’n dy garu di – ma’n amhosib iti ddeall faint ifi’n dy garu di.

- a hwnna i gyd â’r deigryn bach ‘ma yn ei lygad e. Fel yr aeth e ati i gwtsho ei fam wedyn, dyma fe’n rhoi winc slei imi – ffycin hell, mae’n dda; own i byth yn gallu cal y deigryn ‘na mas ar y diwedd.

Benjamin fy nai - ma nhw’n gweid bod gwaed yn dewach na dŵr, ac ifi mor ffycin prowd ein bod ni’n rhannu’r un gwaed tew.

Angie Lewis - yr hen geg

2008-01-05T15:38:00.000Z

Mae fy war i'n dod i lawr i ôl Ben ‘fory. Mae ei ffrind hi – Angie Lewis - wedi snitsho arnon ni; simo fy war i'n gwpod y gwahaniath rhwnt cefn y cyfrifiadur a phen ôl y fuwch a bysa hi byth wedi darllin fy mlog – yr hen geg ‘na Angie sydd wedi ei rhoi hi ar fy nhrywydd. Does wbod be’ ma' ddi wedi gweid wrthi hi ond ifi wedi palu fy medd fy hunan wrth roi petha ar y blog. Wi’n dyfaru dechra’r blog ‘ma nawr os yw’r wrach ‘na yn ei ddarllin.

Doedd hi erioed yn fy lico i. Roedd hi’n hen beth comon yn yr ysgol ‘sgetyn. Roedd hi’n cysgu gyda’r bois i gyd ar ôl aelwyd yr Urdd ar nos Wenar – wel nid cysgu gyda nhw ond ti’n gwpod beth ifi’n ei feddwl. Fe ela hi â nhw y tu ôl i’r gastanwyddan yn y parc; roedd wastod garn o goncyrs ar y llawr ar ôl iddi hi fod yno. Wetas i wrth Gronw Davies y bysa fe’n well gen i sielffo mwnci neu dorri fy ngheilliau bant cyn y cela hi afael yndo i. Wetws Gronw hwnna wrth ei dad a’i dad wedyn – ceg fawr y cwm – yn gweid be’ wetas i wrth ei ffrindiau fe i gyd yn y British Legion lle’r oedd Angie yn digwdd bod yn cal peint o 'Welsh Bitter'. Dyw hi byth wedi madda ifi oddi ar ‘ny.

Ffonws hi fi echnos – ma’n rhaid bod rhywun wedi gadael clawr ei harch hi ar agor. Rhoias i’r ffôn i lawr; bu raid ifi ei gadael hi off y bachyn wedyn – doedd dim stop ar ei galwadau. Dyw hi ddim yn rhoi’r gorau iddi’n rhwydd; fe wnaeth hi adael neges ar fy mlogiad diwethaf wedyn yn gweid fy mod i yn y cachu – ac ifi’n ei chredu. Mae llais gweiddu fy chwaer yn wath na’r un ‘banshee’. Efallai na ddyliwn i weid hwnna ond alla i ddim bod mewn mwy o drwbwl, felly fi weta i be’ fi’n moyn. Dim ots be' weta i nawr – bydd Mrs Trwyn-Ym-Mhopeth yn edrych dros fy ysgwydd.

Roedd Morfudd Blaengyfre wedi fy ffono i ryw ychydig cyn y Nadolig yn gofyn a oedd want arno i gymryd rhan yn y plygain yng nghapel Pencader. Rown i’n ofni ar y pryd bod gweithio yng nghrombil y Llyfrgell Genedlaethol wedi ei hela hi off ei phen. Wi’n gallu gweld nawr – roedd y Bod Mawr wedi ei defnyddio hi i’m helpu i mas o dwll. ‘Taswn i wedi mynd i’r plygain, fyswn i ddim wedi blogio am anturiaethau Ben a fi i lawr ‘ma yn Llundain; ond wedi meddwl, bysa Ben wedi dod i lawr i Lundain a finna ddim yno idd’i helpu fe – God works in mysterious ways.

Wetas i wrth Ben iddo fe beidio â sefyll lan drosto i – bysa fy war ond yn meddwl ‘bo fi wedi dylanwadu gormod arno fe. Dyna Ben yn gweid wedyn – ifi ddim yn ffycin stiwpid, ifi’n mynd i dy feio di am bopith. Mae pen da arno fe – nelswn i’r un peth. Roedd y diddanwr Eurwyn Pontsiân yn gweid ‘slawar dydd – os wyt ti byth mewn trwbwl, trïa ddod mas ‘no fe - ond ifi'n ‘fucked’; wi wedi'i roi e i gyd i lawr ar ddu a gwyn ond mae eto obaith i Ben. Wi’n synhwyro ei bryder ond o leiaf, fe gaiff e gefnogaeth ei fam-gu – fy mam i. Fuws hi erioed yn iawn gyda fi; own i’n gorffod edrych am gefnogaeth mam-gu - ei mam hi - ond fel ‘na mae pethau’n mynd ontefe.

Alla i weld ei fod e’n poeni, cofia – ma’ fe’n moyn aros fan hyn gyda’i wncwl Ceri – ma’ na ddagra yn cronni yn ei lecid e pan ma’ fe’n meddwl nag w i’n edrych. Mae e wrthi’n clau’r fflat ifi nawr; ma’n gwpod am safonau glendid ei fam yn well na fi.

Wi’n mynd mas am beint heno – bach o hwyl cyn y storom ac os wyt ti’n darllen hyn Mrs ffycin Trwyn-Ym-Mhopeth – ifi ddim yn mynd â Ben mas gyda fi, felly paid di â rhaffu dy gelwydda wrth ‘ym war; rho’r clawr ar y tecilt a cher nôl i mewn i dy arch, wnei di! Byswn i’n lico dod i lawr ‘na a thowlu dart at dy detha silicon ffals di – ond mae gen i barch mawr at bobl y cwm a gwi ddim isha i’r ffrwydrad eu hela nhw off i ebargofiant, felly cadw di dy geg di dan glo ac fi gatwa i'r 'darts' 'sda fi yn ddiogel yn fy mhoc i - 'y nghariad annwyl!

Groucho Marx, Mr Wilderbeast a Mr & Mrs Schneider

2008-01-03T14:40:00.000Z

Geson ni nos Galan arbennig o dda. Smyglon ni Ben i mewn i’r clwb heb ddim trafferth o gwbwl. Roedd ‘na lot o bobl mewn gwisg ffansi ac roedd Ben yn edrych fel Groucho Marx gyda’r mwstash beinton ni ar ei wyneb, felly doedd neb fawr callach ‘bo fe ond yn ddeuddeng mlwydd oed. 'Nethon ni sigâr iddo fe mas o un o’r ‘bog rolls’ yn y tŷ bach, benthyg trwyn plastig a sbectol gan Enrique ac yn wir iti - fe wnaeth e ennill potelaid o Tequila inni i gyd yn y gystadleuaeth wisg ffansi am ddeng munud i hanner nos. Roedd Xosé a finna’n reit browd ohono fe.

Mae lot o Sbaenwyr yn dod i’r clwb ‘ma ac fe fuon nhw’n dysgu brawddegau iddo fe a oedd yn lot neisiach na’r rhegfeydd ddysgws e gan Iria. Roedd e’n rhoi cynnig eitha da ar ddawnsio’r ‘paso doble’ yn y diwedd hefyd – wara teg iddo fe. Joiws e mas draw ac ifi’n credu ei fod e’n cael eitha tipyn o ddiwylliant yn aros fan hyn gyda’i wncwl Ceri.

Fe brynais i botel o ‘Bacardi Breezer’ iddo fe - wi isha iddo fe barchu alcohol ac i beidio â meddwl ei fod e’n beth mawr ac a gwed y gwir roedd yr alcopops yn costio llai na’r caniau o Coca-cola. Wi’n siŵr iddo fe dwgyd ambell i un arall off byrddau pobl eraill cofia, neu fysa fe byth wedi hwdu lan yng nghefn y tacsi fel nath e.

Bydd ei fam e’n siwr o ofyn be’ nethon ni nos Galan ac felly rŷn ni’n mynd i weid inni fynd mas i McDonalds i gael un o’u ‘happy meals with strawberry shortcake’ ac wedyn gwylio’r tân gwyllt ar lannau’r Afon Tafwys. Fysat ti byth yn ffindo Ben na finna yn fodlon aros mas yn yr oerfel i watsho'r un sioe tân gwyllt ond wi’n credu y bydd fy war yn llyncu’r stori. Ben fysa’n ei chael hi waetha 'tasa hi’n ffindo mas; bysa hi’n gweiddu arno i am gwpwl o flynydda - wi’n gwpod - ond fi alla i wastod roi’r ffôn i lawr – sdim diengyd i Ben. Wi’n gwpod y bydd hi’n treial ein dala ni mas ond rŷn ni wedi ymarfer be’ rŷn ni’n mynd i weid ac rwy’n siwr y bydd Ben yn wara ei ran e i berffeithrwydd.

Fe gyrhaeddson ni nôl biti pump o’r gloch y bore ac ar ôl agor drws y coridor, dyma ni’n gweld Mr Wilderbeast yn gorwedd ar wastad ei gefn. Rown i’n meddwl ei fod e wedi marw ac roedd ei afael ar ei ‘Tennents Super’ mor dynn fel rown i’n ofan bod ‘rigor mortis’ wedi seto i mewn yn barod ond roedd Xosé yn gallu ei glywed e’n anadlu.

Mae Mr Wilderbeast yn edrych fel un o’r bobl ‘na sydd yn llofruddio pobl ac wedyn yn cwato eu cyrff nhw o dan y patio; mae’n ela’r aeth arno i ond bu raid inni ei helpu fe. Fe etho i i mewn i’m fflat i gael clustog i roi o dan ei ben ac hwpais i diwben o ‘tomato puree’ yng nghil ei geg er mwyn ei chadw hi ar agor rhag ofn bysa fe’n tagu ar ei hwd. Roedd Ben yn meddwl y dylsan ni alw’r heddlu a’r ambiwlans - y perlau sy’n dod mas o enau plant bach weithiau ontefe. Wetas i wrtho fe i beidio â bod mor stiwpid; bysa rhaid inni aros lan am oriau idd’u gadael nhw i mewn i’r coridor wedyn a tasa’r heddlu yn troi lan gyda’r cŵn ‘na sy’n gwynto cyffuriau – bysa Xosé mewn lot o drafferth.

Eiliadau wedyn, wrth ‘bo fi’n cau drws y fflat, fe glywson ni Mr a Mrs Schneider yn dod i mewn i’r coridor a hitha’n gweiddu – mein Gott! Herr Wilderbeast! a’r geiriau Polizei a Krankenwagen yn gymysg â’r llif o eiriau. Dyna Mr Schneider wedyn yn gweiddu Nein! Nein! ar dop ei lais wrth lusgo Mrs Schneider i mewn idd’u fflat nhw a chau’r drws yn glep – felly wi’n cymryd bod Mr Schneider yn meddwl yr un peth â ni.

Doedd e ddim yno yn y bora ond fe welws Xose fe ddoe yn cerdded heibio i’r llyfrgell yn dala can o ‘Tennents Super’ yn ei law, felly mae e’n dal ar dir y byw ond heb ddysgu ei wers – mae’n amlwg.

Lluniau merched porcyn

2007-12-31T19:05:00.000Z

Fe ddaeth ymwelydd i mewn i’m blog heddi ar ôl chwilio am rywbeth yn AOL o dan ‘lluniau merched porcyn’ – wi’n gweid ‘rhywbeth’ ond mae’n eitha amlwg am beth roedd e/ hi’n chwilio. Ta p’un i, dyma’r canlyniad gas e/ hi a diolch iddo/ iddi am wneud ifi bisho wyrthin.

Web Results
Results 1 - 2 of about 2 for lluniau merched porcyn Page 1 of 1
Learn More About Web Results

· BBC - Cymru - Y Selar
Wedyn yn araf ac yn gynnil, dechre dod a menywod topless/ porcyn mewn iddo fe heb i neb sylwi ......

· Cer i Grafu: julio 2007
Porcyn. Fe siafes i’r blew off rownd 'y ngheilliau i echnos. ..... Af i ddim i fanylion ond...

Mae ‘na lun o ferched porcyn wrth ochr y blogiad ‘ma nawr rhag ofn bod eraill yn cael eu siomi.

Wi ddim yn cofio ysgrifennu am siafo ‘ngheilliau a gwed y gwir ond mae’n amlwg ‘bo fi wedi. ‘Sdim ots – bywyd yw bywyd ontefe. Bydd rhaid ifi eu siafo nhw eto nawr – mae hwnna sbelen nôl yn mis Gorffennaf. Diolch yn fawr iddo/ iddi am fy atgoffa a blwyddyn newydd dda!

Paratoadau nos Galan a chwiban y Capten

2007-12-29T14:03:00.000Z

Mae Xosé a finna mewn tipyn o gyfyng gyngor nawr. Mae hi’n un o’r gloch y bora ac ŷn ni’n dal i bendroni. Rŷn ni’n mynd mas i ‘Detox’ ar bwys Tottenham Court Road ar nos Galan ond fydd ‘na neb yma i edrych ar ôl Benjamin. Fi allwn i ofyn i Mr Wilderbeast drws nesa i edrych ar ei ôl e ond mae’n dueddol o edrych arno i bach yn ‘dodgy’ hyd yn oed, ac wi ddim yn fodlon ei drwsto fe gyda Ben. Bysa fy war byth yn madda ifi ‘tasa rwpath yn digwdd.

Sdim byd amdani – bydd rhaid iddo fe ddod mas gyda ni. Wi ddim yn ei drwsto fe yn y fflat ar ei ben ei hunan – mae’n rhy depyg ifi. Wi wedi ei weld e’n edrych ar label y botel wisgi ac ifi ddim isha cyrraedd nôl a gorffod mynd ag e am ‘stomach pump’ yn yr A&E yn Earls Court. Efallai bysa hwnna’n dysgu gwers iddo fe ac fe gela fe ddeall wedyn bod alcohol yn beth peryg, ond wedi gweid ‘ny, wnath e ddim cael effaith barhaol arno i. Wi’n dal i gael hunllefau am y ‘stomach pump’ ‘na cofia, ac ma' hwnna'n mynd nôl blynydda erbyn hyn. Bysa’n well gen i gel un o’r dildos ‘King Kong’ ‘na i lan fy nhin na gorffod mynd trwy hwnna eto - dyw e ddim yn brofiad pleserus iawn.

Mae Ben yn lico gwisgo ‘hoody’, ac felly fe gaiff e roi hwnna dros ei ben e ac fe wnewn ni beinto mwstash arno fe jwst rhag ofn. Mae’n dalach na Pablo - ond mae pawb yn dalach na Pablo - ac rŷn ni’n napod y boi ar y drws, felly dyla popeth fod yn iawn. Fe alliff e wara gyda ei ‘game boy’ yn y cornel. Bydd rhaid inni gadw golwg arno fe cofia, neu fe fydd e’n tynnu lluniau lan sgyrtia’r merched gyda’r ‘mobile phone’ byrnws fy mrawd iddo fe am y Nadolig. Ma’ fe wedi cel cwpwl o luniau o fam Xosé yn barod. Fysa fe ddim yn mentro gwneud hwnna gydag Iria neu ar ei gefn fysa fe a chael dou lygad du yn shino fel pwrs milgi o fewn dim..

Fe wnewn ni adael iddo fe ddod i‘r clwb gyda ni ond fe wna i roi ugain punt iddo fe a chyfeiriad Rob lan yn Walthamstow rhag ofn bod y ddou o’onon ni’n cael ‘cop off' a neb i edrych ar ei ôl e wedyn. Efallai na fydd ugain punt yn ddigon am dacsi ar nos Galan ond fe alliff e iwso ei fys a lwcdeithio ‘to – mae i weld yn eithaf da yn gwneud hwnna. Weta i ddim byd wrth Rob ond fe ddylai fe fod yn iawn – athro yw e, felly mae hen ddigon o brofiad 'dag e wrth ddelio â phlant dienaid.

Rhag ofn iddo fe fynd ar goll, fe ddysgwn ni’r un tric i Ben ag rŷn ni’n iwso gyda Pablo. Mae Pablo yn tynnu at 35 oed erbyn hyn ond ma’ fe mor fach fel bo ni’n cel problemau rownd y rîl pob tro rŷn ni’n mynd mas ag e - mae’n amhosibl ei weld e os oes ‘na eithaf ‘crowd’ o bobl ac ma' fe wastod yn mynd ar goll. Erbyn hyn, mae gin Xosé a finna y chwiban ‘ma - union yr un fath ag yr oedd gin Gapten Von Trapp er mwyn ffindo ei blant cyn bod Julie Andrews yn rhoi trefn ar ei fywyd. Mae’n eithaf da – un chwythad ac mae Pablo wrth ein sodla ni cyn bo’ ni’n cael cyfla i droi rownd.

Fe dreison ni iwso un o’r ‘dog whistles’ ‘na unwaith ond dŷn nhw fawr o iws. Roedd Pablo’n pallu ei chlywed hi ac roedd ‘na lwyth o fwngrels yn ein cwrso ni i lawr yr hewl wedyn. Un diwrnod, bu raid inni fynd am loches yn ‘The Horse and Duck’ yn Camden High Street. Mae’n gas gen i gŵn pan fôn nhw’n treial sielffo dy goes ar ganol yr hewl ac mae Xosé yn eu casáu nhw ‘full stop’. Roedd ‘na uffach o sŵn cyfarth y tu fas i’r dafarn wedyn ac doedd dim taw arnyn nhw. Bu raid inni gal tacsi oddi yno - wi’n deall erbyn hyn fel mae’r ‘celebrities’ yn teimlo gyda’r ‘paparazzi’ ar eu hôl nhw wedi noson yn Stringfellows. Roedd hi’n uffach o job inni gael mynd i mewn i’r tacsi a’r holl ffycin cŵn ‘na yn ein becso ni. Towlson ni’r wisl i’r llyn yn Battersea Park yn y diwedd – hen beth peryg oedd hi.

Benjamin - fy nai dienaid

2007-12-28T12:10:00.000Z

Geso i uffach o sioc neithiwr; dyma gnoc ar y drws a 'ti byth yn gwpod pan fo’r ffycin bwmbeilïaid ‘na yn mynd i droi lan. Fe droison ni’r miwsig i lawr ac esgus bod neb i mewn ond wedyn mae’r llais ‘ma yn gweiddu trwy’r blwch llythyron – Ceri, agor y ffycin drws – Ben sy ‘ma!

Rown i mewn sioc - Benjamin fy nai oedd e. Ma’ fe ond yn ddeuddeg mlwydd oed ac roedd y clown wedi ffindo dechra’r M4 rywsut neu’i gilydd a bodio i lawr i Lundain. Roedd e wedi lliwo ei wallt yn wyrdd yn nhŷ un o’i ffrindiau, cael uffach o gerydd gin ei fam wedyn a phenderfynu rhedeg bant. Dechreuais i wara rhan yr wncwl call a gweid pwy mor stiwpid oedd e a phwy mor beryglus oedd gwneud shwt beth. Wetas i y galsa fe fod wedi cael ei abiwso gin ryw ‘paedophile’ mewn lori – ond dyma fe’n gweid nôl y bysa rhaid iddo fe dalu gyntaf. Wn i’m pam ond mae ei ben e’n lot henach na’i gorff. Pan oedd e’n fach iawn, roedd e’n arfadd mynd yn benwan a llefain pan oen ni’n galw ‘bachgen drwg’ arno fe ond dyw hwnna ddim yn gweithio ragor. Wi’n eithaf prowd ohono fe a gwed y gwir. Mae’n fy atgoffa fi ohono fi fy hunan pan oeddwn i’n grwtyn bach.

Ffonas i fy war wedyn a gweid be’ oedd wedi digwydd ond roedd hi heb sylweddoli ei fod e wedi mynd. Mae hi’n gweid y daw hi i lawr idd’i ôl e pan fydd yr ysgol yn ail-ddechrau ym mis Chwefror ond ifi’n siŵr bod yr ysgolion yn dechrau nol sbelen cyn hynny. Bydd rhaid ifi tsieco lan ar hwnna.

Mae’r tŷ yn llawn dop nawr. Mae Pablo wedi mynd nôl i Galisia dros yr ŵyl ond fe ddaeth rhieni Xosé a’i ferch bymtheg oed – Iria – i gymryd ei le. Byddan nhw’n mynd nol cyn nos Galan, ond mae pawb ar dop ei gilydd ar hyn o bryd.

Mae Xosé a’r teulu wedi mynd mas i wneud bach o siopa ac ifi wedi ela Ben i brynu paced o ffags ifi. Wetas i wrtho fe i droi i’r dde ar ôl gadael y fflat a cherdded at Asda sydd biti dwy filltir bant; ‘tasa fe’n troi i’r chwith, bydda fe yn Somerfield o fewn munud. Fe gaf i gerydd pan ffindiff e mas ond ‘sdim ots; ifi isha bach o amser wrth fy mhen fy hunan.

Y bore ‘ma, fe ethon ni i Clapham Junction. Roedd e’n moyn ifi byrnu ‘iPod’ iddo fe; fe gas e 'toblerone' yn y 'Poundshop' yn y diwedd; dyw arian ddim yn tyfu ar goed fel ‘sa mam yn gweid. Fe geso i beint yn y ‘Windermere’ wedyn. Wetas i wrth Ben i roi ei fraich e i lan yn yr awyr a’i phlygu hi y tu ôl i’w ysgwydd a hwpo ei dafod e mas fel y bobl ‘mongs' 'na’. Maen nhw’n gadael plant i mewn wedyn. Own i’n arfadd gwneud na i dad-cu pan oedd e’n moyn peint yn y 'Con club' yn Nhonypandy ar ôl mynd â fi i’r gem rygbi ar ddydd Sadwrn; mae rhai pobol yn dal i feddwl bo fi’n ‘mong’ yn y clwb ‘na – dyna pam wi’n byw yn Llundain.

Mae Ben yn siarad yn fwy na fi – ‘sdim taw arno fe. Ma fe’n gweid y gair ‘fel’ ar ddiwedd pob brawddeg. Wi heb glywed hwnna yn Gymraeg o’r blaen ond mae’n reit gyffredin yn Sysnag y cymoedd; fe wetan nhw bethau fel ‘How ar you, like?’ neu ‘Look at the tits on her, like!’. Mae'n bennu lot o'i frawddegau ag arddodiaid hefyd ac fe gas e gerydd gen i am hwnna, ond fel pob plentyn sydd wedi colli dadl dyma fe’n gweid wrtho i – ti’n smelo ti yn!. Fi alla i fod yn blentynnaidd hefyd ac fi wetas i nôl – ti’n salw ti yn, ti’n edrych fel pwrs mochyn fel!. Bydd rhaid iddo fe wneud yn well na ‘ny i gael y gorau arno i.

Mae Xosé a finna’n mynd mas am gwpwl o beints ‘ta Rob heno. Fe wnaiff Señor a Señora Veiga ac Iria edrych ar ôl Ben. Wnaiff Iria ddim cymeryd dim nosens o’rwtho fe. Gaiff e gyfla i ddysgu bach o Alisieg hefyd - mae’n foi digon ‘bright’; mae’n depyg idd’i wncwl Ceri!

The Sound of Music - Sister Motherfucker a Sister Cocksuker

2007-12-27T17:51:00.001Z

Dyma un o’r fideos ail-ddybio ‘ma sydd yn ôl y sôn yn frenin arnyn nhw i gyd. Yr olygfa lle ma’r lleiannod yn canu ‘How Do You Solve A Problem Like Maria’ yw’r targed mas o fy hoff ffilm – The Sound of Music. Mae’r ail-ddybio arni hi o safon uchel iawn ac rown i yn fy nagrau yn wyrthin. Mae’n siŵr bod y bobl ‘ma wedi cal uffach o hwyl yn ei wneud e. Mae Sister Margareta a Sister Berthe, dwy o’r lleiannod yn y ffilm yn cael eu ail-enwi’n Sister Motherfucker a Sister Cocksuker yn y fersiwn hon. Efallai ‘bo fi’n blentynnaidd ond joias i mas draw. Bydd rhaid ifi ddysgu sut mae gwneud petha fel hyn – fe gelen i hwyl di-ben-draw.

Vagina & Clitty - lost opportunity!

2007-12-26T20:59:00.000Z

Byrnais i 'WinTV' heddi – y pecyn ‘ma i gael rhaglenni’r teledu ar y cyfrifiadur. Odd e fod yn £49.99 neu rywpath tebyg ond roedd 'da fi'r cwpon 'ma mas o'r 'News of The World' ac fe geso i fe am £29.99 yn PC World yn Wandsworth. Wi wedi ei roi e mlan ac mae'r radio'n gweithio'n grêt ond mae'r stwff teledu yn rhewi trw'r amser er ‘bo fi'n gallu clywad y sŵn yn iawn. Simo fi'n gallu cael y 'remote control' i weithio o gwbwl - efallai taw'r batris yw e ond fe ddethon nhw yn y paced! Mae 'aerial' cymunedol ar y tô hefyd; mae gen i un o'r tylla 'na yn y wal idd 'i gysylltu fe. Fe ddyla fe weithio'n iawn ond wn i'm pam ffwc nag yw e. Wnetho i roi cyfeiriad y giaffar iddyn nhw - Dolwerdd, Llanfihangel-ar-Arth - a gobeithio bod trwydded teledu ginto fe neu fe gaiff e uffach o ddirwy.

Wi'n pallu cal y meicroffôn byrnais i yn ‘Poundshop’ i weithio chwaith. Lawrlwythais i dipyn o raglenni 'audio' off y we i weithio gyda ‘Windows’ ond siarad â fi fy hunan odw i - dyw e ddim yn recordo ffyc all. Fe elen i ag e nôl ond mae'r tocyn trên i Basingstoke yn costio £14 a dim ond punt oedd y meicroffôn o ‘Poundshop’ - felly ‘sdim pwynt. ‘Falla bydd rhaid ifi byrnu meicroffôn arall.

Roedd Hedd, Esther ei wraig a Casi’r ast yn mynd i fwrw’r Nadolig yn 'Dalar Wen' ‘ta’r teulu i gyd. Mae ‘na ddegau o’enyn nhw. Simo nhw’n gatholigion ond dyw’r gair ‘condom’ ddim yn eu geirfa nhw. Mae Hedd bach yn slow off y marc ond efallai bod 'low sperm count' 'dag e a simo fi'n moyn bod yn bersonol - felly taw piau hi. Gobeithio nag oedd Casi wedi ela gormod o ofan ar blant bach ei chwiorydd â'i thetha'n llusgo dros bob man. Fi own i'n mynd i fynd lan i'r 'Two Brewers' yn Clapham i weld y drag act 'ma - Vagina & Clitty - ond yfais i ormod o wisgi yn y fflat a dechreuws fy mhen i droi. Own i'n pallu cysgu chwaith - pob tro rown i'n cau fy llygaid, roedd y byd yn symud ar garlam. Wi wedi dysgu fy ngwers ac heno wi ond yn yfed seidir.

Boas festas y bon ano novo - blwyddyn newydd dda i bawb - feliz anio nuevo - enjoy the New Year and don't moan so much, you miserable fuckers!

Gweithio bant - Hedd perffaith Hedd yn Basingstoke

2007-12-22T22:50:00.002Z

Mae’r gwaith yn dod i ben yfory, diolch byth. Bues i’n gweithio gyda Hedd Hambôn yn Basingstoke. Ma' fe’n un o’r ychydig sydd yn darllen y blog ‘ma ac wn i’m pam ond dyw e ddim yn hapus iawn ‘bo fi’n ei alw fe’n ‘hambôn’ ond ‘sneb yn gweid y gair ‘josgin’ yn ein hardal ni; mae rhai pobl yn gallu bod mor groendenau. Mae’n gweid ‘bo fi’n blentynnaidd, anaeddfed ac yn amharchus ond a gwed y gwir wi’n gweld hynny yn dipyn o rinwedd – pawb a’i farn ontefe.

Wi wedi addo na fydda i’n cyfeirio ato fe fel ‘Hambôn’ byth eto. Dyw e ddim yn addas nawr ta p’un i. Mae e wedi colli lot o bwysau a dyw e ddim yn edrych dim byd tebyg i’r ‘pot-bellied pig’ ‘roedd y teulu yn arfadd cadw yn y sied glo. Ma' fe wedi gadael cefn gwlad hefyd ac yn byw ym Mhontyberem erbyn hyn ac felly, nid hambôn mohono - ots be’ wetiff neb.

Boi ffein y diawl yw e mewn gwirionedd ac ifi'n ei lico fe lot – boi synhwyrol a charedig ac mae ei galon e yn y lle iawn. Ma' fe a’i wraig – Mrs Hambon – newydd byrnu ci ac yn lle pyrnu ci pert, fe ethon nhw i’r ‘dogs home’ yn Llanelli a dewis ci nad oedd ei eisiau ar neb – rhyw ast salw a’i thetha’n llusgo ar hyd y llawr wrth gerdded o le i le. Casi yw ei henw hi ac wi wedi gweld llun ohoni hi ac heb air o gelwydd, bysa ‘Gollum’ yn well enw arni ddi. Dyw fy nghalon i ddim yn y lle iawn a byswn inna wedi ei thowlu hi o flaen y bws cyntaf i ddod heibio – mae ‘na hen ddigon o bethau salw yn y byd 'ma.

Mae ei wraig e wedyn yn achub ceffylau sydd ar fin cael eu lladd er mwyn gwneud ‘burgers’ i werthu yn Asda ac maen nhw’n cael byw eu dyddiau olaf yn hapus braf yn yr ardd gefn. Mae Hedd yn gweid bod y dom yn dda iawn i’r planhigion ond nid dyna’r rheswm pam maen nhw’n edrych ar eu holau nhw. Wi'n eu cefnogi nhw cant y cant yn eu brwydr yn erbyn y cyngor - wedi'r cwbwl, mae pobol yn cadw cwyningod a cholomennod a phob math o betha yn yr ardd gefn. Mae un cymydog yn cadw ceiliog yno ac mae ceiliogod yn cadw uffach o ffycin swn. Fyswn i ddim yn ei chefnogi hi, cofia; roedd mam a'i hwfer bob bore yn ddigon i'm ela i'n benwan.

Licswn i fod wedi cael ci ond roedd mam yn gweid bod cŵn yn drewi ac doedd hi ddim isha un yn y tŷ. Roedd bopa Dot drws nesa yn tŷ ni trwy’r amser ac roedd hi’n drewi’n waeth na’r un ci, felly bach yn annheg oedd hwnna. Bysa ci wedi bod yn lot fwy o hwyl na bopa Dot – roedd hi’n arfadd ishta ar y soffa ac agor ei cheg fel pysgodyn heb fod yr un gair yn dod mas o’i cheg hi erioed. Roedd fy chwaer a finna’n ei galw hi’n boba Mong ond fe geson ni uffach o gerydd gan mam am hwnna. Un dda yw mam ac mae hi wedi fy nysgu i i barchu pawb – ots pwy mor simpil ŷn nhw.

Mae Hedd wedi bod yn fy helpu i â’m cyfrifiadur yn ystod yr wythnos a dangos imi sut mae gwneud pethau. Ma' fe’n dipyn o ‘wizz kid’ gyda’r cyfrifiaduron. Bydd e’n cymryd drosodd y peth ‘maes-e’ ‘na cyn bo hir sydd yn rhyw fath o fforwm i’r Cymry gael dweud eu dweud. Ma' fe’n gweithio ar wefan hefyd sy’n dangos lluniau o anifeiliaid sydd yn edrych yn debyg i sêr Hollywood. Efallai af i i mewn i weld y peth ‘na am yr anifeiliaid ond fe wna i gadw bant o’r peth ‘maes-e’ ’na – mae’n gas gen i Gymry sy’n malu cachu.

Gweithio bant - daw eto haul ar fryn

2007-12-15T13:22:00.000Z

Fe fuon ni yn y cachu ddydd Gwener; mae Cocwyllt a finna wedi pechu pawb erbyn hyn. Wi’m yn siwr be’ ddigwyddws ‘ta Cocwyllt yn y ‘gay bar’ wthnos ddiwetha – ac yn rhyfedd iawn, dyw hi ddim yn gweid dim byd - ond fe ddaeth dwy lesbiad at y stondin i godi cynnen gyda hi. Wi’n credu bod bach o genfigen yn hedfan o gwmpas y lle’n rhywle. Dyw Cocwyllt ddim yn un i gymryd nonsens gan neb a bu diawl o ffradach. Fe wnaeth hi roi ‘head butt’ i un ac wedyn bu’r tair o’enyn nhw yn rowlio ar hyd y llawr a’r dyrnau yn mynd i bob man. Roedd hi’n reit ddifyr i watsho a gwed y gwir ond fe ddaeth rheolwr y ganolfan siopa i lawr yn y diwedd a galw’r heddlu.

Bysa’n well ‘tasa Cocwyllt heb ddechrau dadlau gyda rheolwr y ganolfan a’r plismon wrth ei ochr. Dyma hi’n galw’r rheolwr yn ‘superscilious twat’ ond a bod yn onest, own i’n reit ‘impressed’. Bach o Sysnag gei di glywed gin Cocwyllt ond pan wetiff hi rwpath, mae fe wastod yn dda. Aeth y plismon bant â Cocwyllt wedyn ac fe wetws y rheolwr ifi dynnu’r stondin a’i gwân hi o’na.

Bu raid ifi dynnu’r stondin i lawr ar fy mhen fy hunan, rhoi’r stoc i gyd yn y ‘loading bay’ ac aros i’r giaffar – Mr Seffton – gyrraedd o Orllewin Cymru. Doedd e ddim yn hapus iawn. Wnetho i ddim byd ac fe wetas i ‘bo fi’n hollol ddiniwed a bai Cocwyllt oedd e i gyd. Dyma fe’n gweid wedyn bod y ddou o ‘ni cynddrwg a’n gilydd a ‘tasa hi ddim wedi neud rhywpeth, mater o amser fysa fe nes bo fi’n coco rhywpeth lan. Wi’m yn credu ei fod e’n deg ifi gael fy rhoi yn yr un cae â Cocwyllt – mae hi’n lot gwaeth na fi.

Bu raid ifi aros iddo fe wedyn pan aeth e i dreial cael Cocwyllt mas o’r ddalfa. Roedd hi wedi hanner nos pan gyrhaeddson nhw. Mae’n gweid nawr nag yw e’n mynd i adael inni weithio gyda’n gilydd ragor. Dyma fe’n penderfynu ela Cocwyllt i weithio yn Ballymena yng Ngogledd Iwerddon gyda Seisyllt ab Wmffre o bawb. Roedd e’n mynd i’m ela i draw ‘na ar y dechrau ond fe wetas i bo fi’n tynnu ‘mlan yn grêt gyda Seisyllt a’n bod ni’n cael uffach o hwyl ar y stondin. Roedd hwnna’n ddigon iddo fe newid ei feddwl – wi’n dechrau deall llinyn meddwl Mr Seffton erbyn hyn.

Mae Cocwyllt i fod i fynd nôl i orsaf yr Heddlu ym Manceinion ar y 22ain o Ragfyr ond bydd hi yn yr Iwerddon nawr. Fe wetas i wrth y giaffar ei fod e’n ei mentro hi wrth roi Cocwyllt ar y ‘Stena Line ferry’ i’r Iwerddon tan Noswyl ‘Dolig a hitha’n gorffod mynd nôl i le’r heddlu cyn hynny ond dyma fe’n gweid os bydd y llong yn suddo - fe fydd y llong yn suddo. Own i ddim yn ei feddwl e cweit fel ‘na ond wi’n gallu gweld y peryg hwnnw hefyd.

Rwyf inna nôl yn Llundain nawr. Fy nghosb i yw gweithio gyda Hedd Hambôn tan y Nadolig yn Basingstoke. Wi’n credu bod y lle ‘na o fewn can milltir i Lundain ac mae rhaid ifi deithio i mewn i’r gwaith bob dydd. Fe ddylai hi fod yn iawn i weithio gyda Hambôn os galla i arwain y sgwrs oddi ar bynciau’r clos a’r buarth. Mae fe ond newydd ddod mas o’r uned seiciatryddol yn ysbyty Glangwili ond mae Mr Seffton yn gweid ei fod e’n well erbyn hyn a’i fod e wedi stopo gwneud synau anifeiliaid. Gobeithio wir - mae’n dân ar fy nghroen idd’i glywed e’n gweryryd, brefu a rhochain trwy’r ffycin dydd.

Wi’n credu bod y gosb i’r ddou o’onon ni bach dros ben llestri. Wi ddim yn credu ‘bod ni wedi gwneud dim byd mor wael â ‘ny - heb ei fai heb ei eni ontefe. Wi’n gwpod be’ sy wedi mynd o dan ei groen e a does a nelo fe ddim byd â ni - ond ni sy’n gorffod dioddef. Wthnos ddiwetha, fe aeth e am gyfweliad i fod ar y rhaglen BBC ‘na - ‘Dragons Den’. Yn y rhaglen ‘ma, rwyt ti’n mynd o flaen grwp o ‘entrepreneurs’ reit lwyddiannus gyda dy gynnig busnes ac os ŷn nhw’n meddwl bod gwerth iddo fe, fe wnan nhw fuddsoddi yn dy gwmni. Triws Mr Seffton roi ei gynllun e iddyn nhw, sef prynu llwyth o lwyau bren o Woolworths am 25c, cael llwyth o’r pacedi ‘chewing gum’ ‘na sydd yn dod a’r datŵs ‘shit’ ‘na y mae plant yn gwlychu er mwyn rhoi ar eu dwylo, ac wedyn rhoi’r rhain ar grud y llwy a’u gwerthu nhw am 3.99 fel crefftwaith. Ma fe isha gwerthu’r ‘chewing gum’ wedyn am 50c. Clywas i hyn i gyd gan Mrs Seffton oedd yn meddwl bod y syniad yn hurt ond roedd hi’n ofan gweid dim. Wedws hi wrtho i y bu rhaid iddyn nhw gael y ‘security’ i mewn er mwyn ei dowlu fe mas o’r stiwdio a hwnco’n gweiddi - ‘But I could be the next Gerald Ratner!’

Gweithio bant - y cyfaill gwir yn yr ing fe'i gwelir

2007-12-09T22:40:00.000Z

Own i wedi ei dyla hi neithiwr, paid â sôn. Bysa Cocwyllt yn gallu yfed Oliver Reed o dan y ford ‘tasa fe’n dal yn fyw ac mae treial dala lan ‘da ddi yn stiwpid – wi’n dioddef nawr, mae ‘mhen i’n powndo. Ethon ni mas i’r ‘gay village’ ‘ma yng nghanol Manceinion; own i’n meddwl bysa Cocwyllt yn gadael llonydd i’r dynion ond cael a chael fuws hi hyd yn oed yn y fanna. Roedd hi’n mynnid aros yn y dafarn ‘ma lle’r oedden nhw’n cynnal y blydi ‘karaoke’ ‘na. Wi’n beio’r Urdd – doedd dim modd cael Cocwyllt off y llwyfan; does fawr o lais canu gyda ddi ond mae’r bersonoliaeth yn fawr a bu pawb wrthi’n curo dwylo a gweiddu. Yng nghanol ‘Hey Big Spender’ dyma hi’n wara lan i’r gynulleidfa a fflasho’r bronnau ac roedd hwnna i weld yn fwy poblogaidd yn y ‘gay bar’ ‘ma nag yn y clwb rygbi yn Aberaeron.

Bu raid ifi adael y lle yn y diwedd; yn hollol ddiniwed a difeddwl, dyma fi’n cynnau ffag a’r ddwy fenyw fawr ffwrchwyllt ‘ma yn gafael yndo i’n sydyn reit ac yn fy nhowlu i mas. Doedd Cocwyllt fawr o help; dyma hi’n dod at y ffenest ac yn gweid y bysa hi’n fy ngweld i nôl yn y fflat. Dyna’r tro diwetha wi’n mynd mas am noson gyda hi. Wi ddim yn gwpod be wnaeth ddigwydd iddi hi wedyn a sai’n mynd i ofyn chwaith. Bu raid ifi gael tacsi adre ar fy mhen fy hunan ac mae hi’n lwcus na cheso i mo fy lladd gan ryw nytar yn y ddinas ddiarth.

Wi wedi gadael iddi hi weithio ar ei phen ei hunan ar y stondin heddi. Wi’n pwdu ac mae fy mhen i’n troi wrth glywed am ei holl anturiaethau rhywiol; dyw hi ddim yn wilia am ddim byd arall a gwed y gwir. Rwyt ti’n cael y delweddau ‘ma yn dy ben ac mae’n anodd cael eu gwared nhw wedyn. Roedd hi’n sôn ar y ffordd sha thre echnos am y boi ma wnath hi dreulio’r noson gyda fe yn Abertawe; boi byddar oedd e a dyma hi’n gweid taw yn y bore, yn lle cloc larwm, fe ddechreuws y gwely ‘ma siglo a symud o ochr i ochr er mwyn ei ddihuno fe – yn union fel y gwely ‘na yn ‘The Exorcist’ meddai hi. Mae hi’n gweid iddi gael uffach o sioc a bron iddi gael ei thowlu ar y llawr. Own i’n synnu clywed bod y gwely’n gallu symud o gwbl a’i phwysau hi arno. Rhyfedd o fyd ontefe ond wi’n gwpod ei bod hi’n gwed y gwir; fe ddigwyddws union yr un peth i’m ffrind Steffan ar ôl treulio noson gyda ‘Deaf Daphney’ i lawr yng Nghaerdydd.

Os yw hi’n gweid y gwir a ‘sdim rheswm gen i ama dim, bydd y byd a’r betws yn cael ei gweld hi wrthi cyn bo hir. Mae hi a’i sboner Gaz yn meddwl postio un o’u sesiynau nhw ar y peth porno ‘na - X Tube. Efallai bod ‘na ‘niche market’ iddyn nhw ond licswn i mo’u gweld nhw wrthi – bysa fe’n fy rhoi i off rhyw am byth. Welsat ti ddim lot o’enyn nhw ar sgrîn fach y cyfrifiadur cofia – bysa rhaid iddyn nhw ei ddangos e ar sgrîns un o’r ‘multiplexes’ ‘na.

Wi ddim yn lico gweid pethau cas amdeni hi a bydda i’n ffrind iddi hi yfory ond am heddi, mae hi wedi pechu.

Gweithio bant - y pantomeim

2007-12-07T11:16:00.000Z

Ethon ni i weld pantomeim neithiwr – ‘Aladdin’ yn y Lyceum yn Warrington ar bwys Manceinion. Wi’n lico pantomeims ond mae chwiw ar newid pethau y dyddiau hyn a dod â phethau cyfoes i mewn. Roedd y dyn drwg – Abanazar – yn treial cael gafael ar lamp hudol Aladdin ac own i’n ffilu deall pam oedd rhaid iddo fe gael y ‘daleks’ idd’i helpu fe yn lle’r ‘triads’ neu Fu Manchu – bysa hwnna wedi bod yn fwy credadwy. Roedd y ‘daleks’ yn edrych mwy fel fershiwn ‘shit’ o Mr Blobby â phidyn ar ei ben. Roedd Cocwyllt yn meddwl taw’r ‘teletubbies’ oedden nhw ond un eitha di-glem yw hi ar y gorau; mae hi’n dal i feddwl bod Dame Edna Everidge yn fenyw go-iawn. Yn yr ail hanner, fe ddechreuson nhw ganu cân oedd yn mynd – ‘We exterminate, we terminate ...’. Fe gollson ni bob amynedd gyda nhw ar ôl hynny a gadael cyn y diwedd.

Bues i mewn pantomeim unwaith yn yr ysgol gynradd – wel nid pantomein fel y cyfryw ond sioe i‘r Nadolig a gwed y gwir. ‘Elen Benfelen a’r Tair Arth’ oedd enw’r sioe. Yr unig olygfa wi’n ei gofio yw’r olygfa pan oedd y tair arth yn cyrraedd y tŷ – yn gynharach, roedd Elen Benfelen wedi torri i mewn i’r tŷ ac mae’r eirth wedyn yn sylweddoli bod rhywun wedi bod yn cysgu yng ngwely un arth, wedi eistedd ar gadair yr ail arth ac wedi byta uwd y drydedd arth. Fi oedd y drydedd arth a’m llinell i oedd – ‘Pwy sydd wedi bod yn bwyta fy uwd i?’ – ond wedyn dyna Gronw Davies yn gweiddu mas – ‘Fat Gary, ma fe’n byta popeth’. Aeth y lle’n ffradach wedyn; fe gwnnws Fat Gary a dechrau hemo Gronw a chyn pen dim roedd pawb wrthi’n ymladd â’i gilydd. Dyna’r sioe Nadolig olaf nethon ni; bu raid inni ganu ffycin carolau pob blwyddyn ar ôl hynny.

Fe etho i â’m nai i weld pantomein unwaith. Fe ddechreuws pethau off yn wael wrth imi gael llond ceg gan fy chwaer – ei fam – am ei alw fe’n ‘Benjy’ yn lle Benjamin. Mae hi wedi cael ‘pebble dash’ ar ffrynt y tŷ ac yn dechrau meddwl ei bod hi’n un o’r crachach. Fe wedws Ben wrtho i nes ‘mlan bod ei ffrindiau fe’n ei alw fe’n ‘Ratty’ ar ôl y gân ‘na ‘Ben’ gan Michael Jackson – bydden i byth wedi meddwl am hwnna; onid yw plant heddi’n glyfar. Fe wetas i wrtho fe y bysai’n well ‘tasa fe ddim yn gweid dim byd wrth ei fam. Os clywiff hi ei ffrindiau fe’n galw ‘Ratty’ arno fe, fe fydd hi’n amen arnyn nhw.

Fe ethon ni i weld ‘Snow White & The Seven Dwarfs On Ice’ yn y lle sglefrio ‘na ym Mryste ond joion ni ddim – roedd hi’n rhy ffycin oer. Mae Ben yn reit debyg ifi a simo fe’n lico’r oerfel chwaith. Doedd y sioe fawr o gop. Roedd y corachod biti dwywaith seis pawb arall ac roedd y lleisiau heb gael eu syncroneiddio’n dda. Fe gwmpws Eira Wen gwpwl o weithiau ac roedd Dopey yn cwmpo pob tro daeth e mlan. Doedd neb yn siwr a oedd hwnna’n rhan o’r sioe neu jwst ‘bo fe’n pallu sglefrio. Ar ôl yr egwyl, dyma Basil Brush o bawb yn mynd ffwl pelt ar yr iâ ac yn dechrau towlu anrhegion at y gynulleidfa. Chredi di byth ond ‘ice pops’ roedd e’n towlu aton ni. Gallsai fe fod wedi cael llygad rhywun mas ac myn yffach i, pwy sy isha ffycin ‘ice pops’ pan oedd y lle’n ddigon oer i’th geilliau gwmpo off – bysa ‘Fisherman’s Friend’ wedi bod yn well.

Gofynnws Ben ifi be’ ffwc oedd Basil Brush yn gwneud yn sioe ‘Snow White’; fe wetas i taw un o anifeiliaid y goedwig oedd e a ‘tasa fe’n rhegi fel ‘na ‘to, byswn i’n gweid wrth ei fam. Wi’n siwr ei fod e’n dysgu rhegi gyda’r crots ‘na sy’n ei alw fe’n ‘Ratty’ – ‘sneb arall yn y teulu’n rhegi; wel neb heblaw am Anti Eileen sy’n rhegi fel powyn ond mae mam yn gweid taw effaith y ‘prozac’ yw hwnna a ta beth i, simo ni’n cal ei gweld hi’n amal.

Gweithio bant - cywirdeb gwleidyddol

2007-12-02T16:53:00.000Z

Mae Cocwyllt yn gweid wrtho i na ddyliwn i weid pethau cas am Seisyllt a gadael llonydd iddo fe. Mae hi heb ddarllen be’ wi’n ysgrifennu amdeni hi eto. Fe glyws hi ‘bo fi’n ysgrifennu blog ond wetas i taw dim ond cyfrannu at ‘Cristnogblog’ odw i ac aiff hi ddim yn agos at hwnna. Un ffein i siarad i yw hi cofia; pan oedd Hannah Hwren yn glwc â’r dwymyn doben arni hi, fe dalws hi saith bunt i roi pwt yn y ‘Tivy-Side’ yn gweid – ‘Dymunwn adferiad buan i Hanner Evans o’i hanwylder meddyliol’ – ac wedyn rhoi llun o’r ‘elephant man’ uwchben y neges.

Fe wetas i wrthi hi i edrych am y trawst yn ei llygad hi ei hun ond aeth hwnna reit dros ei phen hi – perl o flaen y mochyn. Dyw Cocwyllt ddim yn gyfarwydd â’r dywediadau Beiblaidd ‘ma. Fe ddysgais inna lwyth o’enyn nhw pan oeddwn i’n blentyn bach yng ngwely Mr Davies, gweinidog yr Annibynwyr yng nghapel Hermon – a gwed y gwir, fe ddyliwn i gael iawndal am hwnna ond mae’r bygar wedi marw erbyn hyn.

Mae rhaid iti fod mor ofalus o beth rwyt ti’n ei weid y dyddiau hyn gyda’r peth cywirdeb gwleidyddol ‘na ac mae ysgrifennu’n fwy byth o beryg – mae popeth ar gof a chadw wedyn. Ifi yn sensro fy hunan ar y blog ac os cadwa i bant o’r Moslemiaid, fe ddyliwn i fod yn iawn. Doedd pethau ddim yn arfadd bod mor eithafol. Roedd ‘na foi yn y dafarn gartra a ‘Popeye’ roedd pawb pawb a phobun yn ei alw fe oherwydd ei lygad gwydr. Fysat ti ddim yn cael galw hwnna arno fe bellach; bysa gwarchodwyr yr unllygeidiog ar dy war. Doedd dim ots ’dag e a bysa fe’n jocan ambiti’r peth. Tynnai fe’r llygad mas, ei ddala fe wrth ei dalcen a dechrau siarad fel un o’r ‘daleks’ ‘na mas o Dr Who. Dro arall, rhoiai fe belen wen yn soced y llygad a rhedeg o gwmpas y lle’n gweiddu – ‘That’s the last fucking time I’m playing ping-pong’. Doedd y peth yn poeni dim arno fe.

Mae ‘na foi o’r enw Tommy Munchkin wedyn; y dyddiau hyn chei di ddim galw ‘munchkin’ arno fe. Wi’m yn credu y gelli di ei alw fe’n ‘Tommy the dwarf’ chwaith; erbyn hyn person bach o ran ei uchder yw e. Mae fe’n ffrind da i’r bois i gyd ac mae’n ddefnyddiol iawn. Unwaith fe ofynson ni iddo fe ddilyn Wil Coc Braich Babi i mewn i’r tŷ bach er mwyn cael tynnu llun o’i bidyn. Roedd Wil heb sylwi ei fod e yno; does neb yn gwpod ei fod e o gwmpas y lle a gwed y gwir nes bo fe’n tapo dy ben-glin i weid ‘sut mae’. Fe allai fe fod yn ysbïwr i MI6 – bysa fe’n well na James Bond; fe alla i ei weld e nawr fel milgi bach yn rhedeg ar ôl Scaramanga ac yn cnoi ei ben-ôl.

Iwan Cachu Buwch - dyna un arall iti ond wn i’m pam bysan nhw’n conan am yr enw ‘na. Does neb yn cael hwyl am ben rhyw nam corfforol; mae fe jwst yn drewi o gachu buwch. Bach o sebon a gwerthu’r fferm a bysa fe’n iawn.

Euronwy Cocwyllt a Hannah Hwren – dyna eu natur ontefe. Efallai eu bod nhw’n gaeth i ryw fel ‘sex addicts’ ac wi’n gwpod nad wyt ti ddim i fod i gael hwyl am ben ‘addicts’ ond be’ ffwc – Cocwyllt a Hwren fuon nhw imi erioed.

Wil Coc Braich Babi – mae hwnna’n fwy o ‘compliment’ a sai erioed wedi ei glywed e’n conan am yr enw; i’r gwrthwyneb, fel ‘na mae’n cyflwyno ei hunan i bawb. Mae fe’n wir hefyd; fe welson ni’r llun dynnws Tommy Munchkin ohono fe yn y tŷ bach. Dyna pam mae’n cael llwyth o fenywod canol oed ar ei ôl e a fynta’n bell dros ei ddeg a thrigain.

Mae ‘na stori am ddyn yn y Rhondda wi’n ffindo’n reit ddiddorol - ‘Judy’ mae pawb yn ei alw fe ac fe ddywa i at y rheswm yn y man. Hen ddyn yw e erbyn hyn – mewn gwth o oedran – ac mae fe’n lico wara biti a rhoi ei ddannedd doti yn niodydd pobl eraill. ‘Sneb yn meddwl bod y peth yn ddoniol neu’n glyfar a dylai fe wpod yn well yn ei oedran e. Mae pawb yn gorffod cadw golwg arno fe trwy’r amser ac os yw ei wyneb e’n cwmpo mewn, rwyt ti’n gwpod bod y ffycin dannedd ‘na mas. Mae’n uffach o sioc os maen nhw’n dod atot ti wrth yfed dy beint. Roedd ei wyrion yn ofan mynd draw idd’i weld e; dôn nhw byth yn gwpod lle bysa’r dannedd doti ‘na yn bennu lan. Siwrnai fe wnaeth e eu rhoi nhw yn ‘Readybreck’ ei wyres a phan ddethon nhw i’r golwg ar ei llwy, doedd dim taw ar ei sgrechain am oriau. Fe ddealli di erbyn hyn idd’i ddannedd e fod mas lot mwy na fuon nhw i mewn ac fel ‘na buws hi erioed.

Fe gas e’r enw ‘Judy’ pan oedd e’n ddyn ifanc di-ddannedd yn gweithio ym mhwll glo y Cambrian. Roedd y ‘pit head baths’ yn y pwll hwn yn fach a chyfyng a bu raid i’r glowyr wasgu at ei gilydd o dan y cawodydd. Ymhen amser, fe ddaeth y pwll hwn yn boblogaidd iawn gyda’r ‘gays’ yn y cwm ac yn wir, bu ddigon o’enyn nhw i ffurfio seindorf pres. Ar y dechrau roedd pawb yn galw’r dyn ‘ma’n ‘gummy’ am resymau amlwg ond gyda dyfodiad ambell i ‘gay’ muy ‘camp’ na’i gilydd, fe ddechreuson nhw alw ‘Judy’ arno fe am taw enw gwreiddiol Judy Garland oedd Frances Gumm. Dyna’r hanes y tu ôl idd’i enw fe ac mae’n wir pob gair – cris croes tân poeth.

Gweithio bant - Euronwy Cocwyllt

2007-11-29T18:55:00.001Z

Wi’n ddigon bodlon fy myd erbyn hyn; fe ddaeth Euronwy Cocwyllt i newid lle gyda Seisyllt ab Wmffre. Bydd e’n mynd i weithio ar stondin yn Ballymena a bydd Cocwyllt yn dod gyda fi i weithio ym Manceinion. Wi’n lico Cocwyllt, mae’n gwneud ifi wyrthin; rŷn ni ar yr un donfedd. Pan glyws hi enw Seisyllt, dyma hi’n gofyn yn syth a oedd e’n perthyn i Ffrwchnedd ab Horwth. Roedd yr olwg ar wyneb Mr ab Wmffre yn glasur.

Mae Cocwyllt a’i ffrind Hannah Hwren yn enwog yn y broydd Cymraeg. Nellie a Jerry mae fy mrawd yn eu galw nhw ar ôl ‘Nellie the elephant’ a’r llygoden ‘na mae Tom wrthi’n cwrso trwy’r amser. Mae hwnna’n ddisgrifiad digon teg o’r ddwy o’enyn nhw sbo. Fe wnaeth rhyw fardd neu’i gilydd englyn digri amdenyn nhw un tro ar y rhaglen radio ‘na ‘Talwrn y Beirdd’ ond wi’n ffilu’n lân â chofio fel roedd e’n mynd; bydd rhaid ifi ofyn i Hedd Hambôn i weld os yw e’n cofio.

Mae Hannah Hwren mor fach fel y bysa hi’n cwmpo i lawr y toiled ‘tasa hi ddim yn dala’r ochrau. Mae strabs Pencader yn cael hwyl am ei phen hi ac yn gweid bod hanner hwren yn well na dim – sy’n eitha ffraeth greda i. Wi’n napod Cocwyllt yn well wrth gwrs a dyna iti haden. Mae straeon yn frith amdeni yn Sir Gaerfyrddin a chyffiniau Cwm Tawe. Mae ‘na un arbennig o ddi-chwaeth amdeni ddi, Rhodri Penlan, pelen ping-pong a ‘Mars bar’ ond af i ddim i fanylion. Mae Cocwyllt yn gweid wrtho i taw nid ‘Mars bar’ ond ‘Milky Way’ oedd e a bod Rhodri Penlan yn hen ‘shithead’ am weid wrth bawb, felly taw piau hi.

Roedd hi’n arfadd carco plant Mrs Shadwick ‘Brynoernant’ pan oedden nhw’n fach a ‘sdim syndod eu bod nhw wedi troi mas fel maen nhw. Mae Esyllt - yr ifanca - o dan orchymyn ASBO ac wedi cael ei gwahardd rhag mynd o fewn pum milltir i wersyll yr Urdd yn Llangrannog. Mae Eluned wedi diflannu oddi ar wyneb y ddaear ac mae Sioned yn gweithio fel ‘pole dancer’ yn yr Emporium yn Noc Penfro. Mae Siân wedyn - yr hynaf - yn HMP Pucklechurch ym Mryste am ladd Mrs Morgan ‘Tŷ Capel’ wrth dreial baco’r car nôl i mewn i’r garej ar ôl noson mas ar yr ‘alcopops’ yng Nghastell Newydd Emlyn.

Nid un i gadw pethau iddi hi ei hun yw Cocwyllt a buws hi’n gweid wrtho i ddoe ei bod hi a’i sboner Gaz wedi ymuno â grwp o ‘swingers’ sydd yn cyfarfod pob pythewnos yn hen gapel Bethania ar bwys Pentrecagal. Mae’r Sais ‘ma - Mr Pinkleton - wedi prynu’r capel a’i droi’n rhyw fath o ‘sex dungeon’ i gyplau sy’n lico rhannu profiadau â chyplau eraill. Yn ôl Cocwyllt mae ‘na bâr priod reit barchus o’r ardal yn mynd yno – wna i mo’u henwi nhw ond mae’r gŵr wedi bod yn westai ar ‘Beti a’i Phobl’ ar fwy nag un achlysur.

Wi heb gwrdd â’i sboner Gaz ond wi’n cymryd os yw e’n debyg i Gocwyllt na fysa fe’n gallu mynd ar gefn ceffyl heb ei ladd e. Mae hi’n dal i wara rownd cofia; dim ond ers dou ddiwrnod mae hi yma ac yn barod mae hi wedi copo off â’r boi ‘ma sy’n gweithio yn ‘Shoe Zone'. Daeth hi i mewn i’r stondin y bore ‘ma wedi pinco lan er mwyn cwrdd ag e heno; mae hi’n edrych fel Miss Whiplash ar asid a bod yn onest. Wi wedi gofyn iddi beidio â chysgu gyda fe ombai ‘bo fe’n gallu smyglo pâr o ‘Doc Martins’ seis 11’s mas o’r siop ifi. Mae hi bown o gysgu ‘da fe ond fe gewn ni weld os caf i bâr o sgitsha mas o’r uniad.

Buws hi wrthi trwy’r prynhawn yn siarad am y boi ‘na o ‘Shoe Zone’. Becso mae hi na fydd ‘na ddigon i swmpo yn ei ddillad isa. Roedd hi wedi darllen yn ‘Womans Own’ am y dyn ‘ma â ‘micro penis’ ac mae’n gweid taw un fel ‘na sy’ gan Rhodri Penlan, ac mor anodd oedd hi i gael y maen i’r wal gyda fe. Wi’n credu ‘bod hi jwst yn gweid ‘na i gael dial arno fe ar ôl be’ wedws e amdeni hi a’r Mars bar. Fe wetas i wrthi hi nad oedd seis yn bwysig ond dyna hi wedyn yn awgrymu y dyliwn i dreial gweid hwnna wrth eliffant. Bwyd ar blât imi oedd hwnna ac fe ofynnais i iddi – “Odi seis yn bwysig iti te, Nellie? – a rhedeg o’ na nerth fy nhraed bach.

Gweithio bant - Sion Corn a'r 'ganja leaves'.

2007-11-26T13:45:00.000Z

Fe godson nhw ‘Santa’s Grotto’ reit ar bwys ein stondin ni Nos Iou. Dôn i ddim yn hapus ar y pryd a bod yn onest. Mae ‘na dri pheth wi’n casáu mewn bywyd – plant, athrawon a’r boi Jeremy Clarkson off y tele. Mi fydd ‘na blant o gwmpas ein stondin ni nawr fel ffycin gwyped rownd pen-ôl y fuwch – gei di weld.

Mae ‘na ddwy gân yn atsain mas o’r lle un ar ôl y llall – ‘When A Child Is Born’ gan Johnny Mathis ac wedyn Cliff Richard a’i blydi ‘Mistletoe And Wine’. Mae’n ddigon i’th ela di’n benwan. Mae Seisyllt wrth ei fodd wrth gwrs.

Daeth haul ar fryn pan ofynnws Siôn Corn a oedd want arnoi brofi ei ‘ganja leaves’. Buasai’n anghwrtais i wrthod ac felly gelwais i draw at yr ogof yn ystod yr awr ginio. Y tu fewn i ddrysau cloëdig yr ogof yr oedd Ceri Wyn (fi), Siôn Corn (Winston Ouagadougou), y ddwy ‘pixie’ sef Trixie a Dixie (Kylie a Brittany Patel) a‘r boi ‘ma â chyrn ar ei ben a phelen goch am ei drwyn – own i’n cymryd taw Rudolf oedd e ond wedws e mo’r un gair. Doedd e ddim yn moyn smoco chwaith; yr unig beth a wnaeth e a gwed y gwir oedd torri gwynt a chwistrellu’r ‘pot pourri air freshener’ dros y lle i gyd er mwyn cael gwared o’r mŵg a’r gwynt – yn anffodus, dwyt ti ddim yn cael smoco yn y canolfannau siopa erbyn hyn ‘twel, ac mae’n siwr bod ‘rei’ reit mas o’r cwestiwn.

Roedd ‘na drydydd ‘pixie’ ond mae hi wedi cael ei gwahardd o’r ganolfan tan 2110 am dwgyd ‘Kinder Surprise’ o Woolworths. Druan ohoni ond ei bai hi yw e. Dyw hi ddim yn beth neis i dwgyd o’r siopau ond mae twgyd ‘Kinder Surprise yn eitha trist – mae’r tegan rwyt ti’n ei gael y tu fewn iddo yn eitha ‘shit’ a does fawr o siocled yndo. Bysa dyn yn gallu cydymdeimlo’n well ‘tasa hi wedi twgyd tun o ‘Cadbury’s Heroes’; o leiaf bysa hi’n gallu rhannu’r rhain â’i ffrindiau.

Rown i’n ‘hedfan' pan etho i nôl ar y stondin ac roedd fy llygaid fel soseri. Wn i’m pam ond dechreuais i sylwi ar Seisyllt am y tro cyntaf – esgyrnog, croen eitha gwael, penddüynnod ar ei drwyn a ‘craters’ biti seis y ‘Grand Canyon’ ar ei wyneb. Efallai taw effaith y ganja oedd hi ond rown i’n dechrau dychmygu Neil Armstrong yn glanio Apollo 11 ar bwys ei drwyn.

Bydd rhaid ifi gadw bant o’r stwff ‘na; mae’n rhy gryf. Mae Winston wedi arfer ond dwi ddim yn smoco ‘rei’ fel arfer. Bai Seisyllt yw e; os bydd rhaid ifi weithio gyda fe lot yn rhagor, bydda i ar LSD cyn y Nadolig – mae un droed ar y llwybr llithrig yn barod.

Gweithio bant - y lleian a nytars eraill

2007-11-22T18:34:00.000Z

Dyw gweithio ar stondin ddim yn rhwydd; rwyt ti’n denu pob un nytar sy’n digwydd pasio heibio ac does bosib diengyd. Dyw hi fawr o help ‘bo fi’n gweithio gyda Seisyllt y ‘wombat’ ‘chwaith ond o leiaf, dyw e ddim yn gweid lot.

Mae’r ‘Jehovas’ yn ymwelwyr reit ffyddlon ac am nad oes ‘na ddrws i slamo yn eu hwynebau, mae’n anodd cael eu gwared nhw. Rwyf wedi treial fy ngorau glas i fod yn gas ac anghwrtais wrthyn nhw ond towlu dŵr ar gefn hwyaden yw e. O leiaf, maen nhw’n rhoi copi o ‘Watchtower’ iti ac mae hwnna’n handi i stwffo’r ‘teddy bears’ rŷn ni’n gwerthu o bryd i’w gilydd.

Ers wythnos nawr, mae’r lleian ‘ma – Sister Magdalena – yn galw heibio pob dydd. Dyw hi ddim yn prynu dim byd ond mae hi wedi cymryd ato i ac ifi’n cael clywed ei hanes i gyd. Mae hi’n bell o fod yn llawn llathen ond mae’n ddigon annwyl. Fe ddaeth hi â ‘jaffa cake’ imi ddydd Llun. Dyw hi ddim yn dod â dim byd i Seisyllt. Mae’n rhyfedd ‘bod nhw heb glosio at ei gilydd; mae’r ddau o’ nhw’n mwynhau’r peth crefydd ‘na ond wedi meddwl, mae Seisyllt yn edrych yn reit debyg i Nosferatu ac efallai ei fod e’n ela ofan arni hi.

Own i wastod yn meddwl bod lleianod yn dod fesul dwy neu dair ond mae hon ar ei phen ei hunan bach trwy’r amser. Efallai nad yw hi’n lleian go-iawn – ti byth yn gwpod gyda’r nytars ‘ma; maen nhw’n dueddol o fod bach yn ‘schizzo’. Mae’n bosib y daw hi i mewn wythnos nesa wedi gwisgo i lan fel Marie Antoinette – does wbod.

Wi erioed wedi cwrddyd â lleian o’r blaen ac mae’n anodd gwpod beth i weid. Mentrais i ofyn iddi a oedd hi wedi gweld ‘The Sound of Music’ ond camgymeriad mawr oedd hwnna; yn sydyn reit fe ddechreuws hi ganu ‘Climb Every Mountain’ ar dop ei llais. Mae nytars yn dueddol o wneud hynny; fe ganan nhw am y rheswm lleiaf. Dyna le’r oedd hi reit o flaen y stondin yn canu ‘Climb every mountain, recall every dream’ a finna’n pallu credu’r peth. Bu raid ifi dorri ar ei thraws hi a gweid - ‘It’s “Climb every mountain, ford every stream” - get a grip!’ – ond chymerws hi ddim owns o sylw ohono i a chario ‘mlan i ganu mas o diwn a chyda’r geiriau gwneud yn ôl ei ffasiwn hi ei hun. Bu pawb yn dishgwl arni hi ac yn pasio heibio yn reit glou. ‘Sdim syndod ‘bod ni heb werthu dim byd.

Bues i’n gweithio yn Portsmouth unwaith ac mae’r lle ‘na yn llawn dop o bobl gloff am ryw reswm. Mae ‘na fwy o bobl mewn cadair olwynion yno nag sydd ‘na o ddefaid yng Nghymru ac maen nhw’n beryg bywyd – pob un wan jac o’nhw. Mae'r ganolfan siopa fel trac rasio i'r anabl.

Roedd un o'enyn nhw - Mr Cruickshank - yn dod i lan at y stondin pob dydd ac yn mynd 'mlan a 'mlan am oriau bwygilydd am ei brofiadau yn y llynges Brydeinig. Er hynny, roedd hi’n ddigon rhwydd cael gwared o ge ‘taswn i’n dechrau blino ar ei ddwli – own i’n dod mas o’r stondin, troi ei gadair rownd cwpwl o weithiau, ei hwpo fe yn y lifft, gwasgu’r botwm i’r trydydd llawr a cherdded bant. Fel arfer, fe gymerai hi biti dwy awr cyn iddo fe ddod o hyd ifi eto.

Fe ddyliwn i fod yn weithiwr cymdeithasol neu’n un o’r ‘psycho nurses’ ‘na. Mae gen i hen ddigon o brofiad o ddelio â nytars ac wi’n eitha amyneddgar weithiau. Mae’n debyg ‘bo fi’n boblogaidd gyda nhw hefyd ac mae hwnna wastod yn help. Dyw hi fawr o job odi fe – byswn i’n eu rhoi nhw mewn ‘straightjacket’ a bant â nhw i’r seilam ‘tasan nhw’n dal i wara lan. Mae hwnna’n lot gwell na gadael iddyn nhw grwydro i’r lle mynnon nhw i godi gwrychyn pawb. Wi’m yn deall y bobl ‘na sy’n mynd ‘mlan biti ‘gofal yn y gymuned’ – ‘sneb yn gofalu amdenyn nhw a dim ond dy bisho di off na' nhw yn y diwedd.

Gweithio bant - gwely a brecwast

2007-11-19T18:30:00.000Z

Mae’r cymylau duon wedi dechrau cronni; byddwn ni’n cael ein towlu mas o’r gwely a brecwast gerfydd ein ceilliau ddydd Mercher. Gwae ni, ond bydda i’n falch o symud a gwed y gwir; mae’r lle’n oerach nag aros mewn ffycin iglw.

Buon ni’n cael problemau gyda’r fenyw sy biau’r lle. Wampen o fenyw od ar y naw yw hi; fe ddaeth hi i lan aton ni ddoe yn gweid na alliff hi gysgu’n sownd yn ei gwely ar ôl dod o hyd i farciau llosgi sigaret ar y ‘duvet’ a sylwi bod y meicrodon wedi chwythu ei blwc. Mae hi’n poeni y byddwn ni’n llosgi’r tŷ i’r llawr. Wn i’m beth sy’n bod arni – fe fysa un rhech mas o’i thin mawr tew yn ddigon i ddiffodd unrhyw dân.

Y bore ‘ma dyma hi’n gweid bod y ‘room deodorizer’ wedi diflannu hefyd a bod ‘skid marks’ ar ochr pan y toiled bob bore. Efallai ei bod hi’n meddwl bod y ddou beth yn gysylltiedig.

Own inna wedi sylwi ar y ‘skid marks’ yn y tŷ bach a bai Seisyllt yw e; mae’n bwrw ochr y pan bob tro mae’n cael cachiad – mae’n rhaid bod twll ei din e yn y lle anghywir. Fe wedas i wrtho fe i iwso’r brwsh i glau’r ffycin peth ar ei ôl e ond wnaiff e ddim gryndo ar ddim byd weda i.

Fi dorrws y meicrodon ond damwain oedd hi; rown i’n siwr ‘bo fi wedi tynnu’r clawr off y ‘treacle pudding’ cyn ei roi e i mewn. Ffrwydrodd yr effin peth hanner ffordd trwy ‘I’m a Celebrity – Get Me Out Of Here’. Bu bron imi gael harten a dyna pam bod ‘na dwll sigaret yn y ‘duvet’ – fe neidiodd y ffag mas o’m llaw ac own i’n ffilu ffindo fe wedyn. Fe alla i weld ei phwynt hi biti’r meicrodon ond mae’r twll yn y ‘duvet yn weddol o fach; dyw e ddim fel ag yr own i’n smoco sigar yn y gwely.

Fi gas wared o’r ‘Ambi Pur’ neu’r ‘room deodorizer’ hefyd. Teclyn oedd hwn a fu’n gollwng gwynt cas i’r awyr pob hanner awr. Mae’n swnio fel ci yn rhechain ac wedyn mae’r gwynt ‘ma sy’n drewi’n waeth na phwrs hwren yn llanw’r ystafell i gyd. Own i’n meddwl taw bai Seisyllt oedd e ar y dechrau ond protestiodd e’n ffyrnig taw nace fe oedd e. Yn y diwedd fe ddethon ni o hyd iddo fe, wedi’i gwato ynghanol pot o flodau plastig ar dop rhyw silff – syth i’r bin tu fas aeth e.

Sim ots ‘da fi ‘bod hi’n mynd i’n towlu ni mas; mae hi’n oer a sdim ‘remote control’ ar gyfer y teledu. Mae hi mor oer fel ‘bo fi’n gorffod cwtsho lan yn y gwely gynted ag ifi’n cyrraedd nôl bob nos. Yr unig broblem wedyn yw bod rhaid imi watsho ITV trwy’r nos am bod Seisyllt yn rhy bwdwr i gwnnu lan i newid y ffycin sianel.

Gobeithio y cewn ni rywle twymach – sai’n lico’r oerfel o gwbwl. Mae ‘na air yn Sbaeneg ‘friolero’ sy’n disgrifio rhywun sy’n teimlo’r oerfel ac rwyf inna’n un o’r rhain – i aralleirio un o ganeuon Cerys Mathews o Catatonia - ‘Every day when I wake up, I thank the Lord I’m not a fucking Eskimo’

Gweithio bant - Seisyllt ab Wmffre

2007-11-16T13:52:00.000Z

Dôn i ddim yn meddwl y celen i gyfle i flogio tan y Nadolig ond rwyf wedi dod o hyd i gyfrifiadur yn y llyfrgell ‘ma yn Redditch ar bwys Birmingham, felly dyma fi nôl ar y blog i chwydu fy mherfedd - mae angen bach o therapi arno i.

Rwyf wedi dechrau gweithio ar stondin yn y ganolfan siopa ond yn anffodus mae rhaid ifi weithio gyda’r brych ‘ma o’r enw Seisyllt ab Wmffre. Wn i’m amdanot ti ond wi’n meddwl bod hwnna’n enw ffycin stiwpid; pan wnaeth e gyflwyno ei hun imi rown i’n meddwl bod nam ar ei leferydd. Fe ofynnais i iddo fe a oedd pobl yn tynnu ei goes oherwydd ei enw ond wnaeth e jwst edrych arno i’n syn – own i ddim yn ei feddwl e’n gas ac fe dreiais i awgrymu bod ei enw fe bach yn rhyfedd, ond roedd e’n pallu gweld hynny. Lwcus na chas e mo’i eni yn f’ardal i; fe fysa plant y pentref yn gadael llonydd i Jeremiah Snotgrass a phigo ar Seisyllt druan – sdim dowt biti hwnna.

Wi ddim yn credu ei fod e’n fy lico i ryw lawer; dyw e ddim yn gweid gair wrtho i – man a man ifi siarad â’r wal. Ma fe’n eistedd wrth fy ochr i ar y stondin yn darllen y Beibl trwy’r dydd; rwyf innau’n darllen ‘Viz’ – mae hwnna’n reit ddifyr. Er mwyn tynnu arno fe, fe ofynnais i a oedd ei lyfr e’n reit ddifyr hefyd a dyma fe’n ateb nôl yn eitha swrth taw llyfr yr Arglwydd oedd e. Roedd hwnna’n ormod o demtasiwn ifi ac fe wetas i fy mod i wedi darllen ‘The Fellowship of The Ring’, ond heb gael gyfle i ddarllen y ddou arall eto. Os felly – dyma fe’n slamo’r Beibl i lawr a cherdded off am awr a hanner. Mae’n amlwg bod mwy o synnwyr digrifwch gyda’i rieni nag sy gyda fe.

Dyw pethau ddim yn gwerthu’n rhy dda ar y stondin ac ychydig o arian rŷn ni’n ei wneud. Er mwyn helpu’r achos ryw ychydig fe etho i i ‘Poundshop’ echddo a phrynu llwyth o jars coffi am bunt yr un a’u rhoi nhw ar ein stondin ni a’u gwerthu nhw am £2.50. ‘Sdim rhagor i gael yn ‘Poundshop’, felly maen nhw’n gwerthu’n reit dda gyda ni. Fe wetws Seisyllt wrtho i fy mod i’n anfoesol yn gwneud shwt beth ond rwyf i wedi ei weld e’n pigo ei drwyn ac yn glanhau’r baw ar ei drwser ac wi’n meddwl fod hwnna’n waeth o lawer, felly pwy yw e i weid dim.

Mae gen i bythewnos arall fan hyn cyn symud mlan i Fanceinion a gobeithio na fydd e gyda fi yn y fanna. Dyw e ddim yn berson hawddgar. Fe soniais i wrtho fe fy mod i’n ysgrifennu blog o bryd i’w gilydd ond fe wetws e’n syth nôl y bysa’n well gynto fe gael ei garcharu yn ‘Guantanamo Bay’ na darllen dim byd gen i. Rwy’n ei gredu fe hefyd, felly fi alla i weid beth wi’n moyn biti’r pwrsyn digywilydd – fydd ei fawr callach

Ymddiheuriadau

2007-11-09T16:08:00.000Z

Bore heddi fe wnetho i flog a rhoi fideo arno biti’r boi ‘ma o Lanelli oedd ar X-factor. Roedd e’n ‘camp’ ofnadwy ac fel y gwetas i ar y blog yn swno fel Dale Wilton yn canu ag ‘aubergine’ i lan ei din. Mae neges yn dod i lan nawr yn gwed nag yw’r fideo ar gael rhagor er ei fod ar gael o hyd ar ‘youtube’. Rwyf wedi dileu’r blogiad i gyd. Wi’n gobitho taw rhyw glitsh oedd hwnna ond mae fe wedi gwneud ifi feddwl. Er imi roi’r fideo ar y blog am ifi weld y boi yn reit ddifyr a doniol, fe all pobl eraill ei weld e’n sarhaus a di-barch ato ac ymddiheuriadau lu os felly maen nhw’n ei weld e. Simo fi'n moyn tynnu'n groes i neb.

Tueddu i ysgrifennu a’m tafod yn y boch ydw i ac yn gweld rhai pethau’n ddoniol na ddyliwn i o bosibl. Pan gollws fy wncwl Samuel ei fraich dde mewn damwain, fe wetas i wrth fy mrawd - o leiaf fe fydd hwnna’n ei wneud e’n llai o wancer nawr - mae hwnna’n ddoniol ifi a’m brawd ac i wncwl Samuel a gwed y gwir ond nid i bawb.

Ta p'un i, fe fydda i’n gweithio bant yfory, felly dyma ddiwedd y cyfnod blogio ‘ma – efallai bydda i nol adeg Nadolig, gawn ni weld. Mae fy mos wedi ela tocyn ato i i fynd i Birmingham yfory a dim ond £5.00 gostiodd yr effin tocyn iddo fe - mae fe'n dynn ei boced 'twel; bydda i'n cyrraedd Victoria Station yfory ac fe fydd 'na geffyl a chert yn aros amdano i siwr o fod. Bydda i'n dod nol i Lundain o Newcastle Upon Tyne, ac os caf i'r un math o docyn fe fydd hi'n flwyddyn newydd arno i'n cyrraedd yma.

Vegetable designer cutters & condoms

2007-11-06T16:23:00.000Z

Bydda i off yn gweithio yng Nghanolbarth a Gogledd Lloegr tan y Nadolig, felly prin fydd y blogio am sbelen. Wi ar gytundeb gwaith ‘ta chwmni arall ar hyn o bryd ond mae’r gwaith yn dod i ben pythewnos cyn y Nadolig, felly wi’n mynd i roi'r gorau i hwnna a mynd i weithio i'r cwmni arall ‘ma.

Bydd y job wi'n ei wneud nawr yn ail-ddechrau ym mis Ionawr, felly rown i isha esgus i bennu’n gynnar heb eu hypseto nhw. Bues i dros y penwythnos yn treial meddwl am rywpeth i weid ac yn diwedd wedas i wrthyn nhw fod fy nhad wedi manglo ei law yn y peiriant torri gwair ac am fod fy mrawd ar gwrs dysgu cneifio yn Awstralia am fis, roedd angen ifi fynd adref i helpu ar y fferm. Wi’n meddwl ifi ddod bant ag e – roedden nhw’n swnio’n eitha ‘sympathetic’. Wi’n dueddol o fynd dros ben llestri wrth wilo am esguson ond wi’n credu ifi fwrw’r hoelen ar ei phen y tro hyn.

Gweithio i gwmni nid anhysbys o Orllewin Cymru bydda i nawr. Bob Nadolig mae’r cwmni yn rhentu gofod mewn amryw o ganolfannu siopa ac mae biti deg o’ni mewn canolfannau gwahanol yn gwerthu stwff reit neis a gwed y gwir - hynny yw pawb heblaw amdano i. Bob blwyddyn mae’r bos yn cael stoc ychwanegol o rwtsh cefn lori a dyna beth sy’n cael ei werthu ar fy stondin i.

Eleni mae fe wedi cael llwyth o ‘vegetable designer cutters’ oddi wrth Don Iago ‘Corleone’ Edwards o Lanymddyfri. Teclyn yw hwn sy’n torri, pilo a chreu siapau neis gyda llysiau a ffrwythau. Wi i fod i roi ‘presentation’ bob awr a hanner ar y stondin er mwyn dangos i’r bobl pwy mor glyfar yw’r peth hyn ond wi wedi bod yn practiso ers wythnos ac wi’n gwneud cabolach llwyr mas o’r courgettes ac mae sudd y tomatos yn mynd dros bob man. Fe alla i jwst abowt pilo taten ‘ta’r peth ond mae’n gloiach i iwso cyllell cyffredin a gwed y gwir wrthot ti.

Rŷn ni’n gwerthu’r peth am £9.99 – meddylia shwt wyneb sy dag e! Am hyn rwyt ti’n cael y teclyn bach arall ‘ma am ddim sydd i fod i dynnu’r galon mas o afal! Wi jwst yn torri’r afal yn shwps bob tro wi’n treial wpo’r ffycin teclyn yndo fe. Wi’n credu y gwna i roi’r fideo mlan i ddangos i bobl – bydden ni’n siwr o werthu mwy fel ‘na, ac wi’n ei gweld hi’n wast o fwyd da os wi’n gorffod ei wneud e. A bod yn onest pwy sy isha tomato a melon mewn siap calon, wedi’r cwbl.

Y llynedd oedd y gorau - fe gas e focseidi ar ben bocseidi o hen stoc ‘Ann Summers’ mewn ocsiwn yn Llanrhaeadr ym Mochnant. Dim ond fi ac Euronwy Cocwyllt o Bentrecagal oedd yn folon gwitho ar y stondin hwnnw – roedd gormod o gywilydd gin bawb arall ond fe joion ni mas draw.

Fe fuon ni’n gwerthu ‘vibrators’, ‘dildoes’, ‘crotchless panties’ a llwyth o bethau ecsotig. Y peth gorau oedd y ‘glow in the dark condoms’. Ar ôl y diwrnod cyntaf pan oen ni nôl yn y fflat, fe etho i’r bathrwm a gweitho min ar fy mhidyn, rhoi’r condom ffliwresent ‘ma mlan a diffodd y golau. Ti’n gwpod be’ – maen nhw’n gweithio hefyd. Fe weiddiais i ar Euronwy i ddod i mewn idd’i weld e, ac yn wir iti, fe fuws y ddou o’ni yn ein dyblau’n chwerthin hyd nes ifi golli'r min a'r condom yn slipo off.

Ar y stondin y bore wedyn, fe roion ni gondom ar un o’r dildoes a'i roi e mewn bocs cardbord a thorri twll bach yndo fel y gallai pawb bipo i mewn idd’i weld e’n sheino. Roedd y bocs ‘na yn boblogaidd iawn ac fe werthon ni mas o bob un condom, ac yn wir iti roedd ‘na gannoedd ohonyn nhw. Gobeithio bod y bos yn sylweddoli pwy mor dda rŷn ni’n gwerthu’r stwff hyn.

Dyfyniadau

2007-11-04T14:03:00.000Z

Fe fues i’n pori dros wefan yr AFI neu’r ‘American Film Institute’ ac yn 2005 fe wnethon nhw holi rhyw 1,500 o artistiaid, beirniaid ac haneswyr er mwyn ffindo mas pwy ffilmau sydd â’r dyfyniadau mwya cofiadwy a phoblogaidd. Mae cant o ddyfyniadau ar y rhestr ac rwy’n gyfarwdd a nifer go lew o’enyn nhw. Mae’n rhwyddach gweld y rhestr fan hyn.

Mae gan ‘Casablanca’ fwy o ddyfyniadau na’r un ffilm arall ac wedyn mae gan ‘Gone With The Wind’ chwech a thri sy gan ‘The Wizard of Oz’. Y dyfyniad mwya poblogaidd ac yn rhif 1 yw hwn:

“Frankly my dear, I don’t give a damn – Rhett Butler (Clark Gable), Gone With The Wind (1939).

Wrth gwrs, mae pawb yn mynd i hollti blewyn dros restrau fel hyn ac yn gweld colled eu ffefrynnau nhw, ond bach o hwyl yw hi ontefe. Dyma rai dyfyniadau wi’n eitha lico na chas le ar y rhestr:

“Shelter me, O Lord. I trust in you. In you I take refuge” – Jesus (James Caviezel), The Passion of Christ (2004)

"Aaaarrrrrhhh" - Linda Lovelace (Herself), Deep Throat (1972)

"Goodnight Maria, I'm sure you'll make a very fine nun" - The Baroness (Eleanor Parker), The Sound of Music (1965)

“Did you see what she did, your cunting daughter!” – Regan MacNeil (Linda Blair/ (llais) Mercedes MaCambridge), The Exorcist (1973)

“God you look rough this morning Mr Merrick. Have you been down the wine cellar again” – Dr Frederick Treves (Anthony Hopkins), The Elephant Man (1980)

“Wednesday, play with your food” – Morticia Addams (Angelica Huston), The Addams Family (1991)

“Be careful with that fucking axe, Tin Man” – Dorothy Gale (Judy Garland), The Wizard of Oz (1939)

"I think we may have made a mistake leaving the Shire, Pippin" – Merry (Dominic Monaghan), The Lord of The Rings: The Two Towers (2002)

“I’ll get you, you little fucker” – Sylvester The Cat ([llais] Mel Blanc), Sylvester and Tweetie Pie (1942)

Un o’m hoff ddywediadau i erioed yw rhywpeth wedws rhyw ffrind imi o’r cymoedd ‘slawer dydd. Un diwrnod roedd biti wyth ohonon ni’n cerdded ar hyd y rheilffordd ac fe geson ni ein dala am drespasu. Ymhen amser, bu rhaid inni i gyd fynd o flaen rhyw lys arbennig i blant a sefyll mewn rhes o flaen yr ynadon hyn a’n mamau i gyd y tu ôl inni – y fath gywilydd. Ar ol i’r ynadon fynd trwy eu pethau yn gweid pwy mor beryglus oedd cerdded yn y fath le bla bla bla, dyma nhw’n gofyn inni a hoffen ni weid rywpeth. Isha inni weid ‘sorry’ neu ‘wnai i byth mo fe ‘to’ oedden nhw wrth gwrs a dyna a wnaed – pob un ohonon ni’n gweid ‘sorry’ un ar ôl y llall - hynny yw, pawb heblaw am David Thomas a wedodd ‘I’m sorry, I don’t know what came over me’.

Fe byrston ni i gyd mas i wyrthin pan wedws e hwnna, a bu gwên ar wyneb yr ynadon hyd yn oed. Mae cof hir gin bobl y cymoedd a hwnna fydd ar ei garreg fedd e siwr Dduw iti - er parchus cof am David Thomas - He doesn’t know what came over him.

James Bond - 007

2007-11-02T20:54:00.000Z

Fe fues i’n gweithio yn Nwyrain Llundain ddoe tan 10 o’r gloch y nos ac wedyn rown i’n gorffod dala’r bws i fynd nôl i mewn i’r gwaith am bedwar o’r gloch bore heddi. Mae'r bastards yn treial fy lladd i - wir yr, ond beth all dyn ei wneud. Penderfynais i nad oedd fawr o bwynt mynd i’r gwely, felly arhosais i lan yn watsho dwy ffilm James Bond ar y we tan y bore bach.

Wi ddim yn cofio beth oedd enw un o’r ffilmiau ‘ma ond Roger Moore oedd Bond a’i wejan e oedd yr actores Jane Seymour. Fel mae’n digwydd, wedodd Rob wrtho i unwaith taw dyn oedd Jayne Seymour ac iddo gael triniaeth feddygol ym Moroco i droi’n fenyw ond fe ddarllenais i amdeni yn y wicipedia ac dyw hynny ddim yn wir. Er mwyn gneid yn siwr, wi newydd ddod off y ffôn ‘da Rob ac ma’ fe’n gweid erbyn hyn taw nid Jane Seymour yr actores oedd wedi mynd trwy’r newid ond Jayne Seymour, un o wragedd Harri’r 8fed - dyw hwnna ddim yn wir chwaith yn ol y wicepedia, er ‘sa ti ‘n gweld llun ohoni hi mae’n ddigon hawdd credu’r peth.

Mae Rob yn un am dynnu coes a wilia dwli ar y gorau fel bo fe’n anodd gwpod os yw e’n gwed y gwir neu beidio weithiau. Wi ddim yn mynd i gretu dim byd wetiff e ragor ombai bo fi’n ei ddarllen e yn y ‘Daily Mail’ neu’r wicipedia.

Yr ail ffilm welais i oedd ‘On Her Majesty’s Secret Service’ a rhyw foi o’r enw George Lazenby oedd 007 yn hon, ac mae fe’n priodi Diana Rigg sydd yn cael ei lladd gan Blofeld ne rywun ar y diwedd. Heblaw am briodi Diana Rigg, sai’n cofio dim byd arall am y ffilm a gwed y gwir a dim ond neithiwr gwelas i ddi. Dangos pwy mor wael oedd y ffilm yw hwnna, mae’n debyg.

A gwed y gwir roedd y ddwy ffilm yn eitha gwael ac wedi dyddio’n ofnadw. Wedi eu dybio i’r Sbaeneg oedden nhw ac fe weta i wrthot ti - mae’r Sbaenwyr a’r Latinos yn ddybwyr penigamp fel arfer a bysach chi’n tyngu taw iaith gynta naturiol Robert de Niro a Meryl Streep yw’r Gastilaneg ‘sa chi’n pipo i mewn idd’u gweld nhw ar y sgrîn fawr mewn sinema yn Buenos Aires neu Madrid. Yn anffodus, roedd y dybwyr yn feddw racs pan ddybon nhw’r ddwy ffilm llawn dwli ‘ma a bu’r syncroneiddio dros y lle y gyd gyda’r lleisiau yn dod sbel ar ôl i’r actorion gau ceg.

Rwyf wedi gwed o’r blaen taw gwylio ynteu lawrlwytho ffilmiau off gwefanau Sbaeneg ifi’n ei wneud ac mae na ddolennii ar ochr y blog os oes diddordeb ‘ta rhywun. Er hynny mae petha’n mynd o ddrwg i waeth a ‘sgetyn roedd shaw o ffilmiau gwych ar gael ond erbyn hyn mae’r ffilmau newydd ond yn aros am ddiwrnod os wyt ti’n lwcus cyn iddyn nhw gael eu dileu am dorri hawlfraint.

Welais i ‘The Godfather’ wythnos ddwetha ac wedyn etho i ati i lawrlwytho ‘Godfather 2’, sydd i fod cystlad â’r un gynta yn ôl y sôn, ond roedd y gwarchodwyr hawlfraint wedi dileu’r ffilm oddi ar y wefan a hynny o fewn pedair awr - y bastards digwilydd ishta ag ŷn nhw.

Geso i ffrae unwaith gyda rhywun oedd yn gweid bo fi’n cefnogi ‘drug barons’ yn Columbia wrth gefnogi’r gwefannau ‘ma ond sai’n gweld shwt a ta p’un i, simo fi’n angel ac a gwed y gwir, un o'r teip odw i ‘sa ddim yn gwed dim byd taswn i’n cael gormod o newid am fy arian yn y siop gornel; er hynny ac er profi fy enw da, wi yn helpu elusennau pob wythnos wrth wara’r loteri, felly mae fy nghydwybod yn glir.

Un peth rwyf wir yn ei erbyn yw’r ffaith ‘bo na adran porno ar y gwefannau 'ma erbyn hyn. Sai’n cytuno â hynny o gwbl am fod ‘na ffilmiau i blant fel ‘Batman’ a ‘Spiderman’ ar gael hefyd sy’n denu plant at y gwefannau ‘ma. Welais i un o’r enw ‘surprise pour la demoiselle’ pwy ddiwrnod er mwyn gwella fy ffrangeg ryw ychydig ond doedd fawr o siarad Ffrangeg yndo’r ffilm a bod yn onest, a buo raid ifi droi ‘r peth bant ar ôl ugain munud a gadael neges ar y fforwm ymwelwyr yn gweid fod e’n ‘disgusting’ a bod defnyddio neidr byw mewn un olygfa yn greulon, diangen ac yn fwy o sypreis i’r anifail druan na’r 'demoiselle' - siwr Dduw iti.

Mae Xtube i gael am y stwff ‘na wedi’r cwbl lle mae ‘na fwy o amrywiaeth a llai o gamdrin anifeiliaid - ac mae’r bwffro yn lot gloiach ‘ed.

Y cythraul canu

2007-10-23T00:32:00.000+01:00

Etho i i gyfarfod ‘Cymdeithas Drama Battersea' heddi. Diwrnod pwysig iawn oedd hi i bawb am taw heddi roedden ni’n dewis y prif ran yn ein cynhyrchiad Nadolig o’r ‘King and I’ gan Rodgers & Hammerstein.

Rown i wir isha cael fy newis i wara’r brenin o Siam. Bues i wrthi’n ddiwyd yn dysgu dawnsio a chanu mewn tiwn – ac fe wetas i wrth y pwyllgor dethol y byswn i’n folon siafo fy mhen yr un fath â Yul Brynner yn y ffilm pe bai raid – ac a gwed y gwir ac heb fod yn ben bach rwy’n credu ifi gael fy ngeni i wara’r rhan hon.

Ond gyfeillion, dyw bywyd ddim yn deg a phwy gas ran y brenin o Siam ond Michael (gwyneb mong) Stevens.

Mae cywirdeb gwleidyddol yn mynd yn rhy bell weithiau ac fe wetws Martin (gobshite) Lewis, y cyfarwyddwr, y dylai’r brenin fod yn benfoel a diniwed ac am fod Michael yn dioddef o ‘leukaemia’ a dim blewyn ar ei ben a llai byth o sens yndo - yn ei e farn e, roedd e’n berffaith am y rhan ac doedd ffwc all o ots ‘dag e nag oedd e’n gallu siarad, canu ne’ ddawnsio yn well na mwnci ag un goes, dim ceg ac un fraich - fe ddyla wara’r brenin.

Mae Martin wedi cynnig rhan imi fel un o weision y brenin yn dala picwarch ne' rywbeth y tu ol iddo fe, ond fe alliff e fynd i gael wanc yn borcyn ar dop rhyw 'iceberg' os yw e'n credu 'bo fi'n mynd i wara ail ffidl i Michael y mong.

Dal i ddod drost y peth ydw i ond licswn i weid un peth - wi’n lico ‘musicals’ ac wi’n gwpod nag ŷn nhw at ddant pawb ond 'so na’n gweid ‘bo fi’n ‘gay’ ne’ ddim byd fel ‘na – jwst bod y plentyn yndo i’n dal i joio bywyd y ffair a’r ceffyla bach.

Nag yw i’n dala dig - ond daw dydd a’r diwrnod hwnnw fe gaiff pawb fy ngweld yn canu nerth calon mewn sioe ar ‘Broadway’ ne’r Stiwt yn Rhosllanerchrugog ac fe fydd y gymeradwyaeth yn fyddarol.

Ti gei di weld Martin Lewis y coc oen ishta ag wt ti - daw dydd y bydd mawr y rhai a gas gam!

Y blog barddol

2007-10-21T17:42:00.000+01:00

Dyma gerdd rwy’n eitha hoff ohoni. Rwyf wedi rhoi cynnig ar ei chyfeithu o’r Sbaeneg gwreiddiol ond dwi fawr o gyfieithydd ac yn llai byth o fardd ond fe gei di’r syniad y tu ôl iddi.

Mae hon yn un un o’r ychydig gerddi wi’n gallu deall a gwed y gwir – rwy’n ffilu gwneud na phen na chwt o gerddi fel arfer, yn enwedig rhai’r Gymraeg.

Enw’r gerdd yw ‘Instantes’ ac arferid credu taw’r bardd Jorge Luis Borges o’r Ariannin oedd yr awdur ond mae’n debyg nad yw hyn yn wir. Nid oes neb yn gwybod i sicrwydd pwy yw’r awdur, ac felly does dim rhaid ifi boeni am yr hawlfraint – er na fysa hynny yn becso rhyw lawer arno i.

Adlewyrchiad ar fywyd gan ddyn 85 oed yw’r gerdd ac ynta’n sôn am y pethau yr hoffai newid yn ei fywyd pe câi ail-gyfle.

Yn bersonol, wi ddim yn deall y bobl ‘na sy’n gweid na 'nelan nhw newid dim byd; byswn inna’n newid llwyth o bethau yn fy mywyd. Fyswn i ddim wedi mynd ar y trip ysgol ‘na i weld y ddrama ddirdynnol o sych ‘Dr Faustus’ am un peth – ‘swn i’n cael diwrnod off yn esgus bod yn dost wir Dduw iti. Fyswn i ddim yn cyfaddef wrth mam taw fi dorrodd y peiriant golchi chwaith –roedd hwnna’n ddrama yndo 'i hun. Wrth ail-fyw’r peth fe fyswn i’n rhoi’r bai ar fy chwaer. Fe allwn i fynd mlan a mlan ond dyma’r gerdd:

Si pudiera vivir nuevamente mi vida.

En la próxima trataría de cometer más errores.

No intentaría ser tan perfecto, me relajaría más.

Sería más tonto de lo que he sido,

de hecho tomaría muy pocas cosas con seriedad.

Sería menos higiénico.

Correría más riesgos,

haría más viajes,

contemplaría más atardeceres,

subiría más montañas,

nadaría más ríos.

Iría a más lugares adonde nunca he ido,

comería más helados y menos habas,

tendría más problemas reales

y menos imaginarios.

Yo fui una de esas personas que vivió sensata

y prolíficamente cada minuto de su vida;

claro que tuve momentos de alegría.

Pero si pudiera volver atrás trataría

de tener solamente buenos momentos.

Por si no lo saben, de eso está hecha la vida,

sólo de momentos; no te pierdas el ahora.

Yo era uno de esos que nunca

iba a ninguna parte sin un termómetro,

una bolsa de agua caliente,

un paraguas y un paracaídas;

si pudiera volver a vivir, viajaría más liviano.

Si pudiera vivir nuevamente

comenzaría a andar descalzo a principios

de la primavera

y seguiría descalzo hasta concluir el otoño.

Daría más vueltas en calesita,

contemplaría más amaneceres,

y jugaría con más niños,

si tuviera otra vez vida por delante.

Pero ya ven, tengo 85 años y sé

que me estoy muriendo.

Pe cawn fyw fy mywyd eto,

y tro nesaf ceisiwn wneud mwy o gamgymeriadau.

Ni cheisiwn fod mor berffaith, gorffwyswn yn fwy.

Byddwn yn fwy gwirion na’r hyn ‘rwyf wedi bod,

mewn gwirionedd cymerwn lai o bethau o ddifrif.

Byddwn yn llai cysetlyd.

Byddwn yn ei mentro hi’n fwy,

gwnawn fwy o deithiau,

syllwn ar y cyfnos yn fwy aml,

dringwn fwy o fynyddoedd,

nofiwn fwy o afonydd.

Awn i fwy o leoedd na fues i erioed,

bwytawn fwy o hufen iâ a llai o ffa,

cawn fwy o broblemau go iawn,

a llai o rai dychmygol.

Bûm yn un o’r bobl a fu fyw yn synhwyrus

a chynhyrchiol bob munud o’i fywyd;

wrth gwrs cefais adegau o lawenydd;

ond pe gallwn droi’r cloc yn ôl, ceisiwn

fyw’r adegau gorau yn unig.

Oherwydd onis gwyddoch yn barod, dyna yw bywyd,

dim ond adegau; paid â cholli’r awr hon.

Roeddwn yn un o’r rhain nad âi byth

i unman heb thermomedr,

potel dŵr poeth,

ymbarél a pharasiwt;

pe cawn fyw eto, teithiwn yn fwy ysgafn.

Pe cawn fyw fy mywyd eto

dechreuwn gerdded yn droednoeth

ar ddechrau’r gwanwyn

a pharhawn felly hyd ddiwedd yr hydref.

Awn rownd a rownd ar y ceffylau bach,

syllwn ar doriad y dydd yn fwy aml,

a chwaraewn gyda mwy o blant,

pe cawn fywyd arall o’m blaen.

Ond ‘rwyf yn 85 oed, gwelwch chi, a gwn

fy mod yn marw.

Llofrudd yn y cartref

2007-10-19T22:34:00.000+01:00

Ddydd Sadwrn diwetha fe ddath Pablo gytra ‘ta’r byjerigar ‘ma. Gweithio gyda’r boi o’r enw Axier mae Pablo ac ryn ni'n edrych ar ôl Peti ei fyji tra bo fe ar ei wyliau am bythewnos; ond rŷn ni wedi ffwco lan go-iawn - its a dead parrot, chwedl Monty Python.

Does wbod shwt nath Julietta y gath agor y caetsh, ond mae’n gallu agor y ffrij ac ma’ hwnna’n reit anodd, ac felly mae’n siwr nad oedd y caetsh yn fawr o drafferth iddi.

Does yr un ohonon ni yn gwpod be’ i neud nawr - mae’n deip o beth rwyt ti’n ei weld mewn comedi lle bo pobl yn rhoi aderyn arall yn y caetsh yn ei le fe a’r un o’enyn nhw yn cofio pwy liw oedd y ffycin byji i ddechra.

Petirrojo oedd ei enw fe (er taw Peti oedd pawb yn ei alw fe) ac ystyr hwnnw yn y Gymraeg yw robin goch ond gwi ddim yn cofio gweld lliw coch arno fe – roedd ‘na ddigon o liw coch arno fe ar ôl i’r gath gael gafael yndo, sai’n gweid llai, ond fe shoton ni’r hyn oedd ar ôl o’ano fe i lawr y shwt sbwriel yn ddigon cloi.

Dylsen ni fod wedi edrych ar ba liw oedd ei blu ond wi’m yn credu y bysa prynu byji newydd o’r un lliw yn twyllo neb.

Mae Xosé a finna’n gallu gweld yr ochr ddoniol i’r peth ond mae’n rhy fuan i Pablo eto – fe wedi’r cwbl sy’n gorffod egluro’r peth i Axier.

Dyna fu ei diwedd hi, buo rhaid inni gael gwared o’r gath wedyn – ‘sneb isha llofrudd yn y ty oes e. Mae pysgodyn aur gyda ni ers chwe mis a chas hi erioed afael yndo fe ond mater o amser yw hwnna, ac fel arfer mae’r tri ohonon ni bant drost y Nadolig ac Axier sy’n gofalu am y gath ond fydd e ddim yn fodlon gwneud hynny nawr - siwr Dduw iti.

Fe ethon ni lan gyda hi yn ei chawell i ‘Battersea Dogs Home’ neu Battersea Dogs and Cats Home fel mae’n cael ei alw erbyn hyn, ond dôn nhw ddim yn fodlon ei chymeryd hi i mewn am ryw reswm. Cyfyng gyngor go-iawn inni wedyn ond penderfynson ni ei gadael hi y tu fas i'r drws a rhedeg nerth ein traed groes yr hewl i’r ‘Duck and Swan’.

Oddi fanna roen ni’n gallu cael peint a gweld be’ ddigwyddai - a diolch i Dduw fe gas hi ei chymeryd i mewn yn y diwedd. O leiaf rŷn ni’n gwpod ei bod hi’n saff nawr, ac efallai y gwnaiff Elton John neu George Michael deimlo tosturi drosti.

Mae'n hysbys i bawb ‘ffor hyn eu bod nhw’n ymweld â’r lle yn reit amal a ‘sdim byd sy’n apelio’n fwy at bobl hoyw na helpu pobl eraill sydd ar y tu fas, oes e – a be’ gwell na chath ar y tu fas. Gobeithio yr aiff hi gyda George neu Elton a chael bywyd i’r brenin, a digon o adar i ladd yn eu gerddi nhw.

Hynny sy’n mynd i ddigwydd, siwr o fod, ac wrth edrych arni ddi fel ‘na, simo ni’n teimlo mor wael biti’r peth – daw haul ar fryn i Julietta heb os nac onibai – mwy o haul, llygod ac adar na chelai hi byth yn byw ar y chweched llawr mewn bloc tai cyngor.

Y dyn a aned ar ddiwrnod glas

2007-10-18T19:30:00.000+01:00

Wi wrthi’n darllen llyfr am ddyn o’r enw Daniel Tammet. Savant awtistig yw Daniel ac enw ei lyfr yw ‘Born on a Blue Day’. Pan oedd e’n dair mlwydd oed , fe gas e epelepsi neu ffit y clefyd cwympo ac odd’ ar ‘ny, bu ganddo obsesiwn â rhifau a geiriau. Erbyn hyn fe’i gwelir fel athrylith mathemategol ac un a chanddo ddawn naturiol i ddysgu ieithoedd.

Credir taw dim ond rhyw 50 o ‘savants’ sydd i gael yn y byd ac yn wahanol i ‘savants’ eraill, mae Daniel yn gallu esbonio sut mae ei ben e yn prosesu gwybodaeth. Nid da yw popeth yn ei fywyd ac mae pris ei sgiliau arbennig yn golygu na all ddeall emosiynau pobl yn rhwydd.

Mae arbenigwyr gwyddonol led-led y byd yn ei astudio fe er mwyn cael gwell ddealltwriaeth o alluoedd yr ymennydd. Mae fe’n gweld rhifau a geiriau mewn lliwiau a chanddynt wead arbennig. Mae rhifau yn bert ne’n ddiolwg iddo fe ac mae gan ieithoedd a geiriau gwahanol ryw rinwedd a swyn arbennig iddyn nhw yn ei ben.

Gwnaethpwyd rhaglen amdano a gellir gweld hyn ar ‘You Tube’ mewn pum rhan os gwnei di chwilio o dan ei enw – Daniel Tammet. Enw’r rhaglen yw ‘The Boy With The Incredible Brain’. Yn y rhaglen hon, fe osodon nhw sawl prawf iddo fe, ac un yn arbennig fu iddo ddysgu Islandeg o fewn wythnos ac fe gei di ei weld e’n siarad yr iaith honno yn ddigon ddi-ffwdan wrth iddo gael ei gwestiynnu wedyn ar raglen arbennig o Wlad yr Ia.

Naw o ieithoedd mae Daniel yn siarad erbyn hyn ac o ddiddordeb arbennig inni’r Cymry, mae Cymraeg yn un o’r ieithoedd hynny

Er bywoliaeth, mae fe’n cynnal cyrsiau ar y we er mwyn dysgu ieithoedd ac fel ag yr wyf yn ei deall hi – mae cysylltu geiriau yn rhan bwysig o’r cwrs – er enghraifft, mae gen ti’r gair ‘pen’ neu ‘llaw’ yn y Gymraeg ac oddi wrth y rhain, gellir dysgu geiriau eraill ar yr un pryd – penboeth (pen + poeth), penderfynu (pen + terfynu); llaw – llawfeddyg , llawfer, llawlif; yn y Sbaeneg mano (llaw), manuscrito (llawysgrif) a llwythi o eiriau eraill ac mae hyn yn gwitho y tu fewn i bron pob iaith am a’r wn i. Gweld patrymau y tu fewn i ieithoedd mae Daniel a ninna’n methu eu gweld nhw mor rhwydd.

Mae gan Daniel wefan lle gellid di ddysgu mwy amdano a chyfrannu sylwadau at ei flog www.optimnem.co.uk

Y Teulu Waltons

2007-10-12T20:28:00.000+01:00

Bues i’n watsho pennod o’r gyfres ‘Nightmares & Dreamscapes’ ar y we bore ‘ma. Casgliad o straeon Stephen King yw’r gyfres a rhyw hanner awr yw hyd pob un raglen. Fersiwn arall o ‘Tales from the Unexpected’ yw hi ac yr un mor ‘shit’ er bod hon yn ddigon gwael i fod yn ddifyr.

Roedd y bennod a welais i yn ymwneud â’r dyn ‘ma sy’n cael ei frathu gan neidr wrth wara golff. Yn anffodus, mae fe’n mynd i fewn i ryw fath o ‘coma’ a phawb yn meddwl ei fod e wedi marw. Rŷn ni’r gwylwyr yn gallu ei glywed e yn meddwl wrtho ei hunan a fynta’n cachu bricsen tra bo’r meddygon neu’r patholegwyr yn paratoi ar gyfer gwneud awtopsi arno.

Maen nhw’n edrych dros ei gorff i ddechrau ond yn ffilu gweld y ddou dwll a wnaeth y neidr ar waelod ei goes a’r unig beth maen nhw’n sylwi arno yw bod ei geilliau wedi chwyddo fel peli pêl-droed – wir yr!! Maen nhw’n sôn am hyn; dŷn ni ddim yn eu gweld nhw, diolch byth, am fod cefn y nyrs yn eu cwato nhw rhagddon ni.

Dyw’r awtopsi byth yn cael ei draed o dani wrth gwrs; mae’r gyllell ar fin torri’r corff sawl tro ond mae rhywbeth bach yn digwydd er mwyn dala’r syspens. Diwedd y stori yw iddo fe ddihuno lan, gwaetha’r modd, ac mae pob un dim yn iawn.

Roedd Edgar Allan Poe yn ysgrifennu straeon tebyg ond o leiaf roedd y bobl yn cael eu claddu’n fyw yn ei straeon e – dim o’r 'crap' ‘ma bod y bobl yn cael eu hachub ar y funud olaf.

Sôn am weld y rhaglen hon ydw i am taw’r dyn a gas ei frathu gan y neidr oedd neb llai na’r John–Boy Walton ‘na off y gyfres ofnadw ‘The Waltons’ - ac mor grac ydw i na chymerson nhw mo’r cyfle a geson nhw idd’ i ladd e yn y fan a’r lle.

Wn i’m os wyt ti’n gyfarwydd â’r gyfres honno neu beidio - ond un o’r teip ‘na o raglenni gelsat ti ar brynhawn dydd Sul yw hi; honno a rhyw gyfres o’r enw ‘Little House on the Prairie’. Teuluoedd neis neis ac hapus braf yn rhoi rhyw foeswers inni pob Sul. Maen nhw’n dal yn boblogaidd yn Sbaen ac os ei di i wylio’r llu o sianeli Sbaeneg sydd ar y we, rwyt ti’n bown o ddod o hyd iddyn nhw, un ar ôl y llall fel arfer - ac ar ddydd Sul yn arbennig fel mae’n digwydd.

Bu i George Bush weid un tro mewn araith y dylai teuluoedd America fod yn debycach i’r Waltons na’r Simpsons. Mae’n well gen i’r Simpsons bob cyfle a thwll dy din di George Bush - ac er dy gwiddil di Stephen King am beidio a lladd John- Boy Walton pan gesot ti’r cyfle

Ceri Wonka a'i dun o siocledi

2007-10-10T18:54:00.000+01:00

Fe brynais i dun o siocledi ‘Roses’ ddydd Sadwrn. Ar gynnig yn ‘Somerfield’ oeddden nhw am £4.99 yn lle’r £9.99 arferol. Un i fynd am fargeinion ydw i - ac a gwed y gwir, siocledi ffantastig ar gyfer y Nadolig ydyn nhw. Maen nhw’n rhan o’r Nadolig i bawb erbyn hyn - pawb heblaw am y bobl dlawd iawn yn ‘Sgubor Goch’ siwr o fod. Roedd yr un cynnig ar y tun o ‘Quality Street’ hefyd, ond mae’n well gen i’r lliwiau ar y tun ‘Roses’, ac felly nhw enillws y dydd.

Mae’r tun brynais i adeg ‘Dolig llynedd yn fwy na’r tun brynais i ddydd Sadwrn, ond yr un faint o siocledi sydd yndo – dim ond y tun sy’n fwy ond mae hwnna i dwyllo’r bobl i feddwl eu bod nhw’n cal rhagor o siocledi. Mae popeth i weld yn fwy adeg y Nadolig, ond twyll yw'r cyfan. Yr un faint o siocledi ‘rwyt ti’n ei gael, ond o ran seis y tun, mae ‘na fwy o le i roi pensiliau, rubbers, condoms ne’ ots pwy gachu rwyt ti’n moyn dal yndo a dyna'r unig wahaniaeth.

Pan own i’n grwtyn, roen ni’n cael un o’r hosanau ffug ‘na sydd a Snickers, Mars, Milky Way, Starburst a rhyw ‘shit’ o Cadbury’s ffycin spacemen ynddynt. Os oeddet ti’n lwcus, fe gelet ti baced o’r coca cola bottles blas chwerw ‘na hefyd, ond fues i erioed mor ffodus.

Fe wetsai mam taw un o hen stockings mamgu gelai hi a dim ond afal neu orenshan yndo - ond wi’n credu iddi watsho gormod o hen sgetshys ‘Monty Python’, a chelwydd golau yw hwnna i gyd.

Er imi brynu’r tun ar gyfer y Nadolig, ma' fe’n wag erbyn hyn; wel, bron â bod yn wag – rwyt ti’n cael dewis o bedair siocledyn ar ddeg a bu imi bennu off un ar ddeg ohenyn nhw yn reit siarp wrth watsho’r ‘Wizard of OZ ar DVD. Wi’m yn cofio pwy faint o bob un teip o siocledyn oedd ‘na, ond erbyn hyn, dim ond detholiad o dri sydd ar ôl – ‘praline moment’, ‘chunky truffle’ a ‘caramel velvet’ ac yn wir iti fysa’n well gen i fyta’r afal a’r orenshen o stockings mamgu na’r rhain – ych y fi, wir yr!! – ac a gwed y gwir, roedd y ‘tangy orange creme’ yn eitha shit ‘ed. Fe wna i brynu’r Quality Street’ tro nesa.

Rip Van Winkle

2007-10-04T17:51:00.000+01:00

Fe geson ni ddadl pwy ddiwrnod biti faint o gwsg sydd ei angen ar ddyn. Bai fi oedd hyn am weid y gallwn inna gysgu pob nos am ddeuddeg awr yn rhwydd ac yn hapus braf. Wyth awr yn ôl pob sôn yw’r cyfnod delfrydol er mwyn ail-siarso’r corff a’r ymennydd.

Er mawr syndod imi, mae’r arbenigwyr yn gweid os cysgi di’n fwy na hynny, rwyt ti’n mynd i farw’n gynt, ond eto i gyd, maen nhw’n gweid yr un peth os na chysgi di ddigon hefyd, ac mae hwnna’n gwneud mwy o sens – ifi ta p’un i.

Mae fe i gyd yn ‘relative’ siwr o fod - rwyf inna’n deirgwaith yn fwy na’r un corrach neu’r un pigmi a weli di’n unman, ac felly, fe allan nhw gael bobi pedair awr o gwsg a finna’n ddeuddeg awr a dyna ni’n gyfartal. Chwe throedfedd o uchder ydw i, ac felly, mae gen i fwy o fatris i siarso. Mae'r corrach fel arfer yn llai na’r porcelin piso mewn tŷ bach a ‘sdim angen cymaint o gwsg arnyn nhw, oes e.

Yng ngwres y ddadl, bu rhai wrthi’n son am Margaret Thatcher a oedd angen rhyw bedair awr o gwsg yn unig, a’r ffaith iddi gyrraedd gwth o oedran; ond myn yffach i, fuws hi erioed yn byw ar yr un planed â neb arall. Enid Blyton yr un fath - a hitha'n ysgrifennu llyfrau pwy gilydd, un ar ôl y llall, ac yn sicr heb gysgu rhyw lawer. Dyw e ddim yn normal odi fe.

Dyna shwt mae gwpod pwy fabi sy’n mynd i fod yn wleidydd, awdur plant rhyfedd, dyn llofrudd cyfresol neu’n ‘prat’ pur - nhw yw'r babis sydd ar ddihun trwy’r amser yn codi cynnwrf. Lladdwch nhw nawr - ond nid ym Mhortiwgal!!

Rhech y ceffyl

2007-10-01T23:01:00.001+01:00

Dyma hysbyseb am gwrw Bud Light sy’n apelio’n fawr iawn ato i. Wn i’m pam bo fi’n wyrthin am jocs bythdi rhechain ac yn enwedig os taw rhyw anifail sydd wrthi – mae’n hollol blentynaidd ond dyna ni, maen nhw’n gweid na ddylsat ti ddim colli’r plentyn oddi mewn, ontefe!

Y Cleifion diglefyd

2007-09-24T20:10:00.001+01:00

Mae’r ffyns baglu sy gin Xosé yn eitha da. Mae fe’n gor-wneud y clunhercian a’r ochneidio arnyn nhw, sai’n gweid llai, ond mae pobl yn ymddwyn yn garedig iawn tuag ato fe. Maen nhw’n gadael inni fynd i flaen y gwt yn yr archfarchnad ac yn fodlon ein gadael ni ar y bws o flaen pobl eraill, ac er mawr syndod, mae rhywrai yn sefyll i lan er mwyn rhoi sedd inni. Fe wnewn ni gadw gafael ar y ffyn ‘ma – mae’n siwr bod digon ohenyn nhw yn yr ysbyty i gleifion eraill. Fel arall, fe allen ni beintio rhyw ffon yn wen ac esgus bod yn ddall – wi’n siwr y bysa hwnna’n gweithio’r un fath.

Yn y dafarn sydd orau - mae Xosé yn mynd at y bar ac yn ddi-ffael mae rhyw Samaritan yn gweid wrtho fe i ishta i lawr a bo' fynta'n folon ciwo lan drosto fe a dod a’r peints draw at y ford. Bywyd i’r brenin, myn diawl. Fe ddylsen ni fod wedi gofyn am gadair olwynion - er wrth feddwl, fe fysa Xosé yn cymryd mantais a finna'n gorffod wpo’r ffycin peth i bobman, felly syniad eitha ‘shit’ yw hwnna.

Rŷn ni’n gweid wrth bawb iddo fe gael ei fygio gan griw o hwliganiaid – mae hwnna swnio’n lot gwell na chwympo wrth wneud prat o dy hunan yn y ‘line dancing’. Fe synni di faint o bobl sy’n dod lan i gymdymdeimlo ag ef wedyn, ac maen nhw’n prynu ambell i beint inni hefyd. Bach yn eiddigeddus ydw i o’r holl sylw mae fe’n ei gael, ac felly fe fydda i'n dangos fy nghreithiau i’r byd a’r betws erbyn hyn er mwyn ennyn cydymdeimlad a sylw ifi fy hunan bach. Corff llawn creithiau sy gen i a dim ond Frankenstein sydd wedi achub y blaen arno i o ran eu nifer, ond paid â’m camddeall i, eitha golygus ydw i o hyd – jwst ‘bo fi bach yn ‘accident prone’.

Mae'r hanes yn dychra a'r graith fawr sy gen i ar fy mraich dde. Fe brynais i feic modur pan own i byti dwy ar bymtheg a phenderfynu mynd arno i Ferthyr i weld shwt le oedd e. Fe wn i imi gyrraedd Merthyr am ifi ddihuno lan yn Ysbyty’r Tywysog Siarl sydd yng nghyffiniau’r dre yn ôl y sôn. Deufis y bues i yno ac fe roeson nhw’r pin ‘ma yn fy mraich, ond doedd dim nedwyddi i gael ym Merthyr ‘r adeg hynny ac fe wnïson nhw fy mraich nôl i lan yn iwso gwëyll, felly craith eitha salw yw hon. Rown i fod i gael y pin mas ar ôl dwy flynedd ond mae fe yno o hyd, ac fe fydd e ‘da fi yn yr arch ‘ed – Roedd y driniaeth lawfeddygol yn ela digon o lôs y tro cyntaf a simo fi’n mynd trwy hwnna ‘to.

Ar fy nghoes dde y mae’r graith fawr arall, ac mae hon fel clwtyn o groen y bu i'r llawfeddyg roi dros y twll a geso i yn fy nghoes wrth imi drial neidio dros y ffens ‘ma. Chwilio am le cudd a diogel er mwyn cael rhyw fu'r rheswm, ac wn i ddim hyd heddi pam na cherddson ni drwy'r giat – byswn i wedi bod yn well off yn cael wanc gitra na gorffod ela mis a hanner yn yr ysbyty yn Earls Court oherwydd y dwli ‘na. Yn halen ar y friw, bu raid imi dalu tair punt pob dydd er mwyn cael gweld y teledu yn yr ysbyty os gwelwch yn dda. ‘Sim syndod bod pobl yn gweid bod yr NHS yn mynd a’i phen iddi.

Mae gen i greithiau bach eraill ymhobman, rhai fan hyn fan draw ar fy nghoesau am fod gwydr yn beth perygl i roi dy goesau trwyddo; ambell i un ar fy nwylo ac un ar fy mhidyn am gau’r copish arno ond prin y sylwi di ar honno – a sôn am y graith ydw i. Troeon bywyd ŷn nhw ontefe ond pam fi Duw pam fi!

Ieithoedd yn y sustem addysg

2007-09-22T20:52:00.000+01:00

Bach o rant yw’r blog hwn. Ei ddechrau yw’r sylw rown i’n mynd i roi ar flog Aran ac ynta’n gofyn a oedd pwynt gin y boi ‘na oedd yn conan am y Gymraeg a’i lle yn y sustem addysg. Wi’n dueddol o fynd mlan a mlan ac felly down i’m yn credu taw teg oedd ei roi e ar ei flog e a diflasu ei ddarllenwyr. Dyma fy marn inna felly ynglŷn â dysgu ieithoedd modern yn ysgolion uwchradd Cymru.

Eitha ceidwadol fy marn ydwyf ond wrth fod yn fab trwy’r berth i’r athro emeritws Lladin a Groeg Watcyn Arwyn Jones ac ynta’n warden ar Jesus College, Rhydychen, amhosibl fuasai bod fel arall.

Yn fy marn i, mae dysgu ieithoedd fel y cyfryw yn gabolach llwyr yn yr ysgolion uwchradd. Nid oes syndod bod nifer helaeth o blant yn rhoi’r gorau iddynt cyn gynted ag sy’ bosib. Ers llawer dydd, bu pwyslais ar ramadeg iaith ond erbyn hyn mae hwnna wedi mynd yn hollol anffasiynol a’r sôn amdano yn ddigon i godi gwrychyn addysgwyr y wlad hon. Siaradant am y dull naturiol - codi iaith wrth y clyw ac mae gramadeg yn air brwnt.

Fe gredir gan lawer y dylid dysgu ail-iaith yn union fel y buasai plentyn yn ei dysgu hi o’r crud, ac fe all weithio pan fo amser a’r amgylchiadau ar gael a’r gymdeithas yn cynorthwyo. Er hynny, yn yr ysgol Uwchradd nid babis bach yw’r disgyblion a dyw dysgu brawddegau fan hyn fan draw yn dda i ddim. Ddysgi di mo’r un ail-iaith heb ymdrech a dyw parots ddim yn ymdrechu rhyw lawer – ni all yr un athro ddysgu iaith iti; dy helpu di a’th roi di ar y ffordd y gall athro da ei wneud ond ti’n sy’n gorfod dysgu dy hunan a mentro siarad a dyw brawddegau parot yn dda i ddim yn hynny o beth.

Gramadeg yw sylfaen iaith – geirfa yw ei brics a’i gramadeg yw ei mortar. Enaid ac offer yr iaith yw ei gramadeg a gwiw iti agor ceg heb grap arno, ac wrth siarad iaith newydd rwyt ti ar ben dy hunan - ti sy’n gorfod bwrw ymlaen a mentro ei siarad hi, ac mae angen yr arfau arnot ti - a son am gystrawen iaith lafar ydw i, nid ei chywirdeb gramadegol llenyddol.

Dulliau eilradd a gwael o ddulliau llwyddiannus TEFL ac wlpan ydyw’r dulliau hyn o ddysgu yn yr ysgolion ar hyn o bryd a chei di byth lwyddiant wrth geisio ei wneud e mewn ysgol uwchradd wrth ystyried yr ychydig oriau sydd ar gael. Mae’ na lwyddiannau wrth gwrs ond llwyddiannau’r plant ymroddedig ydynt ac nid oes a wnelo'r peth a'r dysgu.

Mae’r dulliau yna yn iawn yn yr yr ysgol gynradd ac maen nhw’n cael cryn llwyddiant yno, ond fe gollir popeth wrth i’r plant fynd i’r ysgol Uwchradd mewn nifer o ysgolion.

O ran y Gymraeg, wi’n credu taw’r unig ateb yw i bob ysgol gynradd yng Nghymru ddysgu’r Gymraeg at safon, a throi pob un wers yn ddwyiethog yn yr ardaloedd 'di-gymraeg', ond mae angen dilyniant, a dysgu o leiaf rhai pynciau trwy’r Gymraeg yn yr ysgolion Uwchradd cyfrwng Saesneg fel sy’n digwydd yn Ysgol Gyfun Treorci yn y Rhondda, er mawr clod iddynt. Hynny yw, fe ddylai pob ysgol yng Nghymru fod yn ysgol ddwyieithog neu’n ysgol Gymraeg ac i’r cydsyniad o ysgol Saesneg droi’n rhywbeth hollol ddieithr inni.

Wn i’m pa mor bosibl yw cyrraedd y ddaeargryn honno neu a fyddai ewyllys y bobl yn ei chaniatáu, ond os ydym ni o ddifrif ynglŷn â’r Gymraeg, dyna’r nôd y dylen ni anelu ato.

O ran y sefyllfa fel ag y mae ar hyn o bryd, mae’r Gymraeg yn orfodol fel pwnc ac efallai bod plant yn troi yn ei herbyn yn union fel ag y maent yn troi’n erbyn y Ffrangeg neu unrhyw bwnc arall, ond mae Ffrainc yn bell i ffwrdd a byw yng Nghymru y mae’r plant hyn. Tristwch o’r mwyaf a methiant addysg yng Nghymru yw’r sefyllfa os yw’r plant hyn yn troi yn erbyn y Gymraeg oherwydd dulliau dysgu a chyflwyno’r iaith. Ond nid bai’r Gymraeg yw hwnna ond y sustem o gyflwyno’r Gymraeg a'n diwylliant yn ysgolion Uwchradd Cymru ac fe ddylid edrych ar hynny ar frys.

Fe ddylai’r Gymraeg fod yn rhan annatod o bob agwedd o addysg yng Nghymru – yn rhan hanfodol ohoni ac nid pwnc y tu fewn iddi ymysg eraill y gall ei gelynion ei gwatwar pob cyfle gan nhw .

Dawns y cowboi

2007-09-20T17:36:00.000+01:00

Fe ethon ni i’r dafarn 'ma ar bwys Clapham Junction nos Fawrth a noson blydi ‘line dancing’ oedd hi. Mae’r twmpath dawns yn ddigon i godi cywilydd ar ddyn ond mae hwn yn lot gwaeth. Rwyt ti’n cael y rhesi ‘ma o bobl, a rhai o’nhw wedi gwisgo lan fel y ‘rhinestone cowboys’, yn pranso o gwmpas y lle fel Dolly Parton. Wi’n deall nawr pam bod ‘na gowboi yn y ‘Village People’.

Doedd ffordd yn y byd rown i’n mynd i gymryd rhan, ond boi cydnerth yw Xosé ac mae gynto fe ryw lun o farf, un reit debyg i’r Cadfrigog Custer ‘na, felly fe wnethon nhw linell syth amdano a’i lusgo fe at y dwli. Digon hapus oeddwn i â’m peint yn fy llaw yn chwerthin am ben Xosé nes iddo droi ar ei sawdwl a sigo ei swrn. Dim ond cleisio ei swrn e wnaeth e ond eto i gyd, dyna le roedd e fel rhyw hen fabi yn gwed ei fod e’n ffilu symud o’r llawr.

Mae’n gas gen i fod yn nyrs i unrhyw glaf ond bu raid imi ei helpu fe tsha thre wedyn. Pum munud bant yw’r safle bysiau ond â’i holl bwysau ar f’ysgwydd, fe gymerson ni hanner awr i gyrraedd y lle. Bu raid imi newid ysgwydd pob hyn a hyn ac mae’n siwr gen i fy mod i wedi tynnu cyhyryn, ond does ffyc all o ots gin neb amdano i.

Y bore wedyn â’i droed e wedi chwyddo eitha tipyn, fe ethon ni i’r ysbyty ac oriau bwy gilydd y buon ni’n aros yno. Barn y meddyg oedd taw sigo ei swrn wnaeth e, yn union fel roeddwn i’n ei feddwl. Dim byd mawr o gwbl –clais, sigiad, ‘sprain’, ‘esguince’ –ond mae Xosé yn eitha pendant ei farn ac yn ei farn e doedd y meddyg hwnnw ddim yn werth rhech a thorri asgwrn ei figwrn wnaeth e, siwr Dduw iti.

Wi’n credu ei fod e’n lico wara’r claf a’r unig beth a gododd ei galon oedd cael y ffyns baglu gan yr ysbyty. Reit beryg yw e â’r ffyn ‘ma ac yn slow y diawl arnyn nhw hefyd. Diolch byth bod y tafarndai yn cael agor 24 yr awr erbyn hyn ne’ fydden ni byth yn cyrraedd nunlle mewn pryd. Yr unig beth sydd ei angen arnon ni nawr yw par o ‘stilts’ i Pablo er mwyn codi ei uchder rhyw ‘chydig ac fe fyddwn ni’n iawn.

'gyrru gyrru gyrru' - 1

2007-09-17T17:53:00.001+01:00

Dyma gân gan Gruff Rhys i gyd-fynd â’r blog islaw. Mae fe’n canu am yrru!!

'gyrru, gyrru, gyrru' - 2

2007-09-17T16:46:00.000+01:00

Rwyf wedi ela llythyr at yr adran drafnidiaeth yn Abertawe heddi er mwyn trial cael fy nrwydded yrru yn ôl. Fe eles i’r drwydded atyn nhw ‘bthdi chwe mlynedd yn ôl erbyn hyn er mwyn iddyn nhw gael newid y cyfeiriad arni hi. Hen drwydded bapur oedd gen i ac felly fe geso i lythyr yn ôl yn gofyn imi ela llun atyn nhw er mwyn cael trwydded blastig newydd sbon. Rown i’n brysur ar y pryd ac fel ag y mae petha, mae dyn yn anghofio ontefe.

Gobeithio y galla i ei chael hi nôl; fyswn i ddim yn lico gorffod ail-sefyll y prawf eto. Mae’n siwr gen i na fyswn i ddim yn ei basio fe eilwaith. Fe gymerws hi ddigon o amser ac arian imi y tro cynta. Methu’n lân â pharcio’r car rhwng dau gar arall own i, ac fe geso i wers ar ben gwers yn trial gwneud hwnna. Ar ddiwedd y dydd, rwy’n ei gweld hi’n wast amser; fe fyswn i’n mynd rownd a rownd y bloc er mwyn ffindo lle gwell i barco.

Fe ddysgais i yrru yng nghyffiniau Caernarfon ac yn y fanna mae’n weddol rwydd. Yr unig broblem yw mynd mas i’r wlad lle mae’r hewlydd yn gallu bod yn reit gyfyng ac mae rhaid i un car facio yn ôl weithiau er mwyn i’r llall gael fynd yn ei flaen. Rown i wastod yn sefyll fy nhir a gorfodi’r llall i’w wneud e. Roedd yr athro gyrru yn colli ei dymer pan own i’n gwneud hwnna ond mae’n well na dala’r traffig lan am hannner awr ond yw hi.

Bu raid imi wneud yr arholiad ym Mangor. Fe basiais i fy mrawf yrru ar yr ail dro ond a’m llaw ar fy nghalon, fe fyswn i wedi pasio’r tro cyntaf os nad oedd yr arholwr o’r teip sydd â’i ben yn ei din. Fe wedodd e wrtho i ei fod e’n mynd i roi arwydd imi er mwyn gwneud ‘emergency stop’ – ond mae aros am yr arwydd ‘na yn dy roi di ar bigau’r drain ontefe. Dyma fi’n gyrru ar hyd y lôn a dyma fe’n peswch – fe wpais i’r droed ar y brêc yn reit sydyn ac fe aeth ei bapurau a phopeth dros bob man:

- 'Be’ haru ti' medda fe.

- 'Emergency stop' medda fi.

- 'ond ddeudis i ddim byd' - medda fe yn ei acen od - 'and that was too bloody violent'

- 'Yes, it was a fucking emergency!' wedas i’n ddigon cwrtais.

Gwrthododd e siarad â fi wedyn a thaflu’r darn o bapur canlyniadau ato i ar ddiwedd y prawf a cherdded bant o’r car. Fe dowlas i hwnna bant i ryw gwter wedyn, felly wi’n cymeryd taw’r ‘emergency stop’ wnath imi fethu ond pwy a ŵyr.

Fe basiais i yr ail dro ac doedd neb yn ddisgwyl hynny am imi gael, yn ôl pob son, un o’r arholwyr gwaetha a fu. Menyw eitha tebyg i Mrs Thatcher oedd hon, heb wên neu hiwmor i weld yn perthyn iddi. Eitha cas oedd ei gwep hi ac am fod gwefusau dirgelwch y fenyw yn mynd o lan i lawr, roedd hi’n credu y dylsa gwefusau ei hwyneb wneud yr un peth - golwg sarrug a swrth arni, ti’n gwpod, fel ‘sa hi’n sugno rhywpeth mas o welltyn.

Erbyn imi ddod i’w napod, menyw ffein ei gwala oedd hi, a ninna’n cael ambell i jôc gyda’n gilydd. Dyma ni’n mynd dros bont Menai a finna bach yn nerfus, felly dyma fi’n gofyn iddi beth ‘sa rhywun yn galw lesbiad o Iwerddon - hen jôc yw hon ond nid pawb sydd wedi ei chlywed hi - ’Gaylick’ yw’r ateb wrth gwrs a bu iddi bwffian chwerthin ac heb sylwi ar y gath y gyrron ni drosti ganol bont.

Deng mlynedd yn ôl y pasiais i’r prawf – ond rhyw chwe mis yn unig y bues i wrthi’n gyrru ar ôl hynny. Fe rentais i gar oddi wrth y boi ‘ma yn Mae Colwyn ac fe etho i i bobman; o’r de i’r gogledd, o Gaerdydd i Lundain ac wedyn i Birmingham a thrwy Ogledd a Chanolbarth Cymru i gyd cyn cyrraedd gitra yn Llanrug. Yr unig drafferth geso i oedd yn y Bala ar adeg yr Eisteddfod pan barciais i ar linell felen a chael ticed amdano. Bai Kirk oedd hwnna am iddo fe fynnid mynd i’r tŷ bach mewn rhyw dafarn gerllaw.

Dyna’r tro cyntaf ifi gael problemau gyda’r bwmbeiliaid am beidio a thalu dirwyon – fe ddethon nhw i’r tŷ a mynd i mewn trwy’r bwlch lle’r oedd y drws cefn i fod a mynd â beic Kirk gyda nhw. Rown i mor falch na fachon nhw ddim o’m stwff i, er bod Kirk yn cochi ‘nghlustiau o hyd wrth gonan biti’r peth.

Siwr iti y bydda i’n iawn os ca i’r drwydded yn ôl. Gyrrwr digon diogel oeddwn i a byth yn mynd yn gyflym iawn - mae bywyd yn mynd yn ei flaen yn ddigon cloi, ‘sdim pwynt rhuthro o gwmpas y lle oes e – ara deg mae mynd ymhell.

Pennau bach

2007-09-11T19:22:00.000+01:00

Fe ymunon ni yn y ‘pub quiz’ nos Lun. Wast o amser oedd hwnna – does bron dim Saesneg sy’n werth sôn amdeni gyda Xosé neu Pablo ac roedd y cwestiynnau i gyd yn Brydeinig iawn eu naws. Fe gafwyd ‘bthdi 10 cwestiwn ynglŷn ag ‘Eastenders’ neu ‘Coronation Street’ ac rwyf inna heb weld y rhaglenni 'na ers oes yr arth a’r blaidd. Fe ddethon ni’r olaf ond un, ond fe geson ni lot fwy o farciau na’r Pwyliaid druan. Fe dreiais i roi help llaw iddyn nhw ag un cwestiwn ond y fath stŵr ‘ta’r Saeson wedyn - nhwtha’n gweid bod ni’n cafflo bla! bla! bla! Mae rhai pobl yn cymeryd y pethach ‘ma yn ormod o ddifrif.

Un o’r cwestiynnau ‘rhwydd’ ar y dechrau oedd i roi enw’r creadur oedd yn gadael arian o dan y gobennydd ar ôl i blentyn golli dant. Roedd Xosé yn gwpod beth oedd ei enw fe yn Gastilaneg – el ratoncito Pérez - a’r unig enw rown i’n gallu meddwl amdano a oedd yn debyg i hwnna yn y Saesneg oedd ‘Minnie Mouse’, ond ‘the tooth fairy’* yw e ac rown i’n gwpod ‘ny ar ol iddyn nhw ei weid e ar y diwedd. Fe fuon nhw yn eu dyblau’n chwerthin am ein pennau ni wrth inni gynnig yr ateb ‘na, pawb heblaw am y Pwyliaid wrth gwrs. Wi’n ofan bod y Saesneg yn prysur droi’n drydedd iaith sâl imi erbyn hyn.

Bu imi gymryd rhan mewn cwis ar Radio Cymru un tro ond mae hyn yn mynd nôl rhyw hanner canrif cyn dyfodiad teledu lliw. Cwis o gwestiynnau cyffredinol oedd e, a bu un rownd ar bwnc arbenigol o’ch dewis eich hun. Rownd Cymry Llundain oedd hwn. Bu raid i chwech ohonon ni fynd i Oxford Circus i bencadlys Corfforaeth y BBC er mwyn ei recordio. Fe ethon ni i gyd, greda i, yn meddwl y celen ni bach o bwffe a diod, ond ffyc o ffyc all geson ni.

Dau dîm o dri oedden ni a digwydd napod pump o'r bobl eraill own i ac felly, fe benderfynson ni na fysa’r un ohonon ni yn dewis pwnc arbenigol rhy academaidd a thrial bod yn ben bach - ond mae pobl yn gallu bod yn slei ond ŷn nhw.

Dyma ni’n cyrraedd y rownd arbenigol a beth yw pwnc arbenigol y ddau arall ond un yn dewis hanes ffasgiaeth yn yr Eidal a’r llall yn moyn ateb cwestiynnau ar ganu tywyll rhyw fardd neu’i gilydd. Pan ddath fy nhro i, bu raid imi weid yn gyhoeddus taw fy mhwnc arbenigol i oedd ffilmiau Marilyn Monroe – y fath gywilydd yn y fath sefyllfa ac rown i wir isha ei gwân hi oddi yno.

Diwedd y cwis fu ifi ddod yn drydydd mas o’r tri ohonom yn ein rownd ni, ond fi gas fwy o gwestiynnau cywir ar y pwnc arbenigol, felly fe hoffwn i ddiolch iti Norma Jean a gobeithio iti gael dy ‘hedd perffaith hedd’, ac i’r diawl â chi Gwenllian ac Arfon!

Mae ‘na ryw fath o gwis ar Radio Cymru ar hyn o bryd. ‘Y Plismon Iaith’ yw enw’r rhaglen a rhyw gwis ynglŷn â diarhebion a geiriau tafodieithol a’r math yna o beth yw e. Nid cwis go iawn yw e ychwaith ond rhyw deip o ddyfalu rhwng ffrindiau ar ôl i’r boi ‘na Vaughan Hughes osod rhyw bos neu gliw iddynt. Pobl enwog yw’r bobl sy’n cymryd rhan - Elinor Jones yw un o’nhw a’r Mr. Picton ‘na off y gyfres C’mon Midffild yw un arall ac mae ‘na foi arall wedyn nad oes clem gen i pwy ffwc yw e.

Yr ateb i un cwestiwn oedd y ddihareb ‘un wennol ni wna wanwyn’. Sai’n cofio be’ oedd y pos i gael yr ateb ‘na i ddechra, ond bu imi fwrw’r hoelen ar ei phen heb feddwl ddwywaith - ar ei ben, yn syth bin, straight away – ond bu i Elinor roi cynnig arni o leia pum gwaith cyn ei chael hi, un ateb anghywir ar ôl y llall; roedd hi’n bownd o’i chael hi yn y diwedd ac fe fues i’n gweiddu’r ateb arni hi nerth fy mhen cyn i’r peth shinco i mewn i’w phen hi a hitha’n ei chael hi’n iawn.

Dylsan nhw fod wedi fy ngwahodd i ar y rhaglen honno – byswn i’n ei hennill hi’n ‘hands down’ wrth wrando ar y gystadleuaeth – dim probs, easy peasy, piece of piss!!

*A oes ‘na ddywediad yn y Gymraeg am y ‘tooth fairy’. Chlywais i erioed am y fath beth. Efallai ifi gael dannedd gwell na’r rhelyw ond cheso i erioed mo’r ddimai goch am golli dant.

Arseholes Anonymous

2007-09-06T15:14:00.000+01:00

Bues i’n gwrando ar ail-ddarllediadau o ‘Taro Post’ ar y we yn ystod yr wythnos. Rhaglen sy’n trafod materion cyfoes (?!) yw hon. Wi’n lico Dylan Jones sy’n cyflwyno’r rhaglen, ond myn yffach i, dylset ti wrando ar rai o’r bobl sy’n cael gweid eu pwt. Er mwyn dyn Dylan, gad i rai ohonyn nhw gael heddwch yn y gwallgofdy.

Pwnc un rhaglen oedd trafod absenoldeb Camilla yn y cyngerdd i goffáu Diana. Bu raid goddef y dyn Tegered ‘ma yn cael dweud ei ddweud. Deall pwls y wlad y mae fe wrth giniawa â’r crachach yn Llundain – pobl fydol yw’r rhain wrth gwrs sydd yn ei deall hi’n well na neb. Fe welais i fe unwaith ar un o raglenni S4C yn trafod y broblem o ffurfio llywodraeth yn y cynulliad. Dweud be’ oedd y crachach o Saeson yn meddwl o’r sefyllfa oedd e bryd hynny hefyd. Yn y rhaglen honno, fe gas e ei gyfweld o’r ‘London Eye’ reit i lan yn yr awyr yn edrych dros ogoniannau Llundain i gyd. Fe fyswn i wedi agor y ffenestr a’i dowlu fe i mas i’r afon Tafwys islaw.

Bues i dan glo yn y celloedd yn Nhy’r Arglwyddi un tro a dwyt ti ddim yn cael dim byd poshach na hynny, ond chlywid di mo fi’n mynd mlan ambiti’r bobl ffroenuchel y detho i ar eu traws nhw yn y fanna.

Pwnc arall a drafodwyd wedyn oedd cost uchel cadw anifeiliaid anwes. Yn y rhaglen hon, fe geson ni’r bleser o gwmni Mrs Miaou (!!) fel y mae hi’n cael ei hadnapod gan bawb a phobun yng nghyffiniau Dyffryn Nantlle. Cadw cathod y mae hi wrth reswm, a newydd gael profedigaeth wrth iddi golli un o’r chwe chath oedd gynti ddi. Edrych ar y cathod hyn fel pobl go-iawn oedd hi ac yn fodlon gwario’r hyn a oedd ei angen er eu mwyn. Fe ddylsa rhywun gael gair bach yn ei chlust. Rwyt ti’n gallu cadw ci ond rwyt ti’n was i’r gath. Nid creaduriaid cymdeithasol fel y cŵn ydyn nhw ac maen nhw’n gallach o gryn dipyn hefyd – weli di byth mo wyth o gathod yn tynnu car llusg trwy’r ffycin eira, neu’n aros o gwmpas ombai bod bwyd ar gael. Fe wnân nhw be fynnon nhw - ‘sda nhw ddim ffyc all o ots amdanot ti.

Wi ddim isha bod yn rhy gas at y greadures hon am iddi wneud imi wyrthin yn iach pan wetws hi bod ei chathod hi’n cael mynd mas pan fynnon nhw trwy iwso’r ‘pws-ddrws’. Sôn am y ‘cat flap’ yr oedd hi wrth gwrs – ond pws-ddrws ‘my arse’. Mae’r gair ‘na yn dal i’m goglais.

Person arall a glywais i ar y rhaglen hon, ond mae hyn yn mynd nôl sbelen erbyn hyn, oedd y diddanwr (?!) ‘na Stifyn Parri. Trafod yr ‘Eurovision Song Contest’ ôn nhw y tro hyn ac ynta’n gweid nad oedd e’n gallu barnu pwy mor dda oedd ambell i gân am nad oedd e’n deall yr iaith. Wi ddim yn mynd i weid gormod amdano fe - mae’n edrych imi fel y fath o berson sydd yn mynd i ‘gwglo’ ei enw ei hunan a gweld beth ifi'n ysgrifennu amdano a simo fi’n moyn ypseto neb. Ond am beth stiwpid i’w ddweud ontefe – fe wn i taw un gwael ydw i am ddadlau’n rhesymol pan fo rhywun yn gweid pethau hollol hurt ac rwy’n gwpod nad yw e ddim yn gall, rhesymol neu yn glyfar ond wi’n tueddu i’w galw nhw’n ‘prats’ neu ‘wankers’ – mae’n anodd meddwl am bethau eraill i weid weithiau.

Naw miliwn o feiciau

2007-09-05T16:27:00.001+01:00

Dyma gân bert oddi ar ail albwm Katie Melua ‘Piece by Piece’ a ryddhawyd yn 2005. Fe gei di wrando arni tra bot ti wrthi’n darllen y blog neu’n edrych ar y lluniau ar y blog – sdim ots ‘da fi.

Mae‘r pennill cyntaf yn sôn bod naw miliwn o feiciau yn ‘Beijing’. Mae’n debyg bod hwnna’n wir ac mae’n siwr gen i nad oes yr un seicliwr yno yn seiclo ar y pafin neu beth bynnag sy’n pasio am bafin yn Tsheina.

Yn Llundain mae 1.4 miliwn o feiciau ac mae pob un wan jac sy’n eu defynyddio nhw yn seiclo ar y pafin o bryd i’w gilydd. Yn waeth na hynny mae 80,000 o feiciau yn cael eu twgyd bob blwyddyn yma, felly mae 80,000 mas o’r 1.4 miliwn sy’n seiclo ar y pafin wedi dwyn y ffycin beic yn y lle cyntaf - ♫ ♪ and that’s a fact, it’s a thing we can’t deny ♪ like the fact that I will hate them till I die ♫♪♪ ♫